Thursday, October 05, 2006

عملي في تامر وشوقية



شكرا الي كل من كتب عن مسلسل تامر وشوقية الذي يعرض في عدة قناة الاولي المصرية والفضائية المصرية والمستقبل والراي والاوربت وmbc

انا قررت ان اشكر كل من كتب سواء بالسلب او بالايجاب واخيرا
انا احب ان اشكر الكاتب والصحفي طارق امام الذي كتب في عدد 7اكتوبر 2006
بمجلة الاذاعة والتلفزيون ....بعنوان كوميديا رمضانية بالتوابل الامريكية ( الخلطة السرية في تامر وشوقية )
وعنوان جانبي ( كتابة المسلسل استغرقت عاما كاملا ) فعلا خدت مجهود كبير في الكتابة ياطارق
انا اشكرك علي الموضوع
واشكر ايضا الصحفي وائل الجندي في صفحة شاشة في مجلة الاذاعة والتلفزيون ايضا ولكن اقول له انتظر باقي الحلقات
اما الاستاذ يوسف دياب الذي كتب في جريدة عين تامر وشوقية الاصل والصورة احب ان اقول له ان شريف عرفة اسمه مش موجود علي التتر ومعظم اسماء الكتاب غلط مفهاش غير واحد بس اللي صح ............معرفش جبتها منين وهي موجودة تحت في اخر المدونة وثالثا احب ان اقول لك ان مسلسل احمد اتجوز مني مختلف عن تامر وشوقية اصلا هو عبارة عن ميني كوميدي اما تامر وشوقية عبارة عن ست كوم وكلاهما فرومات معروفة عالميا وكلاهما كوميدي لكن ده نوع وده نوع
اما رايك انا احترمه جدا


واشكر الكاتب محمد خير في جريدة الدستور الذي كتب كلاما موضوعيا واشكر اسلوبه الجميل
ورايك ايضا احترمه
واشكر كل من كتب عن المسلسل واشكر جميع فريق العمل من كتاب ومخرج وممثلين
احب ان اسال الاستاذ محمد الرفاعي الذي كتب في مجلة صباح الخير ما علاقة مسلسل تامر وشوقة بمسلسل الاصدقاء
تامر وشوقية مسلسل بين عائلتين اما الاصدقاء فهو باين من اسمه انه بين الاصدقاء

والذي لايعرف فريق الكتابة ( عمرو سمير عاطف ،وائل حمدي ، محمد حماد ، باسم شرف ، تامر عبد الحميد ، محمد اسماعيل ، وليد خيري ، عمر طاهر ،محمد سليمان عبد الملك ، محمد فتحي ، ولاء شريف ، مشيل نبيل ، براء، احمد خالد )
والمخرج هو اسامة العبد والممثلين احمد الفيشاوي ومي كساب ورجاء الجداوي ولطفي لبيب وجمال اسماعيل واحمد مكي ومحمد شاهين وانجي وجدان ..........ومجموعة من الضيوف

وشكرا لهم جميعا

ما كتب في هذه المدونة يعبر عن راي صاحب المدونة

اشترك في كتابة الحلقات الخاصة بي فريق عمل مكون من ثلاثة كتاب
محمد حماد وتامر عبد الحميد وباسم شرف

18 Comments:

At 10/06/2006 5:49 AM, Blogger شهرزاد Shahrazad said...

Hey, mabrook, bashofha 3la el fada2eya w fe3lan funny ma3 eni mosh baheb ahmed el feshawy bas he's quite good feeha.

awel marra ashoof arabic sitcom w tkoon betdahak.

 
At 10/06/2006 9:48 AM, Blogger abdallah ahmed , عبدالله احمد said...

مبروك يا عم باسم و مبروك عليكم كلكم
عايز اقولك انه الحاجة الوحيدة العربي اللي انا بتفرج عليها في رمضان
قشطة عليك

 
At 10/06/2006 10:01 AM, Blogger arabesque said...

أنا برده مش باحب الفيشاوي..لكن المسلسل جميل فعلا و أحلى حاجة فيه إن اللي عملوه شباب

مبروك

 
At 10/06/2006 10:43 AM, Blogger باسم شرف said...

عزيزتي شهرذاد شكرا ليكي جدا والله كلامك ادانا كلنا طاقة اننا نكمل ست كوم ويارب يعجبك دايما


عزيزي عبدالله احمد
زي ما انت رسام عبقري وافقك واسع وخيال جميل ذوقك برضه جميل وشكرا ليك ياعم وربنا يخليك علي تهنئتك

عزيزي arabesque
اشكرك جدا علي تعليقك ويارب دايما يعجبك تفتكر ايه الحاجات تاني اللي ممكن تنجح غير الشبابي ؟

باسم شرف

 
At 10/06/2006 1:34 PM, Anonymous Anonymous said...

مسلسل فوق الرائع و برافو على المجهودالظاهر.. بالذات حلقتين زيارة محاسن..
هو ليه ضحك الجمهور مش موجود؟ وفين أحمد أتجوز منى؟؟

 
At 10/06/2006 3:58 PM, Blogger soha said...

المسلسل رائع بجد حلو قوي كلنا متابعينه كل يوم لذيذ و بيشد و بعييييييييد تماما عن الملل

 
At 10/06/2006 6:27 PM, Blogger باسم شرف said...

شكرا جدا عزيزي والله انا مبسوط من كلامك جدا واتمني انه يعجبك دايما واحمد اتجوز مني هيتعرض ان شاء الله بس ممكن يكون بعد رمضان انا عن حلقة زيارة محاسن فهي علي الرغم من اني وحماد وتامر اللي كتبنها الا انها بتضكني دايما ودي لافتة جميلة منك وشكرا


عزيزتي سها اعجابك بالمسلسل دا دافع اننا نعمل شغل تاني ودا طبعا من ذوقك والله وشكرا جدا
انا سعيد انك بتشوفيه وبيعجبك

باسم شرف

 
At 10/12/2006 3:02 AM, Blogger ME said...

أقولك حاجة وماتزعلش .. ماكنتش أعرف انك من كتابها :(
بس على فكرة واللم تابعاها وجميلة أوى .. صحيح ماما بتقعد تبصلى وانا بتفرج عليها وبضحك كأنى مجنونة بس انا بموت فيها .. برافو يا شباب

 
At 10/12/2006 10:43 AM, Blogger باسم شرف said...

وهازعل ليه ....انا افتكرتك هتقولي انها مش بتعجبك
لكن طالما عجبتك بقي الحمد لله

وانا مبسوط انها عجبتك
ويارب تعجبك دايما

شكرا مي

 
At 10/13/2006 12:36 PM, Anonymous Anonymous said...

mabrook ya basem...we mabrook le kol el cast...fe3lan tagreba gedida we laziza...we neg7t gedan el 7amd lel allah...ana sha7'seyan 3agbany awy ...we bayen ta3bko feha besara7a....
keep going...
Zahra

 
At 10/13/2006 7:33 PM, Blogger باسم شرف said...

شكرا زهرة جدا ويارب يكون دايما عند حسن ظنك

اه والله تعبنا كلنا كتير في المسلسل ده لدرجة شاشات التلفزيون بتعرق من الشغل فعلا والله تعبنا كتير

شكرا زهرة

 
At 10/14/2006 2:30 PM, Blogger شيماء زاهر said...

مبروك يا باسم وعقبال كتاب ميريت بإذن الله...

 
At 10/16/2006 7:13 PM, Blogger باسم شرف said...

الله يبارك فيكي شيماء

ويارب الكتاب اللي عند الاستاذ محمد هاشم يخرج لاني تعبت بقي منه

شكرا

 
At 10/17/2006 4:33 PM, Blogger أحمد العايدي said...

ألف مبروك يا باسم ومن نجاح للتاني ان شاء الله
:)

 
At 10/17/2006 11:04 PM, Blogger باسم شرف said...

شكرا يا احمد والله يبارك فيك

منور دايما مدونتي المتواضعة

باسم شرف

 
At 11/07/2006 3:41 PM, Anonymous Anonymous said...

really i wna send my thx 4 all da cast really i was wowed with such an amazng serial ..it was da only thing i was watchin from all da 1000000 serial cz i really like it just wna tell ya keep goin guys & be sure u're doin such a well done work wrbna ywfa2kom :0)
urs:asmaa nassar
pinky

 
At 11/08/2006 4:23 AM, Blogger باسم شرف said...

ربنا يخليكي
ان شاء الله يعجبك الجزء التاني

 
At 12/23/2006 3:42 PM, Anonymous Anonymous said...

مبروك يا باسم جدا انا عادل يا باسم فاكر الامسية بتاعت امتى لكى الله
افتكرنى

 

Post a Comment

<< Home