مش انيس منصور 2 ...
مش انيس منصور2
لو الوحدة ليها مقاس كنت فصلت مقاس اكبر من جسمي .. عشان الوحدة تستريح في القاعدة
ارتفاع سعر البنزين مؤشر خطير علي ارتفاع سعر البطيخ واحنا داخلين علي صيف ؟
نفسي أتكلم إنجليزي زى ابوتريكة في حوار بقناة النايل تي في المصرية
يردد اغاني عبد الباسط حمودة
بفضل الجلوس مع الغير حتى الغير يكرهونه
العام عام البنزين والهبل الجماعي
الجنة علي بعد لترين بنزين من الأرض
ذاكرة الملائكة محتشدة باسمينا وبأفكارنا
النكسة ميزتها انها زانية ... وسببها ان الثورة كانت شغالة في شبكة دعارة
فخلفت أبناء غير شرعيين
بحب العب مع اللغة .. لاني أنا وهي في الضلمة دايما لوحدنا .. والشيطان صايع .. فلازم ينتج جمل بنت حرام .. زي دي
لو كانت سكتك علي موتي ...فامشي براحتك وزي ما انت عايز
ميكي وبطوط يبحثان القضية الفلسطنية بعد فشل ابوتريكة في لم الشمل
لكل انسان غشاء بكارة اخلاقية لابد من فضه
عزيزتي .. لم اقصد يوما ان يكون اسمي باسم شرف ..انتي هبلة ؟
الان .. فضي بكارة احلامك حتي تستمتعي بالحياة ..
مساء الخير يا امي .. لقد حضرت من يومي مثخنا بالطعنات ..
الان اخلع عنك نفسي وابغض فراقي عنك .. لكن النصيب اراد .. فليستمتع النصيب بارداته
بعد البعد كنت خايف اقوم الصبح اتصل زي ما اتعودت بالغلط .. واهو حصل واتصلت .. وقلبي اتوجع
.........................................
باسم شرف
posted by باسم شرف @ 11:14 PM
23 comments
23 Comments:
الان اخلع عنك نفسي وابغض فراقي عنك .. لكن النصيب اراد .. فليستمتع النصيب بارداته
جميلة جدا سلم قلمك
أنيس منصور كاتب رائع و بساطة أسلوبه بتصل للقلب
استاذة اريج
نورتي الصفحة واشكرك علي كلامك الجميل
صباحك قشطة
جميييييل
إنما انت ليه مصر على العنوان اللي مش ولا بد ده؟ والله ما في علاقة بين كلامك وبين كلام الراجل اللي خرف على كبر ده!
جامدة أوي بتاعة أبو تريكة على النايل تي في دي، أنا مشفتوش بس متخيلة
أنا شخصيا نفسي أتكلم انجليزي زي مفيد فوزي ياااااااااه محصلش! بيخلق مناطق stress
لم تعهدها اللغة منذ اختراعها والله، مبدع حقيقي!!!
"الجنة على بعد لترين بنزين من الأرض" :) يا عم دي بعيدة أوي، حد لاقي؟
"لكل إنسان غشاء بكارة أخلاقية لا بد من فضه" عندك حق
"بعد البعد.." حلوة فعلا
بس كله كوم و"عزيزتي لم أقصد يوما أن يكون اسمي باسم شرف، انتي هبلة؟" كوم تاني خااااالص، قعدت أضحك عليها ضحك! حلوة فعلا، حلوة جدا، حلوة للغاية، حلوة ولا جدال..
بجد رائع، الكلام كله
أحييك، وعشان خاطر صباح القشطات وقراءك الأعزاء، المرة الجاية سيبها من غير عنوان، أو خليه باسم شرف 3، بلاش والنبي تموع نفسي قبل ماقرا الكلام الرائع ده!
قشطات :)))
طبعا اكتر من رائع
لكل انسان غشاء بكارة أخلاقية لابد من فضه
الجملة دي عبقرية بجد
لانه فعلا لابد من فضه
دمت مبدع لينا
أشطاط
عارف يا باسم
وأنا بقرا البوست ده
حسيت كأني قاعد على قهوة في التحرير والناس راحه جاية
وكل واحد ماشي بحكايته
تحياتي لحكاياتك
لأأأأأأأأأ ، أنيس منصور 2
انت جميل كالعادة يا باسم
ومش انيس منصور ليه
انا شايفه هنا السخريه اصدق جدا كمان
الواقهع مهما كان ساخر جدا وصعب بس مستحملينه اهو بردوا
باسم اسلوبك جميل جدا
سلمت
باسم أنا سمعت عنك قبل كدة كتير و من إللي سمعته أتمني لو أقابلك و أنا بحب الكتابة و فعلا كتبت حاجة شبيهة بسيناريو و أنا مش محترف الحقيقة بس بأتطلع إني أتعلم حاجة من الفن السابع
دا الميل بتاعي أتمني نتقابل علي خير إنشاء الله و تفيدني في موضوع الكتابة دا و يكون ليا مشاركة معاكوا
mahmoudsalem280@hotmail.com
وأنا كمان قلبي اتوجع
رانا عمر
ريهام هانم رجب
اشكرك علي كلامك الجميل الذي اسعد به كلما قراته كانه نص موازي لما اكتبه
وصباحك قشطة
...................
المعلم شادي باشا اصلان
ربنا يخليك يا معلم ونورت ومنور دايما
....................
وليد
تحياتي لزوقك الجميل واشكرك يا معلم
.....................
احمد
مفهمتش يعني عجب حضرتك النص ولا ولا
المهم انك نورت
....................
مصطفي ريان
وانت ايضا بالمثل
...................
بسنت
اشكرك ومعاكي حق
...............
محمود
نورت يا فنان
انا بس الايام دي مشغول بالتصوير وهاخلص علي رمضان فممكن تبعتلي الحاجات دي من النص التاني من رمضان وهاكون سعيد
اشكرك ............
..........
رنا
ربنا ما يجيب وجع للقلوب لانه اصعب وجع ...............
انت بتلعب ملاكمه اليومين دول والا ايه؟؟؟؟
كل جمله زى البوكس تفقد الوعى بتكرار القرأه..
وان لم اكن عزيزتك فاعتقد..بل وافضل ان اكون هبله...
مساء الايس كريم
الكتابة جنان
بصحيح
سعيد جدا بمعرفة مدونتك
واتمنى أن تسعد بالمثل
Eih ya Basem dah???
Fe3lan gomal bent haram
OSTOR 3ALA GOMALNA YA RAB
taheyati le demaghak el gamila
Moshira Mahmoud
أكيد مش أنيبس منصور
تناولا
و إن كان لك أيضا أبعاد فلسفية رائعة
تحيتي
هتفضل رائع كده طول عمرك؟؟؟
واحشنى جدا
جمييييييييييييل يا باسم
بحب العب مع اللغة .. لاني أنا وهي في الضلمة دايما لوحدنا .. والشيطان صايع .. فلازم ينتج جمل بنت حرام .. زي دي
جميل جدا جدا
يا باسم..بجد فعلا..مش أنيس منصور خالص..ولا يمت له ببصلة :)
روعة يا عم باسم
مش عارف انهى عجبتنى اكتر
كلهم ألسع من بعض
محروس
فضى بكارة احلامك لتستمتعى بالحياة
عجبتنى الجملة دى اوى
سلام
افكارك متنوعة والفاظك مصدمة ..عجبنى كلامك ..اوعى تفقد توازنك او تغيب عنك الرؤية ..دماغك فيها عقل ودى حاجة متعبة خصوصا فى مجتمع زى مجتمعنا ومبسوط انى قابلتك
تامر هتلر
بعد البعد كنت خايف اقوم الصبح اتصل زي ما اتعودت بالغلط .. واهو حصل واتصلت .. وقلبي اتوجع
salamet albak ya basem :)
يا بن الاييييييه... جبارة
مجدى
Post a Comment
<< Home