Friday, November 03, 2006

سؤال كوميكاوي محير من مجدي الشافعي

امبارح واحنا قاعدين لا بينا ولا علينا اتفاجئنا بسؤال لمجدي الشافعي وطبعا كلنا عارفين مين مجدي الشافعي ( من اهم الكوميكيين العرب اللي بيخصبوا هذا الفن في هذه الارض البور ) والسؤال كان بيقول ماهي الجرافيك نوفيل هل هي القصة المصورة ام المرسومة ام ماذا ؟ كل الذي نريده - نقلا عن لسان مجدي الشافعي - عايزين مصطلح يعبر عن الفن ده بالعربي نقول ايه عن الجرافيك نوفيل ؟
طبعا سؤال محتاج لفترات كبيرة لمناقشة هذا الفن وادواته من الرسامين والكتاب وخصوصا ان هذا الفن لابد من العمل علي تعشيقة ما بين النص المكتوب والرسم اي بمعني لازم يتخمر مابين الرسام والكاتب واذا وجدا الرسام الكاتب او وجد الكاتب الرسام اللذان ينتجا كوميكية لابد من توافق غير عادي في الافكار والروح وهذا وجدته مع مجدي الشافعي في الكوميكات الخاصة التي نشرناها في اكثر من مكان وخالد عبد العزيز في مدينة الاذكياء التي يرسمها في مجلة باسم والتي اشرف باني اكتبها .. ويبقي الموضوع وهو الاجابة عن السؤال
انا اري ان نطرح مصطلحا يجمع مابين الكتابة والرسم مثلما حدث مع فن السينما الذي يجمع الكثير من الفنون بداخله وفي نهاية الموضوع اسمه سينما .. فماذا عن الكوميكس ما هو مصطلحه العربي الذي نريد ان يتداول بين الناس
والله لسة مش عارف مثلا موضوع القصص المصورة فيه مشكلة لان القصص مرسومة وليست مصورة واذا قلنا انها مرسومة مصطلح كبير وبه من السطحية لانتاج مثل هذا الفن
اترك المجال للجميع للمشاركة في مثل الموضوع
اسف اذا كان الموضوع عند بعض القراء لايهمهم ولكن اردت ان يشاركنا الجميع في هذا الموضوع
والسؤال مرة اخري
ما هو المصطلح المعادل في العربية للجرافيك نوفيل ؟
اتصل وستربح ثواب وكله من عند الله او ابقي اطليه من جلالتهم .....
يا عم مجدي انت عبقري والله والفن سيزدهر بوجودك

18 Comments:

At 11/03/2006 10:12 AM, Blogger ihab fathelbab said...

الأول ازيك ياعم باسم انا إيهاب ..بص هو انا دايماً مش بحب فكرة اختراع المصطلح واعتقد لما هيتم تأصيل الفن ده بجد فى مصر ويبقى فيه بيزنس حقيقى يقنع الناس اللى معاها فلوس انها تعمل مجلات فيها كوميكس انا واثق انه هيظهر اسم تلقائى وحقيقى ومعبر للكوميكس فى مصر ..وايه ازمة اننا نسيبها كده من غير ما نوازنها بمصطلح عربى ؟ والا ايه ؟ ايه ؟

 
At 11/03/2006 10:49 AM, Blogger Mohamed Magdy said...

كما قلت فى مدونة الاستاذ مجدىhttp://magdycomics.com/blog/index.php?title=what_is_graphic_novel_a_1605_a_1575_a_16_1577&more=1&c=1&tb=1&pb=1#comments ، و أضيف أيضا ... كل ما هو ليس أسما فانه يجب ترجمته أو تعريبه ، هذا واجب على الذى يعرف ... و فى هذه الحالة أنتم أو نحن، أما النقل فقط فلن يفيدنا كثيرا، لذا فارجو من أى أحد مهتم فلغتنا بأن يقدم اقراحاته لترجمة الكلمتين ، و بعدها سوف نقوم بعمل اقتراع يشارك فيه أى مهتم و نقرر أى ترجمة نقوم باستخدامها ، هذا فقط رأيى.

محمد مجدى

 
At 11/03/2006 11:06 AM, Anonymous Anonymous said...

يا سلام يا باسم ده فعلا موضوع مهم
وحاسه انكم متحمسين له
طب وانت بتدور شوف لي معاك معنى لكلمة انترنت غير الشبكة العنكبوتية اصلي بخاف من العناكب بتفكرني بفيلم الساحرات
ومعنى لساندوتش غير شاطر ومشطور واللي بينهم طعميه احسن طويله اوي لحد ما اقولها للكاشير عند جاد بيكون خلص الشيفت بتاعه وقام روح
تحياتي وتمنياتي بالتوفيق في البحث عن كلمة مصرية لهذا الفن المتميز

 
At 11/03/2006 11:07 AM, Blogger كراكيب نـهـى مـحمود said...

اسفه نسيت امضي انا كراكيب
يا سلام يا باسم ده فعلا موضوع مهم
وحاسه انكم متحمسين له
طب وانت بتدور شوف لي معاك معنى لكلمة انترنت غير الشبكة العنكبوتية اصلي بخاف من العناكب بتفكرني بفيلم الساحرات
ومعنى لساندوتش غير شاطر ومشطور واللي بينهم طعميه احسن طويله اوي لحد ما اقولها للكاشير عند جاد بيكون خلص الشيفت بتاعه وقام روح
تحياتي وتمنياتي بالتوفيق في البحث عن كلمة مصرية لهذا الفن المتميز

 
At 11/03/2006 6:39 PM, Blogger باسم شرف said...

ايهاب ازيك

معاك حق في اللي بتقوله لكن احنا في ازمة لما نحب نقدم الفن ده لحد نقول عليه ايه ؟ هي دي المشكلة .. لو احنا مش اللي عملنا كده صدقني محدش هيعمل حاجة واذا عملوا حاجة هتكون مناسبة للي اتربو عليه .. واكيد مش هيقربوا للفن نفسه



شكرا عزيزي محمد مجدي
واكيد هنعمل كده ان شاء الله


كراكيب بسخريتها الدائمة الجميلة تقترح مشكلة اخري دا بدل ماتساعد في حل المشكلة .. جبتك ياعبد المعين تقوم تاكل وتشرب وتروح من غير ماتقول حاجة

 
At 11/03/2006 6:39 PM, Blogger باسم شرف said...

ايهاب ازيك

معاك حق في اللي بتقوله لكن احنا في ازمة لما نحب نقدم الفن ده لحد نقول عليه ايه ؟ هي دي المشكلة .. لو احنا مش اللي عملنا كده صدقني محدش هيعمل حاجة واذا عملوا حاجة هتكون مناسبة للي اتربو عليه .. واكيد مش هيقربوا للفن نفسه



شكرا عزيزي محمد مجدي
واكيد هنعمل كده ان شاء الله


كراكيب بسخريتها الدائمة الجميلة تقترح مشكلة اخري دا بدل ماتساعد في حل المشكلة .. جبتك ياعبد المعين تقوم تاكل وتشرب وتروح من غير ماتقول حاجة

 
At 11/03/2006 6:50 PM, Blogger abdallah ahmed , عبدالله احمد said...

شوفوا بقي
الاول صلوا علي النبي
الجرافيك نوفل في معناها انها قصة مصورة مرسومة
ممكن تكون مجموعة قصص مش قصة واحدة بس بشرط انها للكبار
اما بالنسبة للتسمية بالعربي فانا شايف ان احنا نقول عليها رواية مصورة او حكايات للكبار او حواديت للكبار او رواية مرسومةللكبار

 
At 11/04/2006 2:59 AM, Blogger باسم شرف said...

قشطة يا عبدالله .. كويسة الاقترحات

 
At 11/04/2006 6:47 AM, Blogger AZ said...

مصلطح التصوير فى عالم الفن لا يعنى التصوير الفوتغرافى فقط على حد علمى التصوير يا اما فوتوغرافى يا اما ضوئى(سينيما وتليفيزيون )... لكن تصوير حاف كده دى اتعملت اساسا عشان الرسم بخامات تلوين (زيت-جواش-باستيل... الخ الخ الخ).. لانه كان بيخلى الحاجه تاخد شكل صورتها الاصليه فكان لازم يميزوه عن الرسم اللى بيخلى الحاجه تاخد شكل هيئتها من غير الوانها الطبيعيه زى الرس بالرصاص او الفحم(التفسير ده فتيه من عندى بس المعلومات السابقه دى درسناها كده فى الكليه التصوير اللى هو الرسم بألوان والتصوير الفوتوغرافى والضوئى وانواع تانيه زى التصوير الزيتى والتصوير الميكانيى اللى هو الطباعه) حتى كلية فنون جميله فيها قسم اسمه قسم التصوير او قسم التصوير الزيتى مش فاكره بيالضبط (يسأل فى ذلك حاتم فتحى بقى هو من الكليه)وفى كليه الفنون التطبيقية فى قسمين تصوير التصوير الميكانيكى (بقى دلوقتى اسمه طباعه ونشر وتغليف) والتانى اسمه تصوير سينيمائى (بيدرسوا فيه التصوير الضوئى والفوتوغرافى)
فقصه مصوره تعبير تقنيا دقيق لان التنقيه المستخدمه فعلا هى التصوير.. بس تحبوا تسموها حاجه تانيه يعنى اكيد ماحدش هيعارض... بس امانه عليكم لو هتسموها اسم حريمى يبقى سلمى.. بعزّ الاسم ده جدا

 
At 11/04/2006 7:09 AM, Blogger باسم شرف said...

az
شكرا لتوضيحك

لكن الاسم والمصطلح مشكلة فعلا وافيدونا يفدكم الله وكل المصطلحات مطروحة قدامنا لكن نختار مصطلح حقيقي يشمل كل هذا ممكن نلاقي ؟

 
At 11/04/2006 2:27 PM, Blogger شيماء زاهر said...

إزيك يا باسم..الينك بتاع البوست إللي فوق ده مش شغال..el-comments I mean,

Best

 
At 11/07/2006 12:08 AM, Anonymous Anonymous said...

صباح القشطة يا باسم
يا عم انا ابسط من كده بكتير . عموما الله يخليك
az
كالعادة تفاجئنا .. ملاحظاتها تؤخذ فى الاعتبار
لذا أتمنى أن تطرح اقتراح عبد الله
ـ( روايات مرسومة للكبارـ)ـ
أو اى تنويعات عليها

مجدى الشافعى

 
At 11/07/2006 11:38 AM, Blogger باسم شرف said...

ياعم مجدي انت متواضع والله وجميل

ودايما اشوف ابداعي كوميكاوي مختلف

 
At 11/08/2006 12:15 AM, Blogger BIRA said...

إظاهر إن الحيره والأسئله هي صفه للبشرية ... أشكرك يا باسم على التعليق ..
والحقيقة الحيرة هي اللي بتعلم وبتحسسك انك لسه عايش ... كائن مفكر :))

 
At 11/08/2006 4:08 AM, Blogger باسم شرف said...

شكرا بيرة لزيارتك الجميلة
ربنا يخلكي .. الحيرة بتعلم فعلا الحياة والاختيار

 
At 11/08/2006 1:44 PM, Blogger makhlouf said...

باسم شرف
مجدى الشافعى
انا اشكركم بجد لاثارة هذا الموضوع وخصوصا ان فى فنانين كتير بتحاول او بتجرب تعمل جرافيك نوفل انا واحد منهم
لكن بالنسبه للاسم فاعتقد ان الاسم اللى طرحه عمنا محى الدين اللباد فى كتبه نظر مناسب وهو اسم
(الاشرطه المرسومه)
انا شخصيا ميال ليه

 
At 11/08/2006 3:42 PM, Anonymous Anonymous said...

ظهور المصطلح سيكون نتيجة طبيعية لظهور أعمال من هذا النوع فعلا ونشرها في مصر.. وهذا هو دور الرسامين في الحقيقة لأن هذه الميديا أقرب للخيال المرئي منه إلى المقروء.. ونلاحظ أن أقوى هذه الأعمال بأوروبا هي تأليف ورسوم فنان واحد
أود مناقشة أسباب تأخر هذا الفن
ولمذا لا يظهر ولو على إحدى مواقع الرسامين المصريين على النت
أما عن المصطلح فبمنتهى البساطة يمكن أن يطلق هذا الفن على نفسه في مصر الرواية المصورة
ولن يطلق هذا على نفسه إلا بعد أن ينطلق هو
لأن الفنون تخرج للعالم.. ثم ننسج لها أسماء من طبيعتها

 
At 11/08/2006 11:16 PM, Blogger باسم شرف said...

عزيزي مخلوف الرسام اللي دايما بيدهشني برسوماته
ممكن طبعا اشرطة مرسومة .. بس حاسس انها تقيلة علي النطق
...................................
عزيزي مجهول
معك حق الرسم طبعا عامل هام في كشف طلاسم هذا الفن ... وبرؤية متواضعة جدا اري مثلك يا سيدي .. لكن الكاتب اظن انه برضه بنفس الاهمية .. فكلاهما مهمان لهذا الفن

 

Post a Comment

<< Home