ربما افهم شيئا
لماذا لم يخبر الابن اباه
بأنه دخل الغرفة
ليرقد ويموت
عل الاب يفترش الحزن
ملاءة يكفنه بها ؟
..............................
لماذا لم يجعل الله للكاتب قدسية
تظهر من ملابسه وملامحه
حتي لا يوقفه أمناء الشرطة في الطرقات
يفتشون عن بطاقته ؟
.............................
لماذا لم يتم تصوير
الرسائل السماوية قبل أن تنزل علي الارض
فيديو أو سينما وتوزع علي المؤمنين في cd .
وبعض المنافقين يسرقونها من النت عن طريق برنامج تحميل سريع
..............................
لماذا لا نغني قبل أن ننام
اغنية هادئة علي جيتار
فنار الانارة الليلية تتراقص
والصبح يكسل وينام كثيرا
لأنه مصاب بمرض البرد
( ان المضاد الحيوي يجعل الليل يطول لكي نغني )
؟
......................
لماذا لم يجب الله علي كل
هذه الأسئلة علني أنام
دون القراءة علي الاضاءة
الخافتة التي ترهق العين ؟
..............
باسم شرف
يونية 2007
posted by باسم شرف @ 10:42 AM
27 comments
27 Comments:
مش عارفه ليه فى كل المدونات بكتب التعليقات بكل سهولة و ببقى رغايه و بتكلم لدرجة تزهق
و فى مدونتك بتخرس
اكيد لان السكوت انسب حاجة قدام نص زى ده
مش كده؟
خلقت التساؤلات لتصبح لحياتنا قيمة بالبحث عن اجابات لها
أحيانا نصادف النجاح، وأحيانا يحالفنا الفشل .. لكن الحياة تستمر
***
لم أحب التساؤل الثالث .. ربما لأنى لم أفهمه كما يجب
***
لن أجيب بعض تساؤلاتك التى أعرف اجابات لها .. لتحاول أنت أولاً
(";)
يظن البعض ان لتلك الاسئله اجابات
احيانا ياباسم مبنبقاش عرفين الاجابه واحيانامش عارفين السؤال
وساعات لا بنبقي عارفين الؤال ولا الجابه...................................
فلكر يا باسم جمله ( اجابه تحتمل السؤال)
معرفش ليه افتكرتها اول ما قريت البوست بتاعك
................................المر دي البوست صادم و موجع اوي
تحياتي ليك يا فنان
الابن لم يخبر اباه قبل ان يموت عشان مفيش حد بيستاذن من باباه و مامته قبل ميموت
لم يجعل الله للكاتب قدسيه تظهر عليه لان
له حرية اختيار شكل و طريقة ظهوره لانه انسان و الانسان مخير
لم يتم تصوير الرسائل السماوية قبل ان تنزل على المؤمنين حتى لا يتمكن المنافقين من سرقتها
عبير
الله
حقيقى مسكت اللحظة
لو اخبر الابن اباه لكان الانتظار وهو اشد قسوه من الحزن
ولو جعل الله للكاتب قدسيه لما استطاع العيش وسط دناءه البشر
ولو تم تصوير الرسائل السماويه لظهرت الحقيقه واضحه
ولا نغنى قبل النوم لان ما قبل النوم هو وقت االدموع وليس الغناء
ولم يجب الله على اسئلتك لتحير بيها كثيرين :)))
تحياتى
لماذا لم يجعل الله للكاتب قدسية
تظهر من ملابسه وملامحه
حتي لا يوقفه أمناء الشرطة في الطرقات
يفتشون عن بطاقته ؟
............................
معلم ياد يا باسم
لكن أضعف حته
لماذا لم يجب الله علي كل
هذه الأسئلة علني أنام
دون القراءة علي الاضاءة
الخافتة التي ترهق العين ؟
..............
ضعيفه لأنها سطحت كل الكلام العميق اللي فوق
وختمته بما يشبه الإفيه لكن هايل يا باسم
نورا الجميلة
اشكرك علي تعليقك الجميل
اما حكاية السكوت دي مش عارف بقي دا عشان زوقك
وخليها علي الله
..................
عزيزتي ميراج
والله عجبني تعليقك
لكن ممكن اقول حاجة ؟ ... انا اضع الاسئلة باحثا عن اجابة ولكن لكي اداعب افكاري فهي مثل الاطفال ومثل المرأة تحب المداعبة واللعب لكي تعيش معك راضبة فكل ما اتمناه ان ترضي عني افكاري
اشكرك مرة اخري
.......................
احمد وائل
اشكرك يامعلم علي كلامك
والاجابات دائما تحتاج لسؤال كي يتحملا بعضهما البعض
..................
عبير
ههههههههههههه
والله ضحكت جدا علي الاجابات لان دمها خفيف
والمنافقين ممكن يطمعوا في رسالة سماوية لكي يتربحوا بها في وطننا
اشكرك ياعبورة علي التعليق
............................
muse...
اشكرك شكرا جزيلا علي التعليق ودا من زوقك
وعلي فكرة مدونتك دمها خفيف
.........................
Reemo
اشكرك علي الاجابات التي تشبه اسئلتي لقد زودت الحيرة اكثر هههههههه
والله معاكي حق ياريمو
واتبسط جدا بالتعليق
...................
عزب باشا
اشكرك علي جميل علي التعليق
ممكن الفقرة الاخيرة تشبه الافيه
ولكن كنت اود ان يجيب الله علي سؤالي اجابة صريحة وانا اعرف ربما تكون الاجابة واضحة ونعرفها لكن حيل الهرب كثيرة منها اسئلتي ههههههه
قشطة يامعلم
الكتابة هايلة يابو باسم ..بس الأسئلة معنديش عليها فعلاً اجابات ..انت واخد بالك من التعليقات ؟
مش عارفة ليه مقتنعه
ان الحر سبب لسعان ناس كتير
عجبتنى موضوع قدسية الكاتب دى
مع اقتناعى ان تلات اربع او كل الكتاب تقريبا بيحطوا لنفسهم القدسية دى وبيصدقوها اوى
مش عارفة وجهة نظرى كده
بس كتباتك فيها بساطة بتعجبنى بالرغم انه مش اى قارئ هيوصله اللى انت بتقصده
ربنا يوفقك
!!!!!!!!!!!!!!!!!!!
انا شايفة ان اسئلتك دى مش محتاجة اجابة قد ماهى بتخلينا نفكر فى حاجات غربية ومجنونة وكمان مستحيلة
والصورة بجد اختيار موفق
بس لو جعل الله للكاتب قدسية
تظهر من ملابسه وملامحه
!!!!!!!!!!!
مكنش اتبقى من اصله كاتب علشان يلحق يمشى فى الشارع علشان:
"كلما ازدادت ثقافة المرء ازاد بؤسه"
ربنا بجد يسعدك
لو عايز افيه فعلا:يبقي لازم حد يخش يقولك:طبعا ليه حكمة في كده!
:))
متمكن كعادتك طبعا :)
ازيك يا باسم..أخبارك ايه
وحشني أوي الكلام معاك
كنا بنتكلم من غير تفكير
عن حياتنا و حقايقنا..و عن أحلامنا الي برغم بساطتها أحياناً بتبدو مستحيلة لتحقيقها
ياترى لقيت الشيء الي ممكن يضيء الجزء المظلم في حياتك ولا لسة؟!
أنا مازلت بدور و بتعثر احياناً..لأ كتير
و مش عاوزة اقولك اني لسة بدور
لاني بصراحة..تعبت..و بدأت أيأس بجد
و قررت أسيبها كده..ماشية
عارف ليه يا باسم..لأن مفيش حد بإيده يغير قدره
يا ترى لسة محتفظ بالكتاب !!
خلي بالك من نفسك
السؤال الاول ده فظيع
احييك عليه
سلام
This comment has been removed by a blog administrator.
هوبا
اشكرك يامعلم
انا فعلا مش بدور علي اجابات
..........
شيماء
اشكرك
وفعلا الفنانين عندهم المشكلة دي ههههههه
بس ليه مش عارف
....................
رانيا
يااااااه ايه يا بنتي فينك .. اخيرا
فعلا كل اللي قولتيه صح عشان ناكل ونشرب ومحدش ياخد باله مننا ههههههه
يابنتي مفيش كاتب ولا فنان يفرق مع الناس .. بلدنا لا تفضل غير لقمة العيش
.......................
وئام
اشكرك ياقمر .. بس مكنتش عايز اقفل بافيه لكن لو فيه افيه ممكن اكتبه بس المرة اللي جاية هاكتبه
وصباح الفل
.......................
اشكرك عزيزتي المجهولة
ليه مكتبتيش اسمك عشان اعرف مين انتي
لكن هاخلي بالي من نفسي ان شاء الله
وكتاب ايه اللي بتتكلمي عنه عشان انا مش عارف والله انتي مين
اشكرك
..................
عين ضيقة
اشكرك ودايما بتنوري هنا والحمد لله ان السؤال الاول عجبك
نورتي تاني
هل حقا لو جعل الله للكتاب قدسية لن يوقفهم أمناء الشرطة ؟
جامد جدا يا باسم
ابراهيم
عزيزي ابراهيم
نورت يامعلم واشكرك
ديوانك امتي بقي يامعلم ؟
اسمع ممكن نتفق او نختلف على الكلام اللى انت كاتبه ده .... بس الاكيد ربنا او الله مش فاضى لواحد زيك قاعد على لمبة جاز بيكتب ... يعنى برضه نخلى عندنا دم ممكن يكون تعبان فنام بدرى حسوا بالناس شوية ... والله ليه الحق انه يعمل فيكوا اكتر من كدة ... وبعدين بخصوص الرسائل السماوية انت عارف الرسالة بكام دلوقتى عشان يبعتها على الموبايل وبعدين اكيد الشبكة فوق غير اللى تحت يعنى احنا عندنا اتصالات وفودافون وموبنيل فوق فيه جبريل للاتصالات الدولية ... وسنترال عزرائيل بأول المعادى .. وكدة يعنى ..بس بجد انت كاتب جميل جدا بقولك أيه سلام
مصطفي
ماشي ياعم
هي النار هتتملي من شوية
ههههههههههههههه
الاستاذ الفاضل / باسم بعد التحيه
لا انكر ان ما تسأل عنه يحتاج الى اجابه ولكن انا اتعجب من ان ستوقفك هذه الاسئله وتجعلك حائرا اعتقد ان هناك ما هو اهم واقسى مما تسأل عنه هناك بالفعل اسئله تحتاج لمن يفكر فيها وليس بالضرورة ان يجد لها جواب انت تسأل عن الحياه لماذا هكذا تكون الحياه؟لأنها ما اراده الله لنا أن نحياه وأن نرضاه وأن نعمل فيه عملا صالحا وان نترك التدابير على المدبر .............ان ما تسأل عنه دار في أذهان الكثيرين وعندما عرفوا الاجابه ظل منهم الكثير تائهين في متاهات الحياه بينما استطاع قليلون ان يفطنوا الى الحقيقه المسلم بها حقيقة الحياه فانطلقوا بكل ما لديهم من قدرة وايمان صادق يقدمون رسالتهم التي ارادها الله لهم في الحياه بكل ايجابيه وبكل رضا ...........اريد ان الخص كلامي في ان البحث عن اجابات لأسئلتك لن يقدم في الحياه شيئا جديدا انت كاتب جميل لكن كم من كتاب اضاعوا حياتهم بحثا عن اجابات كهذه فلا هم عرفوا الاجابه ولا هم قدموا للحياه شيئا جديدا..........اتمنى ان تكون اكثر ايجابيه وتفاؤلا لأن هذا هو المطلوب منا نحن البشر.
عزيزي المجهول
اشكرك اولا علي تعليقك واهتمامك بالقراءة وثانيا اشكرك علي ثنائك علي اسلوبي ..
ما تطلبه من ان اكتب ما يحلو لك فهذا لا يحلو لي ..عزيزي اذا اردت الحياة فكن انت ولا تكن غيرك فاصنع ما تريد ولا تعبا بغيرك طالما بيدك الصواب
انا لم اسال للبحث عن الاجابة ولكنها مداعبة ادبية لافكاري ولكني ابحث عن اشياء اخري من الممكن الاتخصك
شكرا
عزيزي المجهول
اشكرك اولا علي تعليقك واهتمامك بالقراءة وثانيا اشكرك علي ثنائك علي اسلوبي ..
ما تطلبه من ان اكتب ما يحلو لك فهذا لا يحلو لي ..عزيزي اذا اردت الحياة فكن انت ولا تكن غيرك فاصنع ما تريد ولا تعبا بغيرك طالما بيدك الصواب
انا لم اسال للبحث عن الاجابة ولكنها مداعبة ادبية لافكاري ولكني ابحث عن اشياء اخري من الممكن الاتخصك
شكرا
انا المجهول الذي قمت انت بالرد عليه كالآتي"اشكرك اولا علي تعليقك واهتمامك بالقراءة وثانيا اشكرك علي ثنائك علي اسلوبي ..
ما تطلبه من ان اكتب ما يحلو لك فهذا لا يحلو لي ..عزيزي اذا اردت الحياة فكن انت ولا تكن غيرك فاصنع ما تريد ولا تعبا بغيرك طالما بيدك الصواب
انا لم اسال للبحث عن الاجابة ولكنها مداعبة ادبية لافكاري ولكني ابحث عن اشياء اخري من الممكن الاتخصك"ز
يا سيدي انا لم اقصد ان اضايقك وانا لا استحق ردك الذي يحمل معنى "كل واحد خليه في حاله احسن"
ياسيدي انت الذي اتحت الفرصه لقرائك ليكتبوا تعليقاتهموهؤلاء القراء اما يكتبون وجهة نظرهم الادبيه الناقده او وجهة نظرهم الانسانيه ومن الطبيعي ان تحمل تعليقات القراء وجهة نظرهم الشخصيه التي قد تتوافق او تتعارض مع افكارك..ربما لم يستطع القاريء ان يصل لما قصدته انت...كنت اتمنى اذا لم يعجبك ردي ان توضح لي وجهة نظرك وتدافع عنها وليس ان تقول لي "لا يخصك" عموما انا فهمت انها مداعبه لأفكارك ولكني تعودت ان لكل فعل رد فعل ولكل كلمه معنى ومغزى وانا اردت ان افهم مغزاك الذي تقصده انت ...وشكرا لأنك اتحت لي الحوار وآسف على التطوييييل.
انا لم اعترض علي وجهة نظرك لانك لم تكتب وجهة نظر انما تريدين ان اكتب ما يحلو لك وهذا علي ما اظن ليس من حقك حتي ارضيك
وتامرني بعدم البحث حتي لا اضيع عمري في اسئلة لا تجدي شيئا من اخبرك بهذا .. هذه كلمات جاهزة ترددونها بينكم .. انا لن ادافع عن افكارك انا ادافع عن افكاري وحدي
فقط
واشكرك
بجد مبسوطة اوى لمروري بمدونتك ...لكن احب اقولك :
ثمة قدسية لكتاباتك من نوع خاص تحياتي العميقة لك يامبدع
Post a Comment
<< Home