Wednesday, July 26, 2006

وداعا للقشرة

وداعا للقشرة

وداعا للدين الشعبي الذي يمارسه هؤلاء من اجل الكسب المادي

رجاء تبلغوا اخونا الوسيم ايه علاقتة بوصلات الدش سواء اذا كانت حلال ولا حرام

واخيرا الناس بتوع قناة الناس ( شفت مرة واحد مذيع بيتكلم مع رجل فاضل ومحترم انا احترمه والله ... لكن المذيع كان مستفذ لابعد حد ويبالغ في الحالة الايمانية التي ركبته فجأة ... وذلك عندما بدأ الرجل الفاضل الحديث عن ان الشخص عندما يذهب للقبر لا يأخد معه اي شئ .. وجدت المذيع في اداء مبالغ فيه يقول .. الله ... سبحان الله ... يا الله ... وعندما جاءت سيرة سيدنا محمد صلي الله عليه وسلم وجدته يقول باداء اعلي من المتحدث يا حبيبي يا رسول الله ... ما هذا الاداء المبالغ فيه ... ما الجديد في هذا الكلام الرجل يذكرنا مش نقعد نفت حواليه ونشربه ونهلل للمقرئين في المآتم ... انا اقول لم يعد وقت لهذه المبالغات .... انا اصبحت اشاهد التلفزيون كحلقات كوميكس في مجلة اطفال ...

وصل هذا الي موضوع ( التليفون الاسلامي ) لا اعرف سوي انه يأذن... ليه بقي كلمة اسلامي ... هي تجارة وخلاص ... وهل معني اسلامي استغفر قبل ما ارد ولا اتوضأ .. مش عارف

انا عايش في مجتمع شبه المجتمع
ودين شبه الدين
وقيم شبه قيم
انا شبه انسان
هأ هأ هأ هأ

نصيحة عشان نحل المشكلة دي نستعمل صابون الغسيل بينضف اكتر وعلي رأي العالمة الشهيرة ابلة نظيرة القطنة مبتكدبش

3 Comments:

At 7/31/2006 2:07 PM, Anonymous Cursed said...

إزيك يا باسم .. أنا أحمد حجازى .. أول مرة أخش على صفحتك .. جبتها من السيرش .. باسم شرف + لا أريد شيئا هاهاهاهاهاهاهاهاها
صفحتك حلوة أوى .. قريت حاجات

عموما وداعا للمنطق .. إذا كان التلفزيون كوميكس فالحياة كارتون .. صباح العبث

 
At 8/30/2006 10:48 PM, Blogger ME said...

بالمناسبة، هى إسمها مدام نظيفة :)

وغالباً إنت صح، إحنا شبه بنى آدمين، يعنى هو انت بذمتك شايف حد بيتصرف زى ما المفروض البنى آدم يتصرف

يا سيدى ماهو كله بيطلع فى الخسيل :)

 
At 9/01/2006 5:17 AM, Blogger باسم شرف said...

علي رأيك كله يطلع في الغسيل
لكن اللي معندهوش غسيل عشان يطلع منه اي حاجة ممكن يعمل ايه ؟

اعتقد انه لازم يشتغل مكوجي عشان يكوي لبس غيره

علي فكرة احنا مكوجية

وشكرا ليكي مي

 

Post a Comment

<< Home