الخوف من الكهربا


عندي هاجس مخيف اسمه اني هاموت بالكهربا ، بس عشان انا اكهربت وانا صغير فساب جوايا خوف من اي حاجة ليها علاقة بالاهتزاز حتي الرقص الشرقي بخاف منه لانه بيسيب جوايا خوف من هز الوسط لان ساعتها بيكون العالم متجمع عند هذا الجزء ولو الراقصة معرفتش توزن هتوقعني .

وبخاف من الكهربا وانا بستحما علي الرغم من السخان بالغاز او يمكن عشان كان بالكهربا فساب جوايا خوف منه والمية نازلة من الدش بحس انها هاتنزل بكهربتها عشان تحاسبني علي خوفي وده لان المية عارفة اني بخاف منها ، اعمل ايه مستحماش ؟ .

نضحك لما يموت

ماذا لو مات شخص ما ونجلس نتكلم كما لو كان يحيا دون احساس الافتقاد ونتسامر ونضحك وعندما نتذكره نحكي ماذا كان يريد ان يصنع لكي يكون موجودا

ليست نظرة التحايل علي الموت ولكن ماذا لو صارت الحياة بلون جديد ولم اقصد ان الامور تسير بالعكس ولكن تسير كحياة بتفاصيل جديدة ورؤية جديدة للحياة لكي نصنع السعادة .

وكانت

وكان لازم احتمي بنفسي عن نفسي

الطريق فاضي

لما يكون الطريق فاضي خالص ومش بيعدي منه غير عربية واحدة في اليوم وانت عارف كده كويس ، فتقوم وانت معدي الطريق تخبطك تسمي ده ايه
هاتقول عزرائيل كان راكب تاكسي ؟ ولا هو ده قدرك ؟ ولا انت اللي نحس ؟

شايفها كبيرة

في يوم وانت خايف وقلقان من حاجة والحاجة دي انت مش عارف ايه هي ، وتلاقي عقب سيجارة مولع مرمي علي الارض تفتكر هادوس عليه وتطفيه وتفش غلك فيه ؟ ولا تسيبه مولع يمكن ينطفي لوحده ؟

متعملش ابو العريف وتجاوب ، لانك مش هاتعرف .