تاج الملك
انا عادة بخاف من الاسئلة والاجابة وبحب اليحاة اللي ماشية من غير سؤال لانه بيحدد حاجات انا مبحبش احددها لكن لما جالي التاج ده وعلي فكرة انا مبعرفش في امور التاج ولا صفاته لاني اجهل تكنولوجيتكم
ولكني ماثل امامكم الان فلا تطيحوا بي فانا منكم واعيش
علي فكرة التاج ده جه من وئام
اية اللي حيحصل لايميلك لما تموت ؟
اكيد هيتقفل .. لان بعد عدة شهور سيعلن السيد ياهو انني لست من اتباعه وهذا لسبب انشغال الذين يحبونني بالحزن علي .. فسيحصل السيد ياهو علي ما يخصه والذي اعطاني اياه مجانا .. وهذا حقه
اديت الباس وورد لحد قبل كده؟
اكيد
و اه كانت طبيعة علاقتك بيه اية؟
اخويا لانه الوحيد الذي كان يتابع رسائلي الاليكترونية وخصوصا معرفتي القليلة بالتكنولوجيا من عام 1996 الي عام 2004
اكيد هيتقفل .. لان بعد عدة شهور سيعلن السيد ياهو انني لست من اتباعه وهذا لسبب انشغال الذين يحبونني بالحزن علي .. فسيحصل السيد ياهو علي ما يخصه والذي اعطاني اياه مجانا .. وهذا حقه
اديت الباس وورد لحد قبل كده؟
اكيد
و اه كانت طبيعة علاقتك بيه اية؟
اخويا لانه الوحيد الذي كان يتابع رسائلي الاليكترونية وخصوصا معرفتي القليلة بالتكنولوجيا من عام 1996 الي عام 2004
اسمك؟
باسم ابراهيم شرف
اسم الدلع المشهور في وسط اصحابك ؟
مش عارف كل واحد بيحاول ان ينحت اسم دلع لارضائي ويلقي دائما العكس لاني مبحبش الدلع
مش عارف كل واحد بيحاول ان ينحت اسم دلع لارضائي ويلقي دائما العكس لاني مبحبش الدلع
عمرك؟
حبة سنين تقدر بسبعة وعشرين عاما
برجك؟
ميزان
مجالك او مجال دراستك ؟
مجالي الحياة والسعادة لذلك عملت بالفن وخصوصا الكتابة
شخصيتك نوعها ايه؟
نوكيا 6610 بجراب واحيانا من غير جراب وعادة ما تتصدي الضعف
السفر بالنسبة لك ؟
تغير جو ودراسة فقط وليس من اجل الحصول علي اموال
المود بتاعك؟
سبعة الاف مود في اللحظه
وقت فراغك بتعمل فيه اية؟
ماهو لو عملت فيه حاجة بيقي مش وقت فراغ وانا بطبعي اميل الي الانتخة في البيت ومشاهدة التلفزيون
الاكلة المفضلة؟
الرز والبسلة والفراخ ( وجبة علي بعضها )
الصفات اللي خدتها من بابا؟
مش عارف او عارف وبستعبط
الصفات اللي خدتها من ماما؟
نفس الاجابة
اكتر 6 حاجات بتكرهها؟
الكذب
واللي بيعمل صحبي وهو مش صحبي
والتخلف
والغباء
والجملة المكتوبة غلط او وحش
والبنت اللي بتركب جنب سواق التاكسي
اكتر 6 حاجات بتحبها؟
لذة الاكل
وعدوي اللي بيخليني اشتغل اكتر من اللزوم عشان ابقي احسن وعادة ده عدو غبي لانه مش فاهم طبيعتي
الجملة اللي مكتوبة كويس قوي واستمتع بيها حتي ولو مكتوبة علي لافتة محل
اليوم اللي بدأ صح
متابعة المارة من الترام القديم
اشوف حد بحب اشوفه صدفة
لذة الاكل
وعدوي اللي بيخليني اشتغل اكتر من اللزوم عشان ابقي احسن وعادة ده عدو غبي لانه مش فاهم طبيعتي
الجملة اللي مكتوبة كويس قوي واستمتع بيها حتي ولو مكتوبة علي لافتة محل
اليوم اللي بدأ صح
متابعة المارة من الترام القديم
اشوف حد بحب اشوفه صدفة
الشغل بالنسبة لك؟
كل الحياة
الكومبيوتر والانترنت بالنسبة لك؟
انا في التراوة في الموضوع ده وبلاش احراج
وعشان كده عملت التاج اللي معرفش يعني ايه لغاية دلوقتي
سعدت بكم كما سعدتم بلقائي ولا ايه ؟ اكيد بدليل كملت معايا للاخر واشوفكم في حلقة جديدة وبرنامج تاج دوت كوم
posted by باسم شرف @ 10:09 AM
15 comments
15 Comments:
j'ai rien à dire seulement bravo bravo Bassem un interview on peu peut dire en un trés grand niveau pace que il est au meme temps plein du hummeur plein de critique et surtot c'est de nos réalité je te félicite Bassim et je te souhaite bon courage
I am soo sorry Bassem I forget and I write anther time in Frensh i would like to write better in Arabic but unfortunatly I don't have Arabic letter in my keyboard oki what I was said your interview was really really soo great because it is in the same time nice and critic and show our reality congratulation Bassim and I hope good luck to you.
اسعدتنا سيادتك..ومشكرين اوي عالاجابات المسخرة دي :P
ممنونة جدا والله..وانشاءالله ربنا يقدرني واي تاج الاقيه في اي خرابة ابعتهولك
:D
نوكيا 6610 بجراب واحيانا من غير جراب وعادة ما تتصدي الضعف
احلي اجابة! :D
ده غير طبعا..
"الرز والبسلة والفارخ وجبة واحدة علي بعضها بين قوسين!" :)
فعلا شخصية مميزة جدا !!!!
واضح ان شخصية نوكيا6610 دى خفيفة وواضحة و بسيطة جدا
طبعا يا باسم انت غيرت مفهومي عن حاجات كتيير كنت فاهمها غلط وشكرا ل وئام انها وضحت شخصيتك اكتر
احمد وائل:]
هههههههههههه على الرغم من أني اعرفك من مدة أول مرة أكتشف أني ما اعرفش عنك أي حاجة يا باسم, بس الصورة اللي أنا كنت وخداها عن شخصيتك المبدعة لم تتغير, و فعلا سعدت بقراءة "التاج" بتاعك
بس أرجوك بس تفهمني يعني أيه تاج؟!!!! لأني مش فاهمة لغاية دلوقتي :)
تحياتي
داليا
بسله ورز وفراخ!!!!!!!!! بتفهم والله
كلمنى عن الطبيييييييييييييييييييييييخ
وفاء بالفرنساوي
اشكرك علي الرغم من اني مش فاهم اي حاجة غير كلمة برافو باسم فاكيد بتكلميني انا لاني صاحب المدونة
..........
وفاء بالانجليزي
اشكرك جدا ويارب الحوار يكون عجبك
انا فهمت التعليق ده لوحدي هههههههه
................
السيدة وئام صاحبة التدبيسة دي ماشي يا وئام ليكي يوم
عجبك نوكيا بتاكل رز وبسلة وفراخ ؟ هههههههه
.................
رانيا
ايه رايك بقي في نوكياكويسة ومش بتسقط
اها فولدرات طيبة جدا والفولدر الشرير والفاسد مسحته ههههههههههه
................
احمد وائل
ايه بقي يامعلم اللي اتغير ؟
............
داليا
شكرا جدا علي تعليقك وربنا يخليكي دي صفات اعتز بيها جدا
والله انا زيك معرفش يعني ايه تاج وليه اسمه كده
..................
امينة
شوفتي بقي الطبخ متعة
والطبيخ في اللغة هو ,,,,,,,,,, بعدين بقي لاحسن المكان هنا ميستحملش بوتجاز وانبوبة ويمكن تفرق في وش واحد بيعلق ونكون احنا السبب
انا استمتعت جدا بقراءة
التاج ده
بس اللي متعني اكتر إجاباتك
وبعدين ياريت يا باسم
لو بقول لو عرفت يعني ايه تاج
تبقا تقولنا
اراك عصي الدمع
:)))))))))))))
و الله العظيم كنت متخيلة اجاباتك دى بالضبط قلت باسم هيرد كده بالضبط
بس حلوة عارف بس بستعبط:)))))))
بقى انا الف و ادوخ على الكتاب كده يا باسم مش لقياه فى ديوان و ميريت لما الحمد لله عرفت اوصلها لقيتها قافله!!!!!!!!!!انا عارفة حظى الجمييل بس انا وراه وراه و هجيبه
عزو الجميل
اشكرك
والله ما اعرف يعني ايه كلمة تاج
انا كنست عليه السيدة زينب ولحد دلوقتي مجليش رد
.............
نورا
انا اصلا مبحبش الاسئلة والاجوبة لكن هنعمل ايه بقي يلا نصيب .ههههه
اشكرك ياستي
الكتاب فعلا في ميريت بس الاستاذ محمد هاشم في معرض في المغرب وقرب يجي ولسة معملش توزيع علي المكتبات
صباح الفل يا باسم
اتشرفنا يا سيدي بمعرفةالشخصية اللي مش عارفين عنها حاجة لحد دلوقت
المهم يا بيسو
انا عايز الميل بتاعك
دورت في البروفيل مالقيتش
alyalalfy100@yahoo.com
علوة الفنان
صباح الجمال
ليه ياعم متعرفش انا كتاب مفتوح بس مركون علي رصيف العمر هههه
تحس انها جملة من جمل احسان عبد القدوس
لكن اميلي بعتهولك علي الاميل
انا متأخر اوي في الرد ده
مقدرش اقول بصراحة إني فهمتك اكتر من الردود ولا الكلام ده اهو ردوخلاص .الناس إللي بتفهمك اكتر دي أكيد عباقره يعني او انا إللي حمار ..
بس انت اكتر حاجه بتكرها البنت إللي بتركب جنب سواق التاكسي ؟
طيب إيه رأيك إني اكتر حاجة بحبها هي البنت إللي بترجب جنب سواق التاكسي واكتر حاجه بكرهها هي إللي بتركب ورا جنب الباب بشكل مرعوب علي أساس إنه اول اماا يبدأ يمد إيده عليها اوتلاقيه بيخش في شوارع ضلمة تنط علي طول وتجري
عزيزي احمد زكريا
اشكرك .. الموضوع ابسط من كده .. انا كنت بجاوب لاني لا افضل الاسئلة والاجوبة لان انا اللي بكتب فممكن تعرفني اكتر من الكتابة
انما حكاية الناس لا هي بتفهم اكتر من حضرتك ولا حاجة .. يمكن حضرتك بس اول مرة تخش عني
علي العموم انا مبسوط بتعليقك
Post a Comment
<< Home