رباعيات لتامر عفيفي
دي رباعيات لصديقي تامر العفيفي
هواشتغل معايا من سنة 1997
اثناء ما كنا بنعمل امسيات شعرية لكبار الشعراء في الجامعة وفي مسارح الدولة
وعمل معانا قصائد تتغني في مسرحياتي اي في اغلبها
واخرها عرض بنشوف
وهي الرباعية ( مشواري خوف )
واسيبكم تستمتعوا بالقراءة معاه
من نماذج الرباعيات العامية
" وجع القلوب "
أنا من بعيد شفته كفيف و كان مسكين
عدى الطريق معايا والإيدين ماسكين
قاللي أشكرك يحميك يا ولدي وينصرك
أعظم نشوف بالقلوب مش بس بعينين
حوش الوحوش بتدوس علينا بغضب
حوش الوحوش قادت في بيتنا اللهب
واياك تزوم ... أو يعلى صوتك يوم
خليك مؤدب .......... مش بقلة أدب
إيه يا زمان ؟ هقف كتير كده ع البيبان؟
إيه يا زمان ...... علمتني طولة اللسان
آجي أفهمك .... ألقاني تهت في طلسمك
وما خدش من تفكيري غير حبة جنان
أفتح بيبان البيت ألقى هوا وتراب
أقفل بيبان البيت أعيش كما الأغراب
آدي السنين ..... لا حيطاني بيزورها الحنين
ولا حد سامع سؤالي علشان يقوللي الجواب
بركان غضب طاح في البشر يا ناس
إيه اللي صار في العقل و الإحساس
كل اما أفوت بين الشوارع والبيوت
أسمع صراخ القلوب تحت الرجول تنداس
حب وغرام وشوق لهفة وحنين ولوعة
خلص كلام الغرام بيني وبينك بسرعة
لازم كمان يتقال بيننا كلام الوداع
ساعات نسخسخ من الضحك تنزل الدمعة
صوتي اتنبح وكلامي حاجة بتمنعه
مش لاقي حد يحس بيه أو يسمعه
حتى السكات عشش وعلم في الحاجات
والقلب شايل ألف آهة بتوجعه
مشواري خوف .. عنواني قبر
وعجبني فيكي يا دنيا بحر
قلت اما اعوم قبل الغيوم
جيت انتهي......... ملقتش بر
كلك حماقة ........ وأصلك الحيوان
وتقول " أنا أسطورة الأزمان"
عقلك جنون دنياك ملاهي أوسجون
عندك دليل على إنك الإنسان ؟
إن كان عمل كل حاجة .. وللا معملشي
هييجي يوم وزي ما جِه في الحياه يمشي
مش هيفضل منه حاجه ......إلا صورته
وابتسامته في الطريق ........ لما يمشي
تامر العفيفي
من نماذج الرباعيات العامية
" وجع القلوب "
أنا من بعيد شفته كفيف و كان مسكين
عدى الطريق معايا والإيدين ماسكين
قاللي أشكرك يحميك يا ولدي وينصرك
أعظم نشوف بالقلوب مش بس بعينين
حوش الوحوش بتدوس علينا بغضب
حوش الوحوش قادت في بيتنا اللهب
واياك تزوم ... أو يعلى صوتك يوم
خليك مؤدب .......... مش بقلة أدب
إيه يا زمان ؟ هقف كتير كده ع البيبان؟
إيه يا زمان ...... علمتني طولة اللسان
آجي أفهمك .... ألقاني تهت في طلسمك
وما خدش من تفكيري غير حبة جنان
أفتح بيبان البيت ألقى هوا وتراب
أقفل بيبان البيت أعيش كما الأغراب
آدي السنين ..... لا حيطاني بيزورها الحنين
ولا حد سامع سؤالي علشان يقوللي الجواب
بركان غضب طاح في البشر يا ناس
إيه اللي صار في العقل و الإحساس
كل اما أفوت بين الشوارع والبيوت
أسمع صراخ القلوب تحت الرجول تنداس
حب وغرام وشوق لهفة وحنين ولوعة
خلص كلام الغرام بيني وبينك بسرعة
لازم كمان يتقال بيننا كلام الوداع
ساعات نسخسخ من الضحك تنزل الدمعة
صوتي اتنبح وكلامي حاجة بتمنعه
مش لاقي حد يحس بيه أو يسمعه
حتى السكات عشش وعلم في الحاجات
والقلب شايل ألف آهة بتوجعه
مشواري خوف .. عنواني قبر
وعجبني فيكي يا دنيا بحر
قلت اما اعوم قبل الغيوم
جيت انتهي......... ملقتش بر
كلك حماقة ........ وأصلك الحيوان
وتقول " أنا أسطورة الأزمان"
عقلك جنون دنياك ملاهي أوسجون
عندك دليل على إنك الإنسان ؟
إن كان عمل كل حاجة .. وللا معملشي
هييجي يوم وزي ما جِه في الحياه يمشي
مش هيفضل منه حاجه ......إلا صورته
وابتسامته في الطريق ........ لما يمشي
تامر العفيفي
posted by باسم شرف @ 5:27 AM
0 comments
0 Comments:
Post a Comment
<< Home