Friday, February 08, 2008

الحكومة هتتعلم في يوم من المنتخب

هناك الان شيئان افرح لهما في هذه البلدة ضيقة الافق - مصر - فوز المنتخب
وادب الشباب الجيل الجديد وافكر دائما كيف تكون سعيدا فيجب ان تبحث عن تفاصيل للسعادة وتنزنق نفسك فيها عشان تقدر تكمل لم اكن يوما علي ثقة بان فوز المنتخب سوف يسعدني او يحرك شيئا بداخلي واشعربصدق تجاه لحظة وهذا لاني لم اكن يوما مهتما بكرة القدم ولا بلقاءات اللاعبين او انتقالاتهم الي اندية عالمية او محلية وهذه ثاني مرة اشعر بالفرح مع المنتخب اولها نهائي افريقا السابقة يوم ان رقص الجميع في الشارع في لحظة سعادة جماعية لم تحدث في تاريخنا الا القليل والثانية امس
نفسي بقي الحكومة تتعلم من المنتخب

8 Comments:

At 2/09/2008 12:11 AM, Blogger محمد فيروز الكمالي said...

مهما لا قي الإنسان من قومه ظلم وعدم تقدير ، لكنه لا ينسى وطنه ويحب أن يرفع من شأن وطنه ، وكل إنجاز لأهله يفرح به .
وقدوتنا الرسول صلى الله عليه وسلم عندما طرده قومه من مكة نظر إليها وقال قولة الشهيرة والله أنك أحب بقة في قلبي ولولا أن قومك اخرجوني ما خرجت ، أو كما قال رسولنا الكريم

 
At 2/11/2008 7:52 PM, Blogger iHaB said...

عم بسوم المهم والضرورى ..صباح الفل

احب اؤكد لك ان الحكومة هتتعلم طبعا م المنتخب ..بس من عماد متعب بس .
:))))

 
At 2/12/2008 10:44 AM, Blogger باسم شرف said...

محمد
اشكرك وطبعا وجميل ان مصر تكسب كمان

ايهاب
يا راجل متظلمش الحكومة هو عماد فعلا قعد يلعب كل الوقت بس خرج في اخر ماتش يمكن الحكومة تتغير في اخر الفيلم ؟ قشطات

 
At 2/13/2008 12:08 AM, Anonymous 3aaaSSeeeef said...

مفتكرش حتتعلم اصل دي المرة التانية الي بفوز فيها المنتخب ومحصلش حاجة في الاولى
فالموضوع محتاج صدمة عشان تتعلم :))
حتيجي ايمتى بقى ؟

 
At 2/14/2008 5:04 AM, Anonymous رانيا said...

اكيد فوزهم ده من رحمة ربنا بينا يارب بلدنا قديرة بعطفك ورحمتك
ورضوانك

وعلى ما أظن محدش يقدر يعلم الحكومة
إلا الشعب كله و سلااااااااااااام

 
At 2/14/2008 2:12 PM, Blogger LAMIA MAHMOUD said...

عادي جدا انا طول عمري معلوماتي عن الكورة انها مثلثة
والسنة دي اول سنة افرح ومش بس كده اتناقشت كمان في ان من رايي ان زيدان اللي جاب الجون مش ابو تريكة

تقريبا بنتلكك عشان نفرح بالبلد

لو التعليق متكرر مش ذنبي ده ذنب البلوجر دوت كوم

 
At 3/05/2008 2:38 AM, Blogger Shaimaa Zaher said...

مش حيتعلموا حاجة يا باسم

مفيييييييش فايدة


-----
أنا كنت يوم الفوز بأجيب أخويا من المطار والدنيا كانت هيصة، الراجل بتاع الورد قال لي الناس دي عندها كبت، ما صدقوا يعني
-----

مفيش فايدة ...مفيش

 
At 3/20/2008 4:24 AM, Blogger باسم شرف said...

عاصف ..رانيا..لمياء..شيماء
تقريبا بنتلكك عشان نفرح دا حقيقي
اشكركم

 

Post a Comment

<< Home