Monday, December 25, 2006

ظل ينتظر

ظل ينتظر
لم يكن بباله ان يكون في الثلاثين من عمره يوما
كان يشعر بان الثلاثين هي بداية الشيخوخة
ظن يوما بانه سيظل طفلا
والان يشعر باعراض جديدة
وصلتني رسالته الاخيره يقول فيها :
عيناي ثقيلاتان وأهدابي متعبة كأن اهل العراق وهم يشدون تمثال الديكتاور .... ذراعي الأيسر به رعشة تنوي أن تمضغ حبيبات الدم البيضاء حتي يفقد قدرته وحيويته علي التحرك .... القفص الصدري الذي يحمل بداخله الف مرارة يضخها الي الفم .... الأمعاء الطيبة التي تستقبل كل ما يقدم اليها ، لا تقوي علي استقبال أي جديد .... مرض البرد الذي يتكأ علي عصا داخل مفاصلي ، مفاصلي كادت أن تنفك عن عالمها وتجري دون الإحتماء ببقية الجسد من الوقوع ... رغبتي في أن احلم ، حلم قصير تسيطر عليه فانتازيا درامية لا أستطيع أن اخوضها قبل الساعة واحدة ليلا .... تهيؤات المرض التي تسيطر علي ، الان وجها شاحب كامرأة شاخت وتعيش بالحبوب والمهدئات ....
عزيزي :
هل صرت الان هكذا بعد ان كنت يوما عمودا سريا لرفع السماء ؟ .. هل صرت هكذا بعد ان كانت حياتي راهبة في معبد الاندفاع ؟ .. هل تذكر عنادي ؟
هل كانت يدايا التي كانت تلامس االحلم وانا مستيقظ شلت وصارت قطعة لحم تم تهميشها من جسدي ؟
هل تذكر كلماتي التي كتبتها علي جدار غرفتك عندما زرتك يوما وانا في الخامسة والعشرين ؟
هل تحتفظ بامضائي علي الكتاب الذي اهديتك اياه الذي لم اكتب غيره .. وكانه لم يوجد كذراعي الان .. الان اشعر باني صرت حياة لاخرين يحاول البعض ان يتصعب عليا ويدر عليا تعاطفا مصطنعا لكي يبكي تطهيرا لما يدور بداخله تجاه نفسه
كنت اقول لعامي الثلاثين .. لا تأتي ستعيش بمفردك داخلي .. ابحث عن غيري لن
أستطيع ان البي رغباتك الحية في بقائك
عزيزي ..
هل حقا تشيخ الاحلام ؟
نسيت ان اقول لك ان عمري الان سبعة وثلاثون عاما وانا في انتظار الثلاثين .. مر دون ان الحظه ..
ستكون هذه هي اخر ورقة تقرا في في العالم .. لانه سينتهي الان .. انا ذاهب حيث لا اعلم ولكن اريد شيئا منك ان تخبرني .. هل كنت حقا موجود ؟
ستخبرني في اللقاء العام الذي سيجمعنا جميعا
علي فكرة انا ممكن اموت كمان يومين .. مدورش عليا لاني فعلا خلاص اكون بعيد بعيد خالص
فل يا باسم .. سلاااااااام مؤقت
ترك العالم حالما بوجوده وقبل ان يوراي العالم طرفه منه قال لي : فل
يلا سلام ومش مؤقت
سلام

35 Comments:

At 12/25/2006 5:18 AM, Blogger bagabigo said...

انت ازاى كدا بجد تجنن

 
At 12/25/2006 5:20 AM, Anonymous رانيا said...

شخص كان عايش ؛
فل و السلام
الله يخرب بيت كده

بص اسلوبك ده داهية فظيع بس الواحد مش فى
حمل كده
!!!!!!الكلام و الالفاظ بيرسم صورة واقع؛
كفاية حرام الرحمه حلوة بوست مؤلم
كالعاده !




الان اشعر باني صرت حياة لاخرين يحاول
البعض ان يتصعب عليا ويدر عليا تعاطفا مصطنعا لكي يبكي تطهيرا لما يدور بداخله تجاه نفسه



و الاجابه مستحيله
هل كلنا حقا موجودين ؟؟؟

 
At 12/25/2006 3:51 PM, Blogger shaimaa said...

حلو اوى
احاسيس مؤلة جدا
بس شدتنى ليها من غير ما احس غير بالوجه مع فل والسلام

تحياتى على الاسلوب القوى

 
At 12/25/2006 3:52 PM, Blogger karakib said...

أحساس غريب عندما تنظر خلفك و تري حبات العمر أنفرطت و درت بعيدا بشكل لا يمكنني من تجميعها ... مرور العمر .. عارف .. ساعات لما باكتب تاريخ بتعصلج معايا و ما أبقاش عايز 2006 مصيبه 2007
بابقي نفسي أكتب 1996 او 1997 بس مين يرجع الزمن في الأساطير اليونانيه كان ينفخ زيوس فالشمعه المقدسه فيعود الزمان الي الوراء و كل يصحح اخطائه كما شاء

 
At 12/25/2006 4:06 PM, Anonymous Anonymous said...

ايه يابنى الجديد الجامد ده
أنا لقيت حاجات كتييييييرة قوى ماشفتهاش خالص
بس مفرقعة
بس خد بالك من الهجاء شوية

ونزلى اهداء الله يباركلك

أخوك
بلال شرف من السعودية
وشوفلى عروسة من على البلوج ده ياعم

 
At 12/25/2006 10:05 PM, Blogger makhlouf said...

هل حقا تشيخ الاحلام ؟



جميل جدا ياباسم

انا باخاف م الحاجات دى
الزمن
العمر
والموت

 
At 12/26/2006 12:36 AM, Anonymous Anonymous said...

http://www.magdycomics.com/blog

الله عليك يا باسم

و أهديك و قراء مدونتك كلمات لتوؤم روحى طاهر البرنبالى:


"تلاتين سنة و البحر عازب
تلاتين سنة و البحر يحلم بالشطوط
و الحمل كاذب
تلاتين سنة و البحر ما داق الصبا
لان عينه قريَبة...
م المستحيييل

مجدى الشافعى

 
At 12/26/2006 1:35 AM, Blogger bebe_flower said...

ظريف يا بسوم انك عشت الرجل بعد السابعه والثلاثين ،ماذا لو عشت المرأه بعد فقط الثلاثين ؟!؟!؟!؟!أكيد هايكون دمار و نهاية العالم ، عشان كده خلينا في العاشرة فما فوق دون العشرين ، اعتقد أفضل .

 
At 12/26/2006 2:10 AM, Anonymous Anonymous said...

يابنى أنا البلوج ده أمس شدنى خلانى أنام الفجر وأنا عندى شغل الصبح
بس بصراحة أحييك على البلوج ده
وهاحول أتابعه من عندى
لأن لما دخلت أمس حسيت بجد ان أنا فى غربة من زمان لقيت حاجات كتيرة جدا جديدة بس حلوة كتير
كنت باشوف الكلام ده أول بأول منك مباشر فبل ماينزل على البلوج
بس يلا هى دى الحياة
سلامى ل " تن تن " ومش هاقول مين هو
وياريت تنزلنا أح حاجة " أكاد سى " على البلوج عشان الحاجات الجميلة دى مفتقدينها فى الغربة

أخوك بلال شرف
الدمام
السعودية

 
At 12/26/2006 3:28 AM, Blogger كراكيب نـهـى مـحمود said...

ابتسامه المحها على طرف شفتاي الان
ومئات من الاحاسيس التي تتركنا هكذا في ليلة شتوية بلا مأوي انما عمر يمر وزمن ينفذ
وفل يا باسم

 
At 12/26/2006 6:07 AM, Blogger باسم شرف said...

الامورة هاجر
كيفك ؟
اشكرك علي التعليق ... وانا كده عشان انا كده ههههههههه دا من زوقك
......................
رانيا اللي بتنورني وتشجعني دايما اشكرك .. وسؤالك هل فعلا موجودين ؟ دا يدل علي اننا للاسف موجودين ....
..................
شيماء
اشكرك ياست البوست ههههههه ربنا يخليكي ياقمر
......................
كراكيب احييك جدا علي كلامك المتامل ده .. ده ينفع بوست يابني اشكرك جدا
......................
يلال اخويا الجميل
اولا نقي العروسة اللي تناسبك من المدونة لان كلهم عسلات وعلي ضمنتي ياعم
ليك وحشة والله .. كنت بقرالك الكلام قبل مايتنشر .. لكن ظروف الحياة .. وادينا علي تواصل حلو قوي اهو .. وبلاش فضايح .... تن تن ايه وبتاع ههههههههههههههههههههه
قشطة يابل
...................
مخلوف الرسام الجميل
متخفش ياعم دي حاجات مبتخوفش دي بتموت بس ..لو حسيت بانك خايف اعرف انك لسة عايش
.............................
الفنان الكبير جدا مجدي الشافعي والله بتنور المدونة بوجودك .. واولا اشكرك علي كلام الشاعر طاهر البرنبالي اللي خلاني قعدت متثبت قدامه وخلاني قرأت الكلام بتاعي تاني بشكل تاني حسيت بغربة معاه
تحياتي ليه وسلامي اليك
.........................
الجميلة عبير شكرا علي كلامك الشيك جدا ده وعلي فكرة المراة بعد الثلاثين تصير اكثر بهاءا وحياة لانها صارت حياة .. ليس الالم في ان نعيش ولكنه في الالم ذاته
........................
نهي الكاتبة اللي بحب شغلها .. ايه يابنتي الكلام الحلو قوي ده
شكرا جدا ليكي والله .. دي قراءة الكتابة بشكل اخر فني
..............

 
At 12/26/2006 3:28 PM, Anonymous Anonymous said...

هلا
بص ياريت تعمل تشيك على الآميلز بتاعتى على الياهو والهوت ميل ضرورى بشكل متتابع
وبالأحرى الياهو عشان الموقع مهيس عندنا هنا
ومتنساش تنزل على البلوج " أكاد سى " ضرورى عشان الناس تستمتع باللحظات الفنية الجميلة دى

أخوك بلال شرف
شارع الملك سعود
الدمام
المملكة العربية السعودية
هاتف المنزل 03/8348906

 
At 12/27/2006 1:12 PM, Blogger cat_eyes(همس الليل) said...

حلو اوى الكلام يا باسم اول مره اقرا بتمعن جميل بجد
معلش تعليقى اتاخر عندك بس ان شاء الله اتابع الكلام الجميل بتاعك

 
At 12/27/2006 4:26 PM, Anonymous Anonymous said...

eh el kalam da ya bassom!!
bgd ash3art,la2nak tara7t as2ela we a7asis gowaya men el momken mala2ish leha egabat...ya3ny 7awelt a3ish el tagroba di ba3d ma aretha ma3reftesh..we ma3reftesh hal fe3lan e7na (hakikyen)....any way,,gamila awyyyyyyyyyyyyyyyyyyyyyy ya bassem bgd..we keep going
fol ya 3am bassem!!!

 
At 12/27/2006 4:26 PM, Anonymous Anonymous said...

ah sorry i'm zahra..

 
At 12/27/2006 4:48 PM, Blogger we2am said...

طب اشطة..انا لوجبت الاجزاء اللي عورتني"كالعادة"ممكن اكتب البوست كله هنا :)))
انما لو انا قلت يالا سلام ومقلتش مؤقت ..يبقي هاموت؟ :S:S
ده هاجس مزعج بيلح عليا..كل ماجي اقول لحد سلام من ساعة ماقريت الكلام الشنييع ده..
اشطة ياباسم..يلا سلام و مش مؤ...0
:S :S

 
At 12/27/2006 6:45 PM, Blogger Ihab Fatthelbab said...

انا الفترة اللى فاتت دى كلها بقى عندى موقع مهم جداًلازم ازوره قبل حتى ما افتح ايميلى ..مدونتك ..حلو بجد ياباسم البوست الأخير ده وحقيقى ..انت تعرف انا عمرى ما قريت حاجة احساسها عامل كده من اد ايه؟ ..من زمان جداً
تحياتى وميرسى على الثراءوالأبداع المجانى ده
:D

 
At 12/28/2006 6:36 AM, Anonymous تامر العفيفي said...

باسم
أجمل حاجة انك تحس ان الكلام بيسرقك لمنطقة متتوقعهاش
بالرغم اننا عايشين جواها
تحياتي يا فنان

 
At 12/28/2006 9:02 AM, Blogger ME said...

قريت كلامك ده اول مرة من 3 ايام تقريباً.. و من ساعتها وانا بدور على كلام اقوله .. و مش لاقيه .. بجد اروع من انه يتكتب عنه تعليق ..

 
At 12/29/2006 5:26 AM, Blogger nour said...

اقول ايه انا بس
كلامك ميتقلش حاجة بعده..
كل لما اقرالك حاجة بتنح..:)
انت عارف رأيى فيك يا معلم
كل سنة و انت متألق
وفل برضه

 
At 12/29/2006 8:47 AM, Anonymous Anonymous said...

السلام عليكم
باسم شرف أسم كبير جداً
انا من المتابيعين لكتاباتك
والى الأمام يابطل
اتمنى انا أشوفك عن قرب لكي أتعرف على شخصيتك المميزة وابغى منك تعطيني رأيك في الشاعر الكبير نجيب سرور في القصيدة الشهيرة.........
أم سليمان قطر

 
At 12/30/2006 12:44 PM, Blogger باسم شرف said...

همس الليل
شكرا ياستي علي كلامك الجميل .. وبقي اجمل لما قريتيه ..
.................
زهرة هانم رامي الجميلة
ميرسي جدا علي تعليقك الجميل .. وتشجعيك الجميل
......................
وئام
احساسك حلو وشكرا علي التعليق ومتخفيش قولي سلام مؤقت لانه خلاص سلم ومشي ... الحياة بتفضل يا وئام بمؤقت او من غير
...................
ايهاب باشا
ايه ياعم الكلام الجميل ده .. ده كتير قوي ياعم علينا
علي العموم ربنا يخليك وده لانك انسان كويس وفنان
................
عم تامر الشاعر عفيفي
الكلام بيسرق لانه يشبهني لاني حرامي هههههههه ربنا يخليك ياجميل
................
me
وانا فضلت استةعب تعليقك اسبوع لانه كلام كبير جدا وسعدت بيه
دا من زوقك المرهف طبعا
..................
نورا الجميلة
يانهار ابيض كلامي يتقال تعليقك بعده يعليه كتير
دا كلامك وتعليقك ينور الكتابة وقراية جديدة للنص
.....................
السيدة ام سليمان
انتي نورتي المدونة وكلامك سعدت بيه جدا
لكني للاسف لا احب نجيب سرور واشمعني قصيدته هذه ؟ .. لكنها مرحلة خاصة بالشاعر وبتاريخ مرحلته كلها ولكنها كاشفة وتعري واقع مرير عاشه وعاشه جيل ومازلنا نعيشه طبعا
سعدت بيكي

 
At 12/30/2006 2:39 PM, Blogger Dalia Ziada said...

يعني فعلا و الله العظيم أنا عاجزة عن وصف اعجابي بالنص, دايما تخفي وراء كلماتك الواعية إحساس غريب لا يمكن أبدا أن نلمسه أو نوصفه مثلا, لكننا بالتأكيد نستمتع بالشعور به, و ربما هذا هو سرك, و بوركت يدك يا فنان يا حساس, و سلام مؤقت

أه .. صحيح .. كل سنة و أنت طيب

 
At 12/31/2006 8:06 AM, Blogger Amany said...

الكلام جميل وتعبيرتك قوية
بس الاحلام لاتشيخ
لان اللى بيشخ الاطار الخارجى للانسان وده مش مهم لكن القلب والروح لا تشيخ ولا الاحلام طبعا الانسان يقدر يحلم ويحقق حلمه طالما يقدر

من لا يحلم ويسعى لتحقيق حلمه
فهو انسان لا حى ولا ميت
وبعدين من الاخر ده سن التلاتين امال لو كان التمانين كان عمل ايه كان زمانه طلع من الكمبيوتر وقطعنا
ربنا يستر علينا من معارفك

 
At 1/01/2007 1:00 PM, Blogger شيماء زاهر said...

كل سنة وأنت طيب ...

 
At 1/01/2007 7:20 PM, Blogger دعاء عادل said...

حلوه اوى واحساسك عالى اوى
لكن تخيل ان يكون الانسان عايش كل المشاعر دى فى سن اصغر من ال37 بكتير
وكل سنه وانت طيب

 
At 1/02/2007 1:57 AM, Blogger باسم شرف said...

داليا زيادة
اشكرك علي كلامك الجميل والله انتي اللي فنانة
وانتي طيبة يااستاذة
....................
الاستاذة اماني
شكرا علي تعليقك وده من زوقك ياجميلة
لكن مفهمتش يعني ايه يستر علينا من معارفك علي الرغم من ان معارفي هم من يشرفون العالم بوجودهم
...................
شيماء زاهر
وانتي طيبة يا قمر
................
دعاء عادل
نورتيني علي مدونتي المتواضعة
واشكرك علي كلامك الجميل والراقي هذا
الازمة ان الواحد يعيش تفاصيل حياة كريهة قبل زمنها مثل الكبر والشيخوخة
وعلي فكرة وانتي طيبة والله العظيم وكاتبة جميلة
......ز

 
At 1/02/2007 10:24 AM, Blogger Rasha said...

تعرف انا دايما بكون عايزة اجي اشوف مدونتك بس والله دا تقصير مني بس اكيد مش بعد اليوم لاني اكتشفت كلامك الجميل

هل حقا تشيخ الاحلام ؟
نسيت ان اقول لك ان عمري الان سبعة وثلاثون عاما وانا في انتظار الثلاثين .. مر دون ان الحظه ..
ستكون هذه هي اخر ورقة تقرا في في العالم .. لانه سينتهي الان .. انا ذاهب حيث لا اعلم ولكن اريد شيئا منك ان تخبرني .. هل كنت حقا موجود ؟

جميلة جدا جدا

تحياتي الى فكرك وقلمك الرائع
وكل سنة وانت طيب يا باسم

 
At 1/04/2007 3:30 AM, Blogger باسم شرف said...

الاستاذة الجميلة رشا
اشكرك علي كلامك الجميل .. نورتي المدونة المتواضعة بتاعتي
وانتي طيبة ياقمر

 
At 1/04/2007 4:06 PM, Blogger zordeak said...

باسم الجميل
تسرقنا مشاعرك الجميلة .., لنجد انفسنا فى النهاية داخل عالمك .. كل سنة وانت طيب يا جميل

 
At 1/04/2007 4:07 PM, Blogger zordeak said...

باسم الجميل
تسرقنا مشاعرك الجميلة .., لنجد انفسنا فى النهاية داخل عالمك .. كل سنة وانت طيب يا جميل

 
At 1/04/2007 4:08 PM, Blogger zordeak said...

باسم الجميل
تسرقنا مشاعرك الجميلة .., لنجد انفسنا فى النهاية داخل عالمك .. كل سنة وانت طيب يا جميل

 
At 1/05/2007 5:09 AM, Blogger باسم شرف said...

عزيزي zordeak
ربنا يخليك وشكرا ليك علي مشاعرك الجميلة وعلي نورك هنا
وانت طيب ياجميل

 
At 1/11/2007 10:39 AM, Blogger Dananeer said...

بتوجع اوى يا باسم

 
At 1/12/2007 5:29 PM, Blogger باسم شرف said...

دنانير
ربنا يخليكي ... ده عشان انتي عندك زوق جمبل

 

Post a Comment

<< Home