Wednesday, December 06, 2006

تحية لينا جامدة قوي




بوش وهو يحمل ابنه الجديد
مش عارف ايه وجه الشبه بالظبط ؟ لكن اكيد فيه شبه
في ايه ؟ في ايه ؟
يارب اوصل لحل عشان اعرف انام
هو بوش بيشتغل ايه بعد الضهر ؟
ياتري بياخد مرتبه ازاي ؟ في ظرف ولا لفة كده في ايده ؟
ياتري بيغسل ايده بعد الاكل ؟
ايه نوعية الورنيش الي بييستخدمه في تلميع جزمته ؟
ياتري لما يحس انه عايز يهرش بيهرش ؟
ياتري بيتغطي لما يجي ينام ؟
ولما يجيلوا برد بياخد مضاد حيوي ؟
ايه اخر مرة جاله فيها اللوز ....... ولما جاتله كان بياكل جبنة رومي وعيش ؟
ولا تلاقيه عمل العمليه واتخلص منها ... واعي
ياتري القميص بتاعه بيكويه لما يجي نازل وخصوصا انه يبلبس بدل ؟
ياتري بيكوي الحتة اللي تحت في القميص المكرمشة اللي بيحطها في البنطلون؟
ياتري لما بيحب يسمع ام كلثوم بيقفل عينيه ؟
هو لما بيقعد في الاجتماع بيشرب ماية ؟
هو فعلا متكلمش في الحجاب ؟
افتكر ان جاله مرة اسهال ؟ صح ولاء ؟
ياتري بيعمل شات بالليل ؟
ياتري لما بيكتب في بلوجه تدوينه فيها شجن بيحط صورة لبنت حلوة عينيها بتدمع ولا لاء ؟
ياتري بوش ابوه اسمه ايه ؟ اصل عندي معلومات جبتها من قناة النيل للاخبار مش متأكد منها ؟


يانهار اسود.. اسئلة صعبة ورخمة .. صح ؟



وياتري ابنه هيربيه علي الحاجات دي
ولا هيخليه يفكر في اسلوب جديد
علي العموم ادينا قاعدين هنشوف سعيد بوش نجل بوش الملواني صاحب اكبر محلات اي حاجة باتنين جنيه ونص

اشوفكم يوم القيامة ونبقي نرضع عيالهم


10 Comments:

At 12/07/2006 11:37 AM, Blogger nour said...

هاهاهاهاهاها
عارف انا بفضل اسأل الاسئلة دى على ناس غريبة بيجوا فجأة فى دماغى بس عمرى ما سألتها على بوش سواء كان جورج بوش و لا بوش الملوانى ده
انا دايما اسألها على ناس بيبقوا نافخين نفسهم على الخلق اوى فبستغرب يعنى الناس دى مش زينا مش بيهرشوا و يروحوا الحمام و يبرموا ورقة ينضفوا بيها ودانهم
بس انت جمعت حاجات كتير فى موضوع واحد و كله فى قالب كوميدى مدروس
ضغضت على جروح كتير بس براحةمن غير ميتفتح
حد قالك قبل كده اسلوبك قنبلة

 
At 12/07/2006 11:43 AM, Blogger كراكيب نـهـى مـحمود said...

جميله اوي موضوع الجبنة الرومي والعيش مع اللوز ده نقلني لمستوى تاني من الحكي
اسلوبك عبقري ولغتك عالية وانسانيتك طاغيه في البوست ده
اقول ايه اسال اسال هوه يعني السؤال حرم ؟
تحياتي

 
At 12/07/2006 3:18 PM, Blogger we2am said...

w yoom el2yama leh?e7na lessa hanstna?e7na han7'osh elnar fe 22l mn 24 sa3a :D
nahayt mwade3k 3bqryya fe3lan..w r3'm en as2la base6a ela enha btbrgl elwa7d wte7'leh yefkr w howa msh kabs 3aleh..zay 7alaty kida :D
wtg ya fanan :))

 
At 12/07/2006 7:46 PM, Blogger باسم شرف said...

عزيزتي نور الجميلة
اشكرك علي التعليق الجميل انا انبسطت جدا بيه
وربنا يخليكي علي كلامك .. اسلوبي بيقي جميل لما انتي بتقريه
بس الاسئلة دي دايما بنسالها لاننا الواحدين بنسالها

...............
الاستاذة الكاتبة نهي
ايه رايك في الجبنة الرومي دي ؟ اصل احنا زمان لما كنا بنعيا كنا بناكل جبنة رومي وفينو لانها اخف الحاجات اللي تيجي علي نفسي .. لكن دلوقت ربنا كرمنا وكبرنا وبقينا ناكل فلمنك
وكلف في الحقيقة قشطة

...............
الجميلة وئام
للاسف الحاجة الوحيدة اللي هينفع نكلمهم ونسألهم ويرودوا علينا يوم القيامة لاننا كلنا هنبقي من غير عقل وتخطيط ..
وشكرا لتعليقك
...........

 
At 12/07/2006 7:52 PM, Blogger makhlouf said...

باسم
ازيك
تخيل لو ابن بوش ده
اسمه
جمال

 
At 12/07/2006 7:54 PM, Blogger باسم شرف said...

مخلوف
ههههههههههههه
بس هيلاقي يربيه ..... وهيجيب فلوس منين ؟
دا هيبقي غلبان
قشطة

 
At 12/09/2006 1:52 PM, Anonymous La viE en rosE said...

أنا شايفة إن باسم شرف كاتب جميل
و له أسلوب رائع و طريقة مرحة
في التعبير عن الواقع الأليم الي كلنا عايشينه و بنعاني منه
و لو محتاج إجابة عن سؤال مثل:
"كيف الحياة"
فقط إدخل على موقع باسم شرف
و هتلاقي الإجابة في كل سطر من كلامه.

 
At 12/09/2006 8:13 PM, Blogger باسم شرف said...

la vie en rose
اهلا بيكي نورتي المكان .. ربنا يخليكي علي الكلام الجميل .. انا اتبسطت جدا بيه

لكن هو فين موقع باسم شرف ده
وهو مين ؟
.. ههههههه

توضيح
مامعني الاسم بتاعك ده .. لاني مبعرفش لغات قوي وربنا يخليكي

 
At 12/10/2006 8:08 AM, Anonymous LA VIE EN ROSE :) said...

ميرسي على كلامك الأجمل و الحمدلله اني نورت المكان،ده على اعتبار إنه مكان :)
أما بالنسبة للاسم
فأنا فضلت اختيار اسم بدلاً من الدخول بإسم "مجهولة" لأني بكره أوي الكلمة دي
و LA VIE EN ROSE هو اسم طرأ فجأة على بالي و أنا بكتب الكومينت ده
يمكن لأنه فيه شوية تهكم من الحياة الي احنا عايشينها
LA VIE EN ROSE معناه "الحياة الوردية"
و في أقوال أخرى "الحياه لونها بمبي"
أو يارب تبقى كده في يوم من الأيام

 
At 12/10/2006 8:11 AM, Anonymous LA VIE EN ROSE said...

آه صحيح نسيت أقولك
الاسم فرنساوي
و انا مش شاطرة فيه اوي
لكن الاسم لمقطوعة موسيقية رائعة
بتُعزف في شوارع باريس
ياريت تدور عليها و تسمعها
انا بهديهالك
سلام

 

Post a Comment

<< Home