Monday, July 09, 2007

الموضوع بتاعها خلص ولا لسة ؟


تعالو نفتكر اصحابنا بتوع زمان اللي كانوا معانا وكانو كويسين اللي كان شاطر في حاجة ... في الرياضيات او العربي او الكورة او .... هما اصحابنا الكويسين بقوا ايه دلوقتي ؟
تعالو ننسي ان كان جوا كل واحد حاجات كتير بس راحت اغلبها مع القاعدة في مصر
ولا الكسل هيلعب لعبته ومحمود درويش كان معاه حق في ان الكسل يطهو قهوتي الان؟ .
علي فكرة مفيش اي هدف من البوست ده غير اننا نفتكر الكويسين بقوا ايه ؟ كويسين لسة وشايلين طموحهم جواهم ولا الموضوع خلص ؟
قشطة يامصر

11 Comments:

At 7/10/2007 6:37 PM, Blogger طارق إمام said...

أنا الحمد لله عن نفسي أفيشاتي مالية البلد ؛ و مكتوب عليها عمرو دياب
نوع من التمويه يعني عشان الضرايب و كده
(:
..................................
واااحشني يا معلم و الله
و كمان انا أول تعليق
حاجة ما حصلتش تقريبا من يوم ما بقيت بلوجر
ما بالك بقى لما يبقى ده مع باسم شرف شخصيا
يعني أنا اللي فضيت بكارة البوست بتاعك
هههههههههههه
...................................
طبعا بوست جميل و مؤثر
و سؤال بسأله لنفسي كتير ( بس فيما يخص الزميلات أكتر بصراحة
(:
أحدث حالة كانت لواحد بيعزف جيتار معايا في الكلية و ناوي يبقى عمر خورشيد
بقى طبال في شارع الهرم سيادتك
و في واحد تاني بيبيع _ لا مؤاخذة _ أندر وير في محل
.............................
(:
صبح يا سمسم

 
At 7/12/2007 9:16 AM, Blogger باسم شرف said...

طروووووق
ازيك اخبارك ايه ؟
فينك ياعم ؟

 
At 7/12/2007 1:00 PM, Blogger monBYH said...

معظمهم..سافروا ابو ظبي والدوحة..
ومظعظمهن..اتجوزوا وخلفوا ..عيل ..وعايزة تجيب له التاني..

:))
تحياتي للكويسين اللي كانوا معانا ..

 
At 7/12/2007 3:47 PM, Blogger كراكيب نـهـى مـحمود said...

كالعادة لاذع وموجز - قلبت عليا المواجع
طيب خلينا نشوف نصهم اتجوز وخلف عيال وعايش شبه كل الناس اللي بنشوفها كأنها عايشة لكن في حاجة غلط والنص التاني بيجري ورا سراب انت عارف مصر بقى قشطة يا باسم

 
At 7/13/2007 2:41 AM, Blogger iHaB said...

عم باسم المهم ..عايز اسألك إنت..لسه فاكر طموحاتك ..ولا الكسل ..ولا ايه ؟

 
At 7/14/2007 6:37 AM, Blogger ahmedwael said...

انا شايف ان الطموحات كلها علي الفاس بووك:]:]:]

 
At 7/14/2007 8:20 PM, Blogger ola salem said...

انا مش شايفه حاجة خالص
ونفسى اناملى يجى اربع ساعات قطعية واحدة ملدومين فى بعض كده

 
At 7/15/2007 11:37 AM, Blogger nour said...

الكويسين
هممممممم
معظمهم بقوا مش كويسين
و اولهم انا

 
At 7/15/2007 5:07 PM, Blogger Reemo said...

اكيد طبعا
الموضوع خلص
عندك شك فى كده

 
At 7/19/2007 3:10 AM, Blogger soha zaky said...

على فكرة يا باسم ، السؤال اللى انت بتسأله دا صعب جدا جدا ، بس تأملك بيجيب الحاجات من بعيد ومن جوا اوى ...

 
At 7/20/2007 8:39 PM, Blogger باسم شرف said...

عزيزتي monBYH

اولا نورتي البلوج جدا لاول مرة
ثانيا معاكي حق طب ايه السبب اللي جاب الكويسين لورا كده ؟

....................
كراكيب

يمكن كل الاصحاب عند الاغلبية ليهم نفس المصير
وقشطة علي مصر .............
...............\
هوبا
والله طموحاتي كانت زمان كتير يمكن كان فيها الساذج ويمكن اللي كان حقيقي مافضلش من طمحوتي غير اللي مكنش علي بالي اصلا

......................
احمد وائل

استعبط براحتك لحد ما تتحذف منه عشان كتر الحريم الحلوين اللي انت مصاحبهم

اخوك موجود طيب هههههههههههههه

قشطة عليك
.................
علا سالم

ممكن وتقدري تنامي دلوقتي سمحتلك خلاص

يابنتي هو انا معايا مفتاح الاحلام والراحة

قشطة ياعلا

........................
نورا

ليه يانورا ؟
.....................
Reemo
اللي بتزرونا من حين لحين نورتي ياستاذة وهو فعلا خلصت من زمان وزمان قوي

قشطة ياريمو
......................
سهي زكي

بس انتي هربتي من الاجابة بذكاء ماشي ياسهي وقشطة علي الفلسعة

 

Post a Comment

<< Home