Thursday, April 05, 2007

مناقشة جزمة واحدة مليئة بالاحداث



يقام يوم الاربعاء القادم
الساعة الخامسة
بمكتبة مبارك
ندوة حول المجموعة المسرحية جزمة واحدة مليئة بالاحداث
للكاتب باسم شرف
وسيناقشها :
الروائي والناقد طارق امام
والشاعر والناقد تامر عبدالحميد
والدعوة عامة


عنوان مكتبة مبارك العامة
بشارع مراد بجوار مديرية امن الجيزة
وكمان بجوار الحزب الوطني

12 Comments:

At 4/07/2007 1:56 PM, Anonymous Abd El Rahman said...

سمعت عن الكتاب وقريت عنه في بلوج شوقني اشتريه ... مبروك وان شاء الله الجاي يكون أنجح مهما كانت المجازفات

 
At 4/07/2007 6:35 PM, Blogger Oreka d'jadrool said...

انا رحت المكتبة الخميس ما قولتليش ليه يا عم باسم كنت عايزة اشوفك يا استاذى واسلم عليك
يلا حصل خير
الف مبروك عالكتاب التمام ده يا فنان
عقبال الاعمال الجاية
وابقى انسى قولى هه
تحياتى يا فنان

 
At 4/08/2007 7:07 AM, Blogger محمد صلاح العزب said...

شكلها هتبقى ندوة حلوة يا زعيم
كل سنة وانت طيب
وعقبال 100 سنة
بمناسبة شهر أبريل
صورة يا أستاذ باسم؟؟؟؟؟؟؟؟؟؟؟

 
At 4/09/2007 11:10 PM, Anonymous Anonymous said...

ربنا يوفقك وتكون دي بداية مناقشه ال1000 كتاب وكتاب ويلهمك انك توصل افكارك بالمعنى المطلوب .
بيبي_فلاور

 
At 4/10/2007 7:16 AM, Blogger سهــى زكــى said...

الزميل العزيز / باسم شرف
تهنئتى بمجموعتك المسرحية والذى يدل عنوانها على محتواها الجرىء مع العلم ان لى رأى اخر ، فهذه البلاغة الشديدة والاختزال الشديد ايضا والروعة فى التناول والعمق الفلسفى الشديد التى تتضمنه احداث مجموعتك اعتقد ان يناسب كتابة قصصية اكثر وهذا رايى فموهبك واضحة جدا جدا وانا معجبة بيها جدا ولكنى استقبلتها كما احب ان استقبلها سامحنى رغم علمى بحصولها على جائزة كمسرحية ... وعلى فكرى انا بقالى مدونة لو حبيت ان نتواصل واشكرك جدا على امتاعى بالجزمة !! وانشألله تبقى مناقشة بكرة منورة كدا وتشرح القلب وانشألله هاحاول اجى لأن زى ما انت عارف انا عندى نهنوه صغيرة غير نهنوه صاحبتنا بتاعة الكراكيب
وشكرا

 
At 4/10/2007 5:15 PM, Blogger Moody said...

خساره , كان نفسى اكون موجود بس ظروف العمل بتطلع لى لسانها..شايف؟؟!عموما ماتفتكرش انك هاتفلت و ولازم توقعلى على الكتاب
و يا ريت يا ريت لو ممكن تعمل تفريغ للمناقشه
كل تقديرى و احترامى لفنكم

 
At 4/12/2007 1:21 PM, Blogger crazyboy said...

الف مبروك يا باسم وان شاء الله عقبال الكتب والمجموعات المسرحيه والدواوين الكتير اللي هتفرض نفسها على القارئ
ربنا يوفقك

 
At 4/12/2007 1:24 PM, Blogger crazyboy said...

انا حضرت الندوه وشفت حب الناس لكتابك ووانا كان نفسي اعمل منه حاجه بس اتسبقت .. عموما شويه وقت واسمحلي اعمل منه حاجه تحت اشرافك
والاعمال جايه كتير
احمد عبد الفتاح

 
At 4/12/2007 7:42 PM, Blogger باسم شرف said...

عزيزي عبدالرحمن
اشكرك علي كلماتك الجميلة ويارب الكتاب يعجبك
ونورت المدونة
..............................
علا الجميلة
الله يبارك فيكي وكم سعدت بحضورك وباني تعرفت عليك .. وعايزين نشوفلك معرض
قريب
..............................
محمد باشا العزب
كنت منور الندوة جدا .. والحمد لله انا اتبسطت من الندوة
.......................
بيبي فلور
اشكرك .. وهو انا هاكتب الف كتاب
انا بعتقد اني هاكتب خمس كتب والسادس هيكون كتابي للحساب ...
عموما دا شعور جميل منك دايما
...............زز
سهي زكي
طبعا زرت مدونتك الرائعة
ولما شفتي ان المجموعة اقرب للقصة القصيرة فدا اداها بعد جديد انا مبسوط بيه وشكرا لاهتمامك بالقراءة
.........................
مودي
تتعوض ان شاء الله في بتاعة ميريت والحمد لله كانت حلوة وكنت مبسوط بيها بحضور ناس كتير بحبهم وكنت ناقص تكون معاهم يامعلم
...........................
احمد عبدالفتاح
ربنا يخليك يامعلم ونورت الندوة وكلامك ان فيه كتابات جديدة علي كل المستويات طبعا كلامك حقيقي جدا من شعر وقصة ورواية ومسرح
وطبعا يشرفني انك تعمل المجموعة مسرحية
....................
ويشرفني

 
At 4/16/2007 12:43 PM, Blogger shaimaa said...

مبروك يا باسم على الندوة
انا عن نفسى انبسطت فيها
لانى شفت الكتاب بوجهات نظر كتيرة و جديدة عليا

الف مبروك

 
At 5/29/2007 9:34 AM, Blogger radwa said...

السلام عليكم ورحمه الله
انا بصراحه مبقراش انا بس كنت لسه شيفه حته من برنامج في
otv
وعجبني اوي اسلوب باسم وطريقه الحوار وعلى طوووول دخلت عملت سرش على اسمو واسم الكتاب انا سعيده اوي اني وقعت في هنا وهبقى اسعد لو ان شاء الله عرفت اقرا المسرحيه و تبقى بدايه ليا مع القرايه لاني بصراحه كنت بزهق منها طولت عليك معلش ربنا يعزك
انا رضوى
سلام عليكم

 
At 5/29/2007 8:17 PM, Blogger باسم شرف said...

شيماء
اشكرك ياجميلة
انا كنت مبسوط بحضورك

..................
رضوي

انا اشكرك علي اهتمامك ويارب تعجبك المجموعة
ممكن تلاقيها في دار ميريت بوسط البلد هو حضرتك منين وانا اقولك علي اقرب مكان .. حتي نوصلها لحضرتك

 

Post a Comment

<< Home