بص .. هتسمع هتسمع

هتسمعني ؟

روبي والتمارين الصباحية ... روبي تغني في المدرسة وتمارس تمارينها الصباحية وتجري في المكان قدام ناظر المدرسة ابو الهول .. كانت اغنية مضحكة بالنسبة ليا جدا اغنيتها الاخيرة وجريت ورا احساسي .. ففعلا لقيتها بتجري طول الاغنية وخصوصا الجري في المكان مع كام سند وكام مد وشوية هرش بقت اغنية روبي الجديدة ... عزيزتي روبي نصيحة فنية .. حاولي في الاغنية اللي جاية تعملي سندوتشات في البيت ومتشتريش من المقصف .. اللي هو الكانتين ياختي مش عرفاه ..
..............................
....................
عمرو دياب الجميل والطقم الجديد اللي اتصور بيه ... الناس فكراه طالع عريان هو الطقم كانه عريان عشان التصوير ... بحاول اقنع نفسي بكده لكن طبعا ده غلط لانه فعلا طلع عريان .. وده عشان اعلان جديد هتلاقي اللوجو بتاعه في البوستر اعلان مزيل شعر النساء و من غير الم .. وبيشتغل من غير حجارة ...وعامل عرض جديد من الشركة تشتري واحدة وتاخد شريط عمرو الجديد
وطبعا اول ماجاله اعلان جديد في الكليب ساب المزيل للشعر واشتغل علي الحلاقة وراح عمل قصة الشيطان بالخطوط الجانية واهتم جدا بالحز ايوة الحز اللي فوق الودن وضرب الاغنية في سقارة وضحك علينا وقال في امريكا ... عزيزي عمر دياب الجميل ممكن تعمل زي روبي اللي حاولت تحافظ علي التراث الفرعوني من الضياع راحت جيباه معاها في الكليب وابوالهول مبيقبضش كتير علي فكرة وبياخد فلوسه من الرجسير ..
..................................

..................
مصطفي كامل .. الاخرس الحزين ...ذو الخصلة الحسناء بيحارب المطربين اللي مش موهوبين عشان يغني هو ويبقي الوحيد في الوسط مش موهوب لوحده .. غير تميزه بحاجة مهمة جدا انه مبيعرفش ينطق الكلام تحسه اخرس بس مضايق شوية .. فبقي الاخرس الحزين .. اما عن سرقته للاغاني هو رد كتير علي الموضوع ده لكن المرة دي سرق لحن فده اللي مردش عليه .. حاول يقلد عمرو دياب بس مع الاحتفاظ بالفرق
عمرو دياب بيسرق اجنبي عشان معاه شوية كلمات انجليزي او بيلاقي حد يترجمله
لكن اخونا مصطفي طبعا عشان ميعرفش ان فيه ناس تانية بتغني اصلا غير في مصر كما في تصوره راح سارق من حتة غريبة وقال في ذاتية نفسه اكيد البلد اللي هسرق منها الاغنية محدش يعرف عنها حاجة فكانت تونس وسرق اغنية غرامك مزيف ضميرك عدم بتاعة لطيفة وطبعا ده عشان معهوش لغة مع انه في اختبار النقابة بيشترطوا ان المطرب اللي يتقدم لازم يكون معاه ورد وبور بوينت وانجليزي طيفل وطبعا عشان هما كمان زيه فعادي ياعم .. تيفة ياجامد كمل ياعم اغاني محدش سارق منها حاجة ..
.....................................

...............

ملحوظة مهمة

علي فكرة الحصان ده اللي في الصورة مش ناوي يعمل شريط