ما كتب عن كومكستنا في الف السورية
كتبت مجلة الف السورية مقالا عن مشروع الكوميكس الخاص بيني وبين الرسام مجدي الشافعي والكلام اللي كتبوه كبير ولكن يوضح استيعاب الشعب السوري الثقافات الجديدة بطرق تعبيرها واحترام المجلة كونها تخصص المقال الرئيسي فهذا احترام لنا واحترام لهم
انا اتخضيت لما شفت الموضوع كده
غريبة قوي
علي الرغم من بداية انفتاح فن الكوميكس في مصر الا انه ما زالت مشاكل تحوطنا من كل صوب وتجاه
ويبقي الفن والفنانين
تحية الي مناضلي فن الكوميكس في مصر والوطن العربي
وهنا احب ان اشكر الفنان الدكتور مجدي الشافعي عن استيعابه للافكار وابداعه واضافاته الدائمة
ودا لينك ما كتب هناك
http://aleftoday.net/modules.php?name=News&file=article&sid=970
posted by باسم شرف @ 2:09 AM
9 comments
9 Comments:
شيء جميل يا باسم..أنا بشوف _ بدون أدنى مبالغة _ انك كاتب كوميكس عبقري..و بتمزج بقدرة شاعر بين ثقل و عمق الفكرة الأدبية و امكانيات الصورة ..نصك الأخير ( مرثية رجل عادي ) قصيدة مرئية .. رغم انه اتنشر بشكل غير لائق في ( الدستور ) و يمكن دا لأنه مختلف في سياق من الصور الاستهلاكية سهلة الهضم و النسيان على حد سواء..و اللي بقوله ده مش تحيز ليك باعتبارك صاحبي _ و ان كان حتي ده من حقي _لكنه الحقيقة من وجهة نظري ..محبتي
عزيزي طارق
كل دا من ذوقك الجميل ودا لانك كاتب جامد قوي
انني عرفتك من كتابتك قبل ان اعرفك شخصيا
واشكرك علي تعليقك الجميل
لا تنسي ان تاخد النسكافيه بتاعك في سلنترو .. فاهم ؟
هههههههههههههههه
دي حاجه بسيطه جدا يا باسم قدام
المجهود الرائع اللي بتعملوه
من أجل النهوض بفن الكوميكس
وبرافو على على المحاولات الأخيرة
اللي بترصدو فيها مشاهد من المجتمع المصري بطريقة واعية وجديده
بالتوفيق
تامر اشكرك علي التعليق الجميل
وربنا يخليك وادعي ان كل العاملين بالكوميكس يحققوا حلم الوجود
ولانك شاعر فانك انسان
اللينك مش عايز يفتح يا باسم.
أنا ماعرفش حاجات كتير عن فن الكومكس ويمكن ده بيثبت كلامك إن مفيش إهتمام به، بس أنا مبسوطة إنك قدرت تحقق خطوات كويسة في مجال صعب...
وعلى فكرة..ما تنساش تدخل البلوج بتاعي عشان حتلاقي هناك مفاجآة صغيرة...بس كده :)
عزيزي ميشو
اللينك ساعات بيعلق لانه بيعلق من الموقع نفسه
شكرا شيماء
ومفاجاتك دايما حلوة
وفعلا فن الكوميكس بدأ يقترب من طرق تعبيرنا مثل كتابة قصيدة وابداع قصة قصيرة وهذا نجاح لهذا الفن الذي مازال يتخبط ليكون موجودا
أنا أنشأت مدونة..يعني العيد كان له فايده السنه دي..........ما تقلقش..ممكن ،أنشرلك فيها لو حبيت..ههههههههههه..ادخل من خلال اللينك مباشرة , و برجلك اليمين لو سمحت..و ما تنساش تسمعنا..كوميكايه..هههههههه
مبروووووووووووووك يامعلم
وهاكون عندك دلوقت فورا في المدونة
سلام عشان الحق اروح
Post a Comment
<< Home