ممكن ما نتكلمش تاني ؟
ممكن مانتكلمش تاني ؟
ممكن مانتكلمش تاني ...؟
ممكن وانتي ماشية تطفي النور ؟
وتسيبي القصيدة اللي كتبتها عنك تحت عقب الباب
عشان ممكن اديها لواحدة تانية
عارف ان ده ممكن يضايقك وانتي ماشية
ويمكن تسرحي في البنت اللي ممكن اقولها نفس القصيدة
وتسمعيني وانا بهمسلها بكلمة حب
وتشوفيني وانا بكتب اسمها علي ازاز العربية اللي غرقان في الضباب
فترجعي تخبطي .. واعند شوية
ومافتحش ..
فترني الجرس
وافضل في مكاني متعذب بالقلق بين اني اقوم وانقذ عقلك من الانتحار
وبين انك تنامي في ماضي تفتكري منه حكايتين عني
علي فكرة انا هاسيبك لخيالك اللي ممكن يرجعك ليا
وترجعي تصدقيني وتخافي مني وتقلقي
ممكن اقولك حاجة تضحكك ؟
ماتصورش اكون لحد تاني غيرك
تقدري تمشي وتطمني
اني ممكن اصحي تاني من النوم واكلمك ..
وصدقيني ان الدنيا زي ولد وبنت متخاصمين ... لكن بيحبوا بعض ..
..........................................
باسم شرف
.......................................
posted by باسم شرف @ 6:20 PM
14 comments
14 Comments:
جميله بجد يا باسم
الله يا باسم
ايه الجمال والمشاعر المتدفقه دي
تسلم ايدك يا فنان
نسرين
ربنا يخليكي ده منزوقك
نهي
تسلميلي ربنا يخليكي
:)
جميله اوي
:)
عجبتني جدا
تحياتي
جميلة جدا يا باسم و رائعة
تحياتى لحرفك
الله عليك ياباسم ياريت تكتر من الابداعات الجامدة دى
طريق مفتوح وباب
وصوت طالع بخوف
بيعلق الاسباب
على شماعة الظروف
خلاص ما فيش جراح
خلاص الوقت فات
معقول في حد مات
حتعرف تجرحه
رائعة وحساسة جدا
كلماتك حية.
لم تعجبنى لان البطل حبيب محكم التصرفات والحب عشوائى كالاختلاف والفراق
ولو انه كان محكم لما كان هناك اختلاف وكان المخ اشتغل واستنت قبل الخناقه
ولكن اخطر الطذب ما يختلط به صدق واخطر انواع الخلاف ما يكون نصفه لنا والنصف الاخر علينا وهنيئا لنا منك قصاصات ابداعاتك فى المدونه لانى اعلم محترف مثلك لا يترك لوحات عقله على قارعه اطريق فهل يا ترى تقرا التعليقات
عقل مهوي
:)
محض روح
اشكرك
:)
واحدة مجنونة
ربنا يخليكي ده من زوقك
عبده الماسك
تحياتي لزوقك الجميل
اشكرك
شيماء
ربنا يخليكي وان شاء الله هنشر اكتر بس عشان بحضر المجموعة القصصية
صباحك قشطة اشكرك
نورا
حلو النص اللي انتي كتباه ده
تسلميلي
د. جيهان
ربنا يخليكي والله عشان انتي زوق
صباحك قشطة
mardlyta
طبعا مش بسيب حرف بيكتب عندي الا لما اقراه
الحب والعلاقة بين الاثنين مثل البصمة لا تتكرر
صباحك قشطة
متخاصمين ... لكن بيحبوا بعض ..
..........................................
اللـــــــــــــــــــــــــــه ياباسم
Post a Comment
<< Home