كوميكاية للعيد في جريدة البديل
واخيرا رجعنا انا والرسام الكوميكوي العبقري مجدي الشافعي نعمل كوميكس
ورجعنا علي عدد البهجة بتاع جريدة البديل
العدد اللي في السوق دلوقتي بتاع تاريخ السبت 13 اكتوبر رقم 89 وهيفضل موجود لمدة ثلاثة ايام
وكانت فكرة العدد حلوة قوي لما قالنا عليها الاستاذ وائل عبدالفتاح والحمد لله العدد عجب الناس ودا بسطني كتير
ودي بقي الكوميكاية
ممكن تقرا الكوميكاية بخطوات والتزم بيها
اولا : دوس عليها عشان تكبر وتعرف تقراها
ثانيا : لو معرفتش تقراها من الخط عشان زبالة معلش دي تعذرني فيها لانها بخطي وانا عارف انه في البلالة لكن يلا بقي نصيبكوا
ثالثا : ليك الحق تكرهني لو معجبتكش
رابعا : مش عايز شتيمة في السر ولا في الجهر عيب احنا اخوات
يلا قول رايك فيها وفي العيد .... وكل سنة وانتم بخير وحلاوة وسعادة وقشطة
posted by باسم شرف @ 11:20 PM
19 comments
19 Comments:
كل سنة وحضرتك بالف صحة وسلامة
وعيد سعيد
الكركاتير رائع وجميل بس فية بعض الكلمات معرفتش اقراها
المهم حرضت مرح اوى
وعيدسعيد
وانت طيب يا استاذ
معلش والله المشكلة في خطي انا للاسف ومش هاعملها تاني
المهم اني حبيت اقول للناس كل سنة وانتم طيبين انا والدكتور مجدي
عيد سعيد
زييييييييييط ينصح باكل من فسيخه لتلات فسيخات لاظهار مفعول الاغنيه
ههههههههههههه حلوه يا باسم و برافو يا دكتور مجدي و عيد سعيد عليكو
ابوحميد
نشكرك ياجميل .. وعيد سعيد عليك
باسم فقر اوى بتاعة ياسمين الخيام دى فعلا هى مابتقولش غيرها طول الاغنية، الكوميكساية فقر على بعضها
:)
و كل سنة و انت طيب
كل سنة وانت طيب يا أستاذ وربنا يزيدك خفة دم وطرقعة
على فكرة أنت عندى فى الفيس بوك ولو متعرفنيش احب اعرفك بنفسى
شريف عبد الهادى
صحفى بجورنال وشوشة ومعد فى برنامج الناس اللى رئيس تحريره الأستاذ حازم الحديدى
موودي
وانت طيب ياجميل
ونشكرك علي كلامك الجميل يامعلم
...............
شري يافنان
نورت المكان ومتحرمش منك ابدا
وانت طيب يا شريف
وتحياتي للاستاذ حازم الحديدي
كل سنة وانت طيب ياباسم باشا
يا عم خطك مش وحش أوي ولا حاجة احمد ربنا يعني فيه خطوط تانية تستجق الإعدام جلدا
الكوميكاية دي ظريفة إلى حد كبير
وعجبني أكتر الخروف اللي في الآخر ده
:)
ميرااج
وانت طيب يافنان
مزمز
اشكرك والحمد لله انها عجبتك
وكل سنة وانت طيب
واالله كوميكية دمها خفيف جدا و ضكتنى واهم حاجة فيها: الفسيخ و الطراطير
احنا اخوات اه بس موضوع الشتيمة ده ميعرفش اخوات
يارب دايما نشوف كوميكاتك بس بلاش تكون بخطك
عيد شيك على الجميع
مجدى الشافعى بيرد بأحلى تحية على كل الناس العسل اللى علقت و اللى ماعلقتش
كل سنة و انتم طيبين
و انتظروا المزيد
مع الكاتب المبدع " البص"فى جريدة البديل
رانيا
وانتي طيبة يا رانيا
اشكرك شكرا جزيلا وعزيزا وكل حاجة كويسة
ههههههههه
اكيد مفيش خطي تاني
وعيد طيب وشيك برضه
ياعم مجدي ياكبير
والله انا مبسوط اننا بنعمل كوميكس مع بعض عشان الجمهور الجميل في جريدة البديل
وقشطة عليك
هههههههههههههههههههه
جامده رزع يا بسوم ، مش بس الكوميكايه انما المدونه كلها على بعضيها.
على فكرة انا الشخص الى كان حاول يسيب 456465545 تعليق قبل كده ومعرفش عشان كان دايما يقولى ان التعليق مسموح فقط لحاجه كده مش فاكر ايه هى
وعلى فكرة كمان انا حد تعرفه لو لسه فاكر وقفة ظهر انجليش والايام دى، مش هقولك انا مين الا لو رديت عليا وحسيت انك فعلا عايز تعرف
سلام يا جميل
مرحبا
اشكرك بشدة انها عجبتك وشكرا لمحاولتك التعليق اكثر من مرة هذا يسعدني كثيرا والاكثر سعادة عندما اعرف من انت لاني بالتاكيد اتذكر قاعدة ظهر انجليش علي الرغم من انه مر عليها بتاع سبع سنين .. كتير صح ؟
لكن ممكن تقول
قشطة
جميلة جداً
الف شكر ليك علي مشاركتنا إياها
و كل سنة و أنت طيب
علي باب الله
احنا اللي نشكرك علي كلامك الجميل
وانت طيب يا استاذ
ونورت
قشطة
Post a Comment
<< Home