قصيدة بحبها لعمر نجم
معرفش ليه ؟!
من ديوان غياب الحضور وحضور الغياب
معرفش ليه
مع كل جرح جديد ف قلبي
بانقشك فوق البيوت
وأنساكي
- مش عارف وليه –
ساعة الفرح
يمكن عشان دايما ثواني
بتشاكسنا زي بسمة نام عليها العنكبوت ؟
آه يا امي
احيان كتير باخاف لاموت
قبل ما تتملي عيني من ملامحك
لسه جرحي هو جرحك
لسة باحلم
والسحاب ما بقاش مطر
يا قمر والاسم امي
سابني فجأة ف شهر توت
نوفمبر 1992
قصيدة للشاعر عمر نجم
تجربة
فردت ايدي اليمين
وبسطت ايدي الشمال
وقعدت اكلمهم
سرح الخيال بينهم
الرعشة هزتني
ونسيت انا ابقي مين
نوفمبر 1992
قصيدة للشاعر عمر نجم
-
posted by باسم شرف @ 4:15 PM
1 comments
1 Comments:
انت الى شكرا بجد انا بحب جدا القصيدة ده وبحبها قوى بصوته كمان
Post a Comment
<< Home