باسم شرف

ابوالغيط وزير خارجية مصر الجديدة بس

2011-01-20T03:25:00.000-08:00

شوفوا ابو الغيط وزير الخارجية بيقول ايه عن قياس النمو الاقتصادي في البلاد
(فهناك تطور وإصلاح يحدث فى بلادنا تجسده أرقام حقيقية، منها على سبيل المثال أن فى مصر وحدها 60 مليون مستخدم للهاتف المحمول و20 مليون مصرى يستخدمون الإنترنت، وغير ذلك الكثير، ومع ذلك فإن هناك حاجة لمزيد من الجهد والخدمات والفرص والتصدى للفساد، وعموما فإن تحقيق الإن...جازات عملية مستمرة وممتدة، ،)....حد يقوله حاجة .. موجه كوميدي كلت دماغ الوزرا

عشان نخلص بقي

2011-01-20T03:24:00.001-08:00

من العوامل الاساسية في نجاح ثورة تونس واسقاط الديكتاور وقوف الجيش كحائط صد في وجه بن علي .. ليست التظاهرات وحدها تصنع التقلبات.. ( ياما اتعمل مظاهرات وتجمعات وتكاتف حول موضوع خالد سعيد وعبارة غرقانة وقطر الصعيد وغيرها وغيرها
لنجاح الثورة في مصر تعالوا نوقع بين الداخلية والجيش وننقل كلام علي لسانهم مش بتاعهم فيكرهوا بعض فيضربوا النار ...علي بعض وخلصنا منهم جميعا بدون مظاهرات والانقلاب هيحصل لوحده :))))))))

بمناسبة تونس والتغيير

2011-01-20T03:21:00.000-08:00

بمناسبة التغير ..

احنا اكبر تغيير حصل في بلدنا الفترة اللي فاتت نزول جدو في اخر ربع ساعة يجيب جون

..............................................

باسم شرف

كفيف لثلاثة أيام .. قداسـة اللـعب ..

2010-12-29T19:51:00.000-08:00

طارق امام
......................

في مجموعة باسم شرف القصصية "كفيف لثلاثة أيام" يهيمن منطق اللعبة.

اللعبة التي تبدو منحازة تماما لعدم الانسجام، المعتدة بقدر وافر من الخصام: خصام اللغة المتماسكة، خصام المتعارف عليه من تراث وموروث سواء كان قصة علاء الدين مع الجني أو حكاية أمنا الغولة.. هذا فضلا عن خصام النص المجتمعي بفضائه ورموزه: رجال السلطة والدين والأثرياء الجدد.

اللعب يقتضي التحريف، الانزياح عن المقدس، تحويل الثقل إلى خفة والجاد إلى مزحة. اللعب أيضا يتطلب الحيلة، أي قدرا من الخداع والمراوغة، المقدس هنا هو كل الأعراف: العلاقة المتسقة، أو التي ينبغي أن تكون كذلك، بين الرجل والمرأة. المقدس هو تاريخ العائلة، وهامش العلاقات مع الآخرين، وهو ما يجري تلويثه طوال الوقت، وبدأب،عبر نصوص هذه المجموعة. بهذا المنطق يؤسس الراوي لعبارة مركزية في هذه المجموعة، رغم انها تحضر في آخر نص:" الله اختار لنا اللعب.. واختار لنا القصيدة وعلم شيطانها الايقاع.. لماذا ارقص عندما اسمعك؟ هل لأنني مصاب بمرض اللعب؟".

تبعا للسارد، والذي يكاد يكون واحدا بامتاد نصوص المجموعة وتشعبها وتشابكاتها، فإن اللعب اختيار الهي. هو اذن مجبر عليه أولا، مسير باتجاهه، ومريض به ثانيا.

من العبارة المؤسسة في النص الأخير، يمكننا أن نقارب علاقة السارد بالله، توحده معه وحلوله في صفاته، الحاضرة في النص الأول" لست الوحيد"، في سطرين لا غير: "لماذا تتعاطفين معي على أني وحيد؟ الوحدة صفة الهية، والوحدة شرف الوحيد، فهل تعاطفت مع الله؟" . الذات هنا تدافع عن الوحدة، باعتبارها مرادفا للتفرد وليس للعزلة، وتتشارك مع الله في صفة أخرى هي الأزلية، الأبدية، العابرة والمتجاوزة للزمن.

السارد يستعين على لعبه بمخيلة الطفل، التي تؤول العالم حسب منطقها، حسب لعبها بمعنى أصح.. وهو ما يختفي بعذ ذلك للأبد. ربما لذلك يؤسس السارد لمنطقه في اللعب بمنطق" أمتطي لعبة الطفولة وأخوض بها معارك الأفكار على المقهى وأنام متأخرا عل الموت يمل الانتظار"،قصة"لعبة ساذجة". علينا ألا نغفل في هذا السياق، ووفق هذا التحليل، العلاقة الوشيجة بين الأطفال والله، فهم في الوعي الجمعي أحباب الله ، وهم خارج منطق الحساب، وهم في الجنة.

هذا إذن تأسيس للسارد يستلهم الله بمنطق الطفل. تأسيس يبرر اللعب من ناحية، ويبقيه اخلاقيا من ناحية أخرى.

ـ ـ ـ ـ

اللعب المربك تترجمه، في مقاربة أولية، علاقة عنوان المجموعة، بعنوان القصة التي في الداخل، والتي اجتزأ العنوان العام من عنوانها. العنوان الآخر هو "مصاحبة رجل كفيف لثلاثة أيام". المفارقة واضحة بين العنوانين، واستبعاد المفردتين الأولين من العنوان كي يخرج إلى الغلاف خلقتت غييرا كاملا في الدلالة.

الدهشة التي يقدمها العنوان المجتزأ تختفي من العنوان الفعلي للقصة، والوحدة في عنوان المجموعة تختفي بشراكة الصاحب للكفيف. لا يدل عنوان المجموعة ا يدل عنوان المجموعة ذن على القصة ، وإن دل، ربما، على فضاء دلالي يسم الكتاب برمته: انعدام الرؤية، تشوش المرئيات في عيون الشخوص، في ظل سياق مؤقت.

ـ ـ ـ ـ

35 قصة تحتويها المجموعة، تنقسم اجمالا الى تيارين، تبدو المؤاخاة بينهما للوهلة الأولى رهانا صعبا: تيار تجريدي، النصوص فيه كثيفة وأقرب للشعر.. أقرب لحالات شعورية تأملية تخلو إلى حد بعيد من عنصر الحكي.. وتيار تشخيصي بامتياز، يقوم على الحكاية المحبوكة، والشخصيات المكتملة او شبه المكتملة ، والحدث الذي يتقدم في الزمن للأمام.. وثمة تجاذب بين هذين المنحيين، بل ان بعض النصوص تبدو مرايا للأخرى.

لغة السرد، بالتوازي، تتحقق عبر لعبة خطرة، هي التهجين بين الفصحى العتيقة والعامية المبذولة. إنهما طرفا نقيض يجتمعان في أحيان كثيرة في جملة واحدة. نحن بالفعل أمام لغة هجين بين الفصحى والعامية، ولكن اللغة هنا لا تكتفي بالجمع بين الاثنتين في سياق من المزج أو التداخل، بل تتجاوز ذلك لصك صياغات فصحى تبدو ترجمة لتفكير بالعامية،أو العكس.. في إرباك يكون في بعض الأحيان حادا لوعي المتلقي.

ثمة التفات واضح لصك صياغات غير مألوفة، من قبيل " لماذا تتعاطفين معي على أني وحيد"، "مثاليتي التي احكيها لها كل مرة"، " امارس الشات بصفة يومية واقوم به بعد الواحدة من منتصف الليل".

ثمة مفارقة أخرى مربكة، فالعناوين المصكوكة بالعامية المصرية تحضر في نصوص تهيمن عليها اللغة الفصحى، مثل "ممكن يكون الكيبورد معلق" ، "هقولك سر"، " شهاب هيخش النار".. بينما تحضر في أحيان أخرى العناوين الفصحى لنصوص تمثل اللهجة العامية عمادها اللغوي، مثل "الإيميل الرابع لفتاة مجهولة"، وهي القصة التي تحوي ضمن ماتحوي مقاطع أقرب للقصائد والأغنيات المكتوبة بالعامية ومنها أغنية راب صريحة، فضلا عن عالمها العامي المؤلف من عبارات كثيرة متداخلة هي عبارات الكلام الدارج في مواقف إنسانية مختلفة نحياها كل يوم، وغيرها.

إنها لعبة أخرى، مع اللغة وبها، تتحقق في المجموعة. لعبة مربكة تزيح الكثير من "القواعد" أو حتى "الأعراف" لتمارس قدرا من النزق الخاص بامتداد النصوص.

ـ ـ ـ ـ

المجموعة تتشكل من علاقة متوترة بين الأنا والآخر.

السارد، عندما يكون "أنا"، لا يتورط أبدا في التعاطف، أو التلاحم مع الآخرين.هو يتحرك بين حدين: إما التأسيس للقطيعة مع الآخر، أو الإصغاء إليه دون الإقدام على فعل يعضده أو يشي بتبنيه لموقفه. هكذا يبقي السارد على نقاء وحدته.

وعي الأنا يصطدم على الدوام بوعي الآخر، وغالبا ما تصطدم الإرادات.. غير أن الصراع لايغادر أبدا منطقة الوعي، أو ساحة الأفكار. لن نلمح السارد أبدا في موقف جسدي خاص كالشجار أو ممارسة الحب. لا تبدو لدى السارد أدنى رغبة في مغادرة مكانه. هو على الدوام في مكمن ثبات: على كرسي في مقهى، مضطجع على سريره، جالس أمام شاشة كمبيوتر، ملتصق بمقعد في مواصلة عامة. يمكنني أن أقول إن حركة السارد هي فقط حركة أفكاره وتصوراته، وعيه وتخيلاته، التي يقابلها سكون جسده.. أليست هذه، مجددا، خصيصة أصيلة في الوحدة؟

الآخر، عندما يتخذ صورة الأنثى أو تتخذه، يحيل لعلاقة مربكة للذات، علاقة منذورة مرة بعد أخرى للقطيعة وانعدام الأمل في التواصل. الذات بدلا من أن تسعى للاكتمال بالأنثى، تبدو حريصة تماما طوال الوقت على خوض صراع." هي لها الحق ان تكرهني اذا فهمت حيلتي السطحية، اظنها لن تكرهني ابدا، لانني ابدل حيلي دائما. للاسف هي تقرأ بالإنجليزية روايات ماركيز وباموق وتظنهما انجليزيين.. انا اقراهما بالعربية واعرف جنسية كلا منههما بالطبع". هذه صورة مقربة لطبيعة علاقة الانثى بالسارد. الحيلة من جديد هي ما يجعل الراوي جديرا بالمحبة.

اللعب ايضا هو ما يحيل لتحديد مصير علاقة يفترض فيها أنها جادة: "ابتسم بطفولة وقال تيجي نلعب لعبة؟ نظرت اليه في دهشة دون ان تتكلم ثم أومات بالموافقة، فقال : اللي يكشف التاني ينساه؟ فقالت: انت مريض. ابتسم وهو يودعها. وقال: لقد كسبت الحياة، انت الآن مع غيري".

تنتهي مناورات السارد مع الذوات الأنثوية بتسليم كامل باستحالة الاتصال: "عارفة ان أول مرة اضحك كانت امبارح؟ عارفة ليه؟ لأن أول مرة أحس بإنك خلاص بعدتي وبقيتي مش شبهي. واسكتي بقى، ما خلاص عرفت اني ماانفعش أكون بحب".

ـ ـ ـ ـ

يحيلنا ذلك الى عنصر آخر لصيق بالذوات الساردة، هو التخفي. ويبدو المنطق متسقا: لكي تلعب جيدا عليك أن تجيد الاختباء، ألا تظهر.

ربما يفسر ذلك حرص الذات الساردة في كثير من الأحيان على ألا تعلن عن ماهيتها، قناعاتها الفكرية او الدينية، مرجعيتها الاجتماعية. السارد في أغلب الأحيان يمارس لعبة يكشف من خلالها من يشاركونه الحدث لكنه يبقي على غموضه وعدم تجليه الكامل، وهي بالمناسبة صفة الهية أخرى.

" من خلف الكادر جلست أنا أتابع قِبلة الملهى الليلي، لأكمل آخر مشهد لي في الفيلم..حتى أحببت هذه الطاولة وجلست عليها باقي العمر" قصة"جارسون مختبئ"، " تجلس على سريرك داخل غرفة مغلق بابها، لا تصنع شيئا سوى ان تنظر في الأرض، وتسمع صوت أقدام تجري على السلم بسرعة .... وقد تعودت الخوف من الخروج، فتعتقد آنذاك بأنك صفحة داخل تاريخ متروك"، قصة" صفعة تائهة لا تؤلم"."فتحت الباب البني بالعين السحرية التي لا تجعلك تشاهد من بالباب"، قصة"وجئت مرة".

مرة بعد أخرى يؤكد السارد على اختفائه، يستكمل ألوهيته بإدارة خيوط اللعبة بأكملها، دون ان يراه أحد أو يتمكن شخص من كشف وجهه.

هل أذهب إلى مدى أبعد في التأويل فأقول إن كشف السارد يساوي موته؟.

التخفي يكتسب إحدى تموضعاته عندما يصير المكان الافتراضي هو ساحة الحدث. فقط في الواقع الافتراضي يبدو السارد آمنا، حتى أنه لا يخشى الإعلان عن تفاصيله في قصة مثل "ممكن يكون الكيبورد معلق"، "انا مصطفى يسري .اقيم بالجيزة وقضيت عمري بها . لا اجيد من اللغات سوى العربية".

بالمقابل، تنكشف كل الشخوص الأخرى التي يراقبها السارد أو يدخل معها في مواجهة. في قصة رامي يستمع الراوي للشخص الذي يحضر طوال السرد. تنتهي القصة بكشف رامي بينما تظل وضعية السارد كما هي،الامر نفسه في قصة"شهاب هيخش النار" والتي لا يزال الراوي فيها وحيدا كما كان في النص الافتتاحي للمجموعة.

هكذا تبدو "كفيف لثلاثة أيام" نصا يحتفي باللعب على كافة مستوياته، يمارسه في شتى أداءاته الممكنة، كأن اللعب حكمة نهائية، وكأن اكتماله هو اكتمال الكائن البشري نفسه، وسبيل اتحاده بالحقيقة.

.......................................
كفيف لثلاثة ايام
صدر عن دار العين
للكاتب باسم شرف

Ibrahim Aslan .................

2010-12-01T22:55:00.000-08:00

ابراهيم أصلان
غرابة المألوف

maradona .........

2010-12-01T02:00:00.000-08:00

ماردونا

يد الله

الوحدة

2010-11-30T14:31:00.000-08:00

الوحدة مزاج الأنبياء

...........................

باسم شرف

لغة هزيلة وصور عاجزة

2010-11-28T09:53:00.000-08:00

قد يصيبك أذي كبيرا وأنت تكتب .. سوف تشعر بلغة هزيلة تكتبها ..وتغيب عنك الكلمات ... ويختفي معجمك الذي كونته طوال حياتك .. وتهتز صورك التخيلية وتعجز عن كتابتها فتجد نفسك أمام لغة البداية .. لا تنزعج ليس هذا الموت .. إنها النوستولوجيا للضعف والبراءة

..............................................................

باسم شرف

الأدب فعل ثورة

2010-11-24T21:24:00.000-08:00

إن الأدب فعل للتمرد حتى وإن كان الكاتب غير واع به. ليس بالضرورة تمردا سياسيا، بل فعل للتمرد ضد الحياة والتاريخ، فإذا ما كنتم تبتكرون عوالم فلأن العالم كما هو لا يحظى برضاكم. ثمة عنصر ثوري في التخييل، يبعث رغبات وميولات لأشياء تفتقدونها في العالم الواقعي. فعندما تنتهون من قراءة وتجربة كتاب عظيم، فإنكم تتأثرون بجميع عيوب وشوائب العالم الواقعي. إن الرواية هي مصدر كل نقد للعالم والمجتمع، وإلا لماذا أقامت كل الأنظمة المستبدة في التاريخ أنظمة رقابة على الأدب؟ لأنها تهابه. والحق بجانبها، فمن دون الكتب الجيدة التي قرأت، كانت نظرتي للعالم ستكون مختزلة جدا

..............................................

جملة من حوار مع الكاتب
ماريو فرجاس يوسا
قبل حصوله علي نوبل بسبعة أيام
في صحيفة 'لونوفيل أوبسرفاتور' الفرنسية

محدش قال حاجة2

2010-11-16T22:52:00.000-08:00

قولتله : هناك ياصاحبي الشوارع مليانة بيوت ويفط ... لعمري شفت حد بيمشي علي البيوت من فوق ولا حد بيخبط في اليفط وهو ماشي.. لانها عالية .. عالية قوي اعلي بكتير من فكرتك عن الجنة

...........................

قولتله : بتحب تسهر يمكن عشان تلاقي الوشوش الغريبة اللي في الشارع فترسمها وشم علي ضهرك

......................

قولتله : متبقاش تعمل عبيط وتكتب كل اللي في نفسك فيه .. سيب مساحة عشان تلاقي حد من اصحابك تقعد معاه وتحكيله حاجة مفيدة

..........................

قولتله : اوعي تصدق أي حاجة مشفتهاش .. واذا حسيت انك صدقت او قربت تصدق .. اقطع شريانك او احرق شاشة التلفزيون .. او دلت كل الاسماء من موبايلك ومتردش عليهم ..

.............................

قولتله : ماتندمش علي حاجة خلصت ... والوجع بيدوب في الذكري

.......................

قولتله : حميد الشاعري بقت دقنه بيضة .. ياااااه

..........................................................

قولتله : لو حاولوا يضعفوك .. كمل ومتخفش وابتسم وشاور بايدك للطفل الصغير و طمنه وقوله ميعيطش ساعتها هينهاروا ويضعفوا .. دا الحياة مرة واحدة مش مرتين

.........................................................

محدش قال حاجة

2010-11-13T08:50:00.000-08:00

قال : دامت لمين يعني ..

....................

قال : في البلاد المتقدمة كلما نجحت زاد محبيك ... وفي البلاد النامية كلما نجحت زاد الاعداء

...........................

خرج من المسجد بعد صلاة المغرب وقال : يدي الحلق للي بلا ودان

...................

ثم لعب طاولة وخسر ونام وقال : يابخت من نام خسران ولا نمش كسبان

....................

باسم شرف: يكفي أن تعيش «كفيفًا لثلاثة أيام» لتري الحقيقة

2010-11-04T06:50:00.000-07:00

ياسم شرف : يكفي أن تعيش ( كفيفا لثلاثة ايام ) لتري الحقيقية .

حوار رانيا هلال
جريدة روزا ليوسف
بتاريخ الخميس 21 اكتوبر 2010

من خلال مجموعته القصصية "كفيف لثلاثة أيام"، يعرض علينا الكاتب باسم شرف الواقع بلغة تهكمية ساخرة لا تخلو من حزن، علي ما آل إليه حالنا وثبات عاداتنا التي لم نغيرها من سنوات، إلي أن تحجرت وأصبحت عائقا في حياتنا، وعلي استقبالنا للأفكار الواردة إلينا من الخارج، التي نطبقها دون أدني وعي أو تفكير، في محاولة للكشف عن تلك الأزمة، وسببها، وما ترتب وسيترتب عليها.

كان لنا معه هذا الحوار:

< كانت مجموعتك الأولي نصوصًا مسرحية ومجموعتك الثانية قصصية، ففي أي النوعين ستكمل كتابتك؟

- لا أعرف ما سأكتبه بعد ساعة من الآن، لأني غير مشغول بالأشكال الأدبية وبالتصنيف، فالشكل يظهر طبقا لطبيعة المادة التي تقدم، بمعني كل مضمون له شكل يناسبه، فهناك موضوع لا يظهر أمامك سوي في صورة قصة قصيرة أو قصيدة أو مقال أو مسرحية أو سيناريو، في حين أنه من الممكن أن يكون لدي كاتب آخر نفس المادة، ويري أنه يستطيع أن يقدمها في صورة مختلفة عنك، لذلك أنا لن أقرر أني سأكون كاتب قصة قصيرة أو كاتبا روائيا أو مسرحيا.

< استخدمت الموروث الشفاهي بوضوح في معظم قصص مجموعتك فهل يمكن اعتبار أنك تعيد النظر فيه أدبيا؟

- الموروث الشفاهي دائما موجود في الأدب، في جملة حوار، في حكم الراوي علي شخصية من شخصياته داخل عمل أدبي، وأنا مثل أي كاتب متأثر بموروث شفاهي ضخم، ولكن أنا أعيد صياغة الموروث دائما، فعندما قدمت قصة علاء الدين والمصباح السحري، تخيلت أن علاء الدين مازال موجودا وشاهد قناة الناس الإسلامية، فتخيلت انه أصبح شيخا وكلما تذكر المصباح والجني يستغفر الله، وهي مرحلة اشتباك الميراث الشعبي بالواقع، وهذا جزء من مشروعي في إعادة صياغة الموروث طبقا لطبيعة واقعي الذي أحياه، وهذا ما حدث أيضا مع أمنا الغولة وأبورجل مسلوخة، ماذا لو رأيت هذه الشخصيات وتعاملت معها هل ستجدها شريرة كما قدمت لنا كأطفال؟ وماذا عن الخير الذي لا نراه؟ بمعني هل سنقبل الشخصيات التي صدرت لنا كشريرة بمنطق آخر وهو الخير، لأنها منطقة لبس دائم لدينا، بمعني أننا غالبا في الأعمال الأدبية بأنواعها نحدد طبيعة الشخصية بالخير والشر وأنت تقرأ تعلم أنها شخصية شريرة.

أريد أن أقول إنني لا أقبل كل ما يقال لي علي أنه يقين، لذلك لا أحب طرق الشيوخ في طرح الدين، إذا أردت معلومة دينية ابحث عنها مكتوبة.

< ما السر وراء تقديس الموت في أكثر من قصة بشكل رمزي؟

-الموت لدينا أساسا فكرة رمزية وليست حقيقة رآها أحدنا، فالموت هو النهاية التي لا أفكر فيها كما هي، أريد أن أتخيل ما بعد ذلك، خصوصا أن لدينا خلطا في أفكار عديدة منقولة من حضارات مختلفة باعتبارها دينا، وهي في الأساس من الأساطير، لابد من تفكيك الأفكار المحفوظة وإعادة قراءتها من جديد.

< اتسمت مجموعتك بالسخرية السوداء والنقد غير المباشر فهل هي تيمة أعمالك بشكل عام؟

- هي جزء من مشروعي السخرية والساركزم علي الواقع، لأني جزء منه وأري ما يراه الناس وأعيش نفس الحياة، النور يقطع عليا وعليهم المية بتقطع عليا وعليهم، كيف أتعامل مع كل هذه المفردات، مع العلم الكل عاشها فلابد لك من طريقة تميزك عن غيرك في طرحها، هذا فيما يخص الحياة العامة أما أنا فأحب أن اكتشف تفاصيل بسيطة غير معروفة وزاوية جديدة، الذي أبحث عنه هو أن تكون لي طريقة تخصني وحدي، أنا يثيرني في الكتابة الشخصيات العادية جدا.

< ماذا أردت أن تقول من تكرار المفارقة بين الذات والآخر؟

- تقبل الآخر، كل ما أريده أن نتقبل ونحترم بعضنا البعض كما نحن.

< كيف تري النشر الخاص والنشر الحكومي في ظل ما يقابلهما من عثرات ومشاكل؟

- الموضوع أصبح الآن مختلفا، دور النشر زادت والكتب أكثر وهذا جميل، قد ينتقد البعض الكمية الكبيرة خاصة أنها ليست بنفس المستوي، لكن أنا أختلف معهم لأن البقاء في النهاية لمن سيستمر، ومن يملك موهبة حقيقية، النشر الحكومي أري به عدة سلاسل في منتهي الأهمية، وأتمني لها الاستمرار، سواء كانت شبابية أو عالمية أو عربية، كلها سلاسل مهمة في قصور الثقافة والهيئة العامة للكتاب، لكن ينقصها بعض طرق التسويق والتعامل مع الكتاب علي أنه كتاب مدي الحياة وليس دورية، ولابد من الدعاية لأماكن التوزيع بشكل جيد، وتنظيم طرق النشر ولكن في النهاية أري السلاسل هذه تقدم ما لا تستطيع ان تقدمه دور النشر الخاصة، وفي النهاية دار النشر الخاصة والحكومية في صالح القارئ.

< ما رايك في الحياة الثقافية وما تشهده من انقسامات بين المثقفين وبعضهم البعض؟

- الانقسامات معناها الاختلاف، وهذا مطلوب في الحياة الثقافية والعراك الثقافي يخلق حركات جديدة قد تنتج عنها أشكال وعوالم جديدة، ولكن الذي أطلبه في المعارك الأدبية والثقافية التزام الشفافية وعدم إهانة المختلفين معنا، لأن هذا حق الجميع.

< ما هي نقطة ضعف النقاد الحاليين هل النصوص الجديدة ام غياب النظرية النقدية العربية؟

- لا استطيع ان اقول نظرية عربية نقدية لاننا لا نملك هذه القدرة الفائقة علي القراءة وان كان هذا لا يمنع اجتهاد نقاد كثيرين في البحث عن نظرية نقدية عربية .. لو عادت مهنة الناقد الذي يقرأ الاعمال بقوتها وضعفها ويطرحها للقارئ سوف تختلف الحياة الثقافية .. لكن الناقد ينتظر ان تذهب اليه بالكتاب ... فهو لن يشتري كتابا .. وكان هذا عارا عليه .. حتي دور النشر قلما ترسل الاعمال الي النقاد والصحافة .. تعتقد انها خسارة لها .. تنتشر في الآونة الأخيرة القراءات الصحفية للأعمال وتقدم علي انها مقالات نقدية ليست كافية لتقديم كاتب الي الحياة الثقافية.. وان كان هذا الجيل الجديد بدأ يستوعب ويفرز نقادا يشبهون الكتابة الجديدة وسوف تظهر مشروعاتهم فيما بعد.
.....................................
الكتاب ( كفيف لثلاثة ايام ) .. صدر عن دار العين للنشر
عام 2010

تسليمي درع تكريمي وحصولي علي لقب سفير الشباب للبهجة ببورسعيد

2010-11-04T06:47:00.000-07:00

كتب طارق الرفاعي

في وسط اجواء من الامل والتفاؤل والاعتراف بالجميل تتزين بورسعيد لاستقبال عدد كبير من الاعلامين والنجوم ممن وجهت لهم جريده الحياه البورسعيديه الدعوه للتكريم علي ارض المدينه الباسله يوم الاحد 7نوفمبر القادم

استمرارا لنجاح الدورات السابقه للمهرجان والذي يتم عامه العاشر هذا العام ويستمر في اختيار شعارات تؤكد علي اختلاف وتميز هذا المهرجان الذي يستند لاختيار المتخصصين واستفتاء اراء الجمهور عن طريق الاستطلاع الصحفي والنت هذا وقد صرحت د صفاء يونس نائب رئيس المهرجان انها فخوره باخلاقيات الساده الضيوف والتزامهم ممن تحمسوا لمؤازره شعار الجريده الذي يدعم مشروع بناء مستشفي للسرطان في المدينه الحره واعلنت استقرار اداره المهرجان علي تكريم الساده النجوم( الكاتب المتميز د مدحت العدل والفنان محمد رجب والنجمه انوشكا التي حصدت اعلي الاصوات عن دور الزوجه الرومانسيه في قانون المراغي والاستاذه هاله حشيش رئيس القنوات المتخصصه والمنتج الكبير الاستاذ جمال العدل والفنانه القديره رجاء الجداوي والقديره رجاء حسين وابطال ملحمه الفنار التي رصدت بطوله شعب بورسعيد خاصه والمدينه مقبله علي الاحتفال بعيدا القومي الكاتب مجدي صابر والمخرج خالد بهجت ونخبه من ابطال العمل ( دنيا عبد العزيز والقدير علي حسنين والنجمه الواعده ايمي)كما سيتم تنصيب الاستاذ خالد شبانه رئيس ق نايل كوميدي سفيرا للبهجه عن الاداء المتميز للقناه خلال رمضان واختيار برامج عزب شو واليوم يومك وضحكني شكرا للتكريم مع تسليم درع خاص لسفير الشباب باسم شرف عن افضل اعماله مع عدد من نجوم اعمال رمضان المخرج احمد عبد الحميد والفنان طارق عبد العزيز عن موعد مع الوحوش وتكريم خاص لابطال الاوليمبياد من الاطفال ذوي الاحتياجات الخاصه ( ونجوم الشباب نضال الشافعي ومني هلا وعلي الطيب والفنان الكبير سامح الصريطي وباقه من الاعلامين والصحافيين ممن تميزوا بالحياد والالتزام الاعلامي وقد صرح الاستاذ سمير عوض رئيس المهرجان انه سعيد بطريقه اختيار النجوم لانها من قلب الجمهور كما يفخر بتكريم سفير بورسعيد في عالم الفن النجم القدير محمود يس وعدد كبير من ابطال المدينه ونجوم السمسميه ويستمر النجاح بصدق النوايا والاجتهاد

.........................

تكريمك في بلدك اعظم من اي تكريم في العالم .. لان لا كرامة لنبي في وطنه فلما يدوا النبي كرامته بيحس بانه حقق حاجات كويسة

اكيد مبسوط

تامر حسني نجم الجيل

2010-09-28T19:44:00.000-07:00

تامر حسني نجم الجيل

..والمثل بيقول .. اعلي ما في جيلكم اركبووووه

قال صحافة قال ؟

2010-09-15T16:01:00.000-07:00

قال صحافة قال ؟

انا واحد من الناس اللي بحترم الصحافة والصحفيين وبهتم اني اقرا كل اللي بيتكتب لانه جزء من نبض الشارع والفن والسياسة .. لكن بكتشف حاجات مكنتش موجودة قبل كده وخصوصا مع انتشار المواقع التابعة لجرايد .. فكنت بدور في اليوم السابع من شوية كده فاكتشفت حاجة صغيرة كده .. لقيت حاجة عن جمال سليمان وهو طاقة تمثليه رائعة وقابل هجوم شديد في البداية واحنا كشعب متاسمح اللي كانوا مش طايقينه قبلوه والحمد لله ان المشاكل الصغيرة دي خلصت لكن يبدو ان جمال سليمان بدأ يظبط نفسه مع الصحافة خلاص ..برافو عليه ... انا بحب اللي بيشتغل وبيركز ومستشارين اعلاميين وكده .. والناس اللي بتفهم هتفهم .. او هما من نفسهم عشان بيحبوووووه وحسوا انه اتظلم في المشاهدة .. قريت في اليوم السابع ان نقاد الفن بيشيدوا بان مسلسل قصة حب من افضل تلت مسلسلات في رمضان ... جميل .. دا كويس .. مفيش مشكلة .. لانه بيجتهد .. لكني لقيت اتنين نقاد بس اللي اتكلموا وبيقولوا في المانشيت نقاااااااد الفن يشيدوا وكده ..علي الاقل يبقوا تلاتة عشان تليق عليهم كلمة نقااااااد عشان ده اسمه ولامؤخذة جمع .. ومنهم ناقدة باين بتشتغل في اليوم السابع وماسكة القسم الفني .. علي ما اظن .. والله اعلي واعلم .. وقبلها واخدين كلام من وزير التعليم اللي ساب شغله وقعد يتفرج علي مسلسل جمال سليمان .بيسالوه ايه رايك في دور جمال سليمان كناظر .. طبعا كل وزير بعد كده يسيب شغله ويدور علي المسلسلات اللي تخص مهنته ويقيم وياخد عامود ويدافع او ينتقد والصحافة تتهافت عليهم عشان مين منهم يكتب نقد والنقاد بقي يشتغلوا حاجة تانية ... . ومشاكل التعليم دي ايه يا باشا ؟ والثانوية العامة وهننزل المدارس وهنعمل خطط .. انا شايف ان وزير التعليم ينزل مع المقرر جدول البرامج والمسلسلات وبالمواعيد واتمني ان مينساش يحط برضه مع الجدول المساحات الاعلانية لانها ساعات بتاكل الوقت .. او علي الاقل بدل ما يتفرج يجيب للصحفية اللي كتبت الموضوع مدرس لغة عربية من الوزارة يصلحلها لغة عربية ... الاقتداء بالدال يا ماما مش بالضاض .. لانها جاية من قدوة مش قضوة .. عييييييييييب ... ربنا كريم علينا وعليكم

باسم شرف

مش عيب لما كاتب يموت جعان ؟

2010-09-14T07:47:00.000-07:00

لما كاتب عايش محترم ... يبيع نص مكتبته عشان ياكل ..
يعمل ايه تاني في الحياة ؟ .. لما يموت متكتبوش عنه كلام ...
لمو الفلوس اللي هتتعاطفوا بيها معاه وادوها لكاتب جديد ..عشان يقدر يعيش ...
عشان يكسب اقل حاجة .. انه يعيش .. . بس

المعارك الادبية بقت بزيادة قوي ... والله عيب

2010-09-05T07:04:00.000-07:00

الخلافات اللي بقت كتيرة الفترة اللي فاتت خلافات خطيرة ومؤرفة بصراحة ... وبقيت اقرف اقراها ...واتهامات وردود وكلام فارغ ... الناس دي فاضية لمعارك جانبية مخزية فعلا ؟... واحد يبدا يتكلم والباقي مستنينه يرد ويبدأ كل واحد منهم يحط الكلام علي صفحات ومواقع وقراء يردوا واتباع ومريدين ... وللاسف احنا معندناش ثقافة الاختلاف ... احنا عندنا ثقافة العدو ... اللي مش معايا في رأي يبقي ضدي ... ويبدأ كل واحد يتهم التاني بانه عميل وجاهل وسطحي متناسيا ان الشخص ده في يوم من الايام ليه اعمال ادبية او فنية وهكذا ... وياسلام بقي لو الشخص ده يعرف عن الشخص اللي بقي عدو حاجات من الحاجات القديمة اول ما يختلف يطلعها وممكن يكون الشخص ده مأمنه علي سره .... وللاسف فيه جرايد بتستفاد من ده في خلق معارك عشان عدد الزوار او البيع يزيد .. وطبعا دي ثقافة استهلاكية تبتعد عن اخلاق المهنة وبقت اخلاق جريدة واحدة كلنا عارفينها النبأ .. انا اتمني ان المعارك دي تتصفي بقي .. وبلاش الناس تبقي عنيفة في ردودها كده ونحترم ان فيه ناس تانية عايشة ومختلفة معانا .. في اسبوع واحد اقرا معاركتين .. حمدي ابوجليل يكتب مقال فيه كلام عن عمرو رضا وعن طارق الطاهر .. بيقول رايه ويمكن اختلف فيه معاه وده من حقي ومن حق ان الناس تختلف علي سياسة افراد .. والكلام راح منه في حتة ان مجلة المسرح مش بتبيع خالص .. هو شايف كده لكن كان لازم يحط ارقام وتكاليف ..وخدته الجلالة شوية فعايز يقول ان الغيطاني وخيري شلبي بيتعبوا في شغلهم وكل الناس عارفة ده ... واللي مش عارف ده يبقي فعلا ميعرفش يعني ايه ادارة منطومة واختيار واشراف ... لكن اللي حسيته ان حمدي ابوجليل خانته الجملة وقال بيصرفوا علي المطبوعات من جيوبهم ودا تعبير عادي بيستخدم ومش لازم يكون علي سبيل المعني الاول ... مش مشكلة كل واحد بيفهم زي ما بيحب ودا بالنسبة ليا مش مهم لكن يقوم السيد يسري حسان يرد بشكل فيه اهانة في الرد ويطلع المستخبي ونبدأ في حكاية كل واحد عنده حاجة قديمة عن حد يطلعها ... اللي من حقه يرد يقول لحمدي جبت الكلام ده منين وبس وحمدي يرد
........ هي بصراحة معركة جانبية لكني حسيت بالقرف منها .. واهو لقيت معركة تانية علاء الاسواني اللي اتكلم عن حاجات شايفها واخبار الادب فردت مساحة كبيرة عشان يتكلم وقال كلام كويس .. فجاة الاقي رؤؤف مسعد يرد .. هو ليه كل واحد مختلف مع واحد يبدأ يترصدله ما تخلي اللي عنده المشكلة يرد لكن هنفتح الموضوع للتصفيات ؟
كل واحد عنده بلاوية ومشاكله فكل واحد يخليه في شغله ويهتم اكتر .. ويسيب اللي عنده مشكلة يرد يعني يا عم رؤؤف المشكلة بين جاكمون وعلاء الاسواني ليه نتدخل في معارك وخلاص ... واتمني والله اني افتح الجرايد والمواقع الاقي ملفات ادبية وثقافية مهمة قبل ما يخشوا في دواير الاستهلاك اللي هتقضي علي تاريخ كبير بمنطق العدوات والبيع والشرا .. وساعتها هنقول علي الدنيا السلام ...

..................
كلامي كله مع الاحترام لكل الاسماء اللي ذكرت داخل التدوينة
باسم شرف

حفلة توقيع الكاتب سعيد نوح يوم الاربعاء

2010-08-28T13:12:00.000-07:00

ينظم المجلس الأعلى للثقافة بدار الأوبرا يوم الأربعاء الموافق 1 من سبتمبر المقبل، فى التاسعة مساءً، أمسية لتوقيع ومناقشة رواية "أحزان الشماس" للروائى سعيد نوح، والصادرة عن سلسلة "إبداعات التفرغ" بالمجلس الأعلى للثقافة،

ويشارك فى مناقشة الرواية الناقد والروائى سيد الوكيل والناقد والشاعر شعبان يوسف، والناقد الدكتور محمود الضبع والناقد الدكتور محمد عمر، والروائى جمال مقار، وتدير الندوة الروائية أمينة زيدان.

وتقع الرواية فى 260 صفحة من القطع المتوسط، وتتضمن سبعة فصول، يتناول فيها نوح المعتنى بالتفاصيل الصغيرة لعالم اليومية الإخوة المسيحيين المصريين.

وتدور أحداث الرواية حول أحد الأديرة فى جنوب مصر من خلال تتبع مصير "جرجس" الصغير ذى السنوات الإحدى عشرة والفاقد للبصر والذى يذهب مع أبيه ذات يوم لزيارة الدير للوفاء بنذر كان الأب قد نذره يوماً، ويستمع الصغير جرجس للمرة الأولى لأغنية "الأم الحنون" من الشمامسة والرهبان، وقع فى قلب الصغير نداء غريب، وتمنى الانضمام إلى الدير، وتحدث مجموعة من الصدف لتتحقق الأمنية ويصبح جرجس شماسًا صغيرًا فى عهدة أب الدير، الأب بشاى الذى حلم به ذات يوم بعيد قبل حضوره إلى الدير بتربيته لشماس ضرير.

وتبدأ الرواية فى تتبع مصير جرجس الذى يصبح شماسًا أول للدير، وكيف تظهر البركة فى يديه، فيفيض الخير، ويحبه الناس والرهبان حتى يظهر الراهب "متى" والذى يحقد على مكانة ذلك الأعمى داخل الدير، ويجده حجر عثرة فى طريقه، ومن هنا يبدأ فى عمل مؤامرات صغيرة للإيقاع به، وتتوتر العلاقة بين كل من فى الدير وبين "متى"، بسبب ذلك الأعمى الذى يحبه الشعب نظرًا لأنّه فاقد لشىء كبير كما يقول "متى" ذاته، وبعد تلك المؤامرات الصغيرة التى قام بها "متى" يتم إبعاده بأمر الأب بشاى عن تلقى الاعترافات ثم يرسله إلى الجبل ليتطهر، وفى الجبل يغير "متى" طريقة علاقته بجرجس ويبدأ فى التودد إليه، والمشاركة فى تزويجه لتريزا تلك البنت المصابة بفوبيا الخوف، ويتزوج جرجس بالفعل من تريزا بسبب مساعدة خبيثة من "متى"، ويرزق جرجس بطفل سماه "مينا".

وعندما يتم تعميده لا يبكى ويعلن الأب "بشاى" أن ذلك الطفل هو من أوصى به المسيح ويأخذه سريعًا إلى ملكوته ولا يتركه فى الحياة، فيصاب جرجس بالتوجس ويظل خمس سنوات يبعد نفسه عن الصغير حتى لا يتعلق به قلبه أكثر من اللازم، كما أنه يهمل عمل يديه، ويهمل زوجته التى تتوجس، وتخاف من انشغال زوجها، وتخشى من وجود امرأة أخرى تشغل باله، وتظل تتبعه أين يوجد، ثم يحدث أن يحضر تعميد طفل آخر لا يبكى عند التعميد ويقول الأب بشاى الكلمة نفسه التى قالها عن ابنه مينا، ويكتشف من الأب بوجود أطفال كثر لا يبكون أثناء التعميد، ويعود جرجس لممارسة حياته مرة أخرى ويظل يتتبع الأيام حتى يموت ابنه مينا وهو ابن الثامنة عشرة عاما، وحينها يعتزل الأب "بشاى" الخدمة، ويتولى الدير الأب "متي" ويعود صديقه وأخوه فى الديرالأب صموائيل إلى الحياة مرة أخرى، ويترك عالم الرهبانة ويتزوج من حبيبته التى دخل الدير من أجلها فلا يجد جرجس أمامه غير الموت، ليموت بعد موت ابنه بتسع عشرة ليلة.

جدير بالذكر أن نوح قضى عامين فى كتابة هذه الرواية، وقدمها للمجلس الأعلى للثقافة عام 1996 ولكنها صدرت هذا العام فقط ضمن سلسلة إبداعات التفرغ.

مسلسل الجماعة .. بقي مع الجماعة

2010-08-24T08:31:00.000-07:00

يوميات مع الجماعة

.............................

مسلسل الجماعة تقريبا كل الناس اتكلمت عنه .. يمكن ده نجاح ليه وللاخراج الكويس والصورة الرائعة الممتعة بصراحة وفكرة تقديم مسلسل عن شخصية حسن البنا فكرة برضه عجباني . عشان نبعد شوية عن تقديم شخصية الفنانين لان فيه علماء ومفكرين مهمين نختلف معاهم او نتفق بس المهم انهم كيان لكن هنقضيها ممثلين بس انا شخصيا زهقت جدا من المسلسلات دي ومبقتش اتفرج عليها . يمكن انا مبحبش الاخوان ومبحبش طريقتهم في السلوك الديني والسياسي لكن ما قدمه وحيد حامد يحتاج لبعض الكلام ... ما كتبه وحيد جاء لصالح الاخوان وليس ضدهم كما يتوقع وحيد حامد وهو في صدده للمسلسل وخصوصا اننا عارفين موقف وحيد حامد منهم .. اولا من حيث البناءاشتغل وحيد حامد علي مستوين من الزمن .. اولا الزمن الحالي وهو من خلال تحقيقات نيابة امن الدولة السبع نجوم وتكرار كلمة جماعة محظورة كل ثلاث ثواني وطريقة حوار مريحة جدا مع المدانين من الاخوان المقبوض عليهم .. يمكن في نيابة امن الدولة مش بيحصل ضرب او اهانة بالشكل الكبير لكن بيحصل في السجون لكن برضه من مش بالشياكة دي وخصوصا ان وكيل النيابة اللي بيحقق ناس اقل منه كتير في المستوي الاجتماعي والتعليمي والسياسي ورغم كده بيقابلهم بشياكة وزوق لكن كلنا عارفين طبيعة الشخصية المصرية لما ربنا بيديها اول حاجة بتعرف انها في مستوي والباقي في مستوي ...المستوي الزمني التاني هو تاريخ حسن البنا اللي اعتمد فيه وحيد حامد فيه علي لغة فصحي في اغلب الاحيان علي شوية عامية وحوار مش شبه الشخصيات .. والمعروف ان شخصية حسن البنا فلاح يعني المفروض انه يتكلم بلهجة فلاحي حتي لو بالفصحي مش بالقاهري وشخصية حسن البنا لعب بيها لعبة درامية اقرب للتعاطف والتضامن وهو فكرة الرحلة .. رحلة الشخصية من البداية الي النهاية حيث جاءته فكرة الدعوة وبدا يدعو في القهاوي .. اولا الاخوان مش بيدعو .. لان دي جماعة تانية اسمها الدعوة والتبيلغ .. اما جماعة الاخوان بينشروا افكارهم بطريقة تانية انهم يعملوا رحلات ويعزموا ناس تيجي مع اصحابها او دوري كورة او يتمشوا شوية ويشربوا عصير بيدعي من خلال تفاصيل اغلبها ليها علاقة بالرفاهية والمزاج ياخدوهم يلعبوا كارتيه في الجنانين او يلعبوا بينج بونج المهم انك هتلاقي كل واحد بيجيب واحد ويلعبوا ويتقبلوا في الجوامع يتكلموا في اي حاجة لحد ما الشخص يتالف وياخد علي الجماعة وبقي واحد منهمانما اللي قدموا وحيد حامد فيه خلط شديد بين الجماعات الدينيةوبينجح حسن البنا بملابسه البيضا الجميلة والشخص الوسيم الذي احبته النساء وتنتظره كل يوم ليشاهدوه والرجال ايضا احبوا شخصية الشخص الطموح .. الذي يسعي لتقديم الدعوة ... لحد ما بقي بيقول كلام للناس اللي معاه وحلول ساذجة جدا فاللي حواليه الله او ماي جاد .. انك لذيذ يا شيخ حسنيعني مثلا حبوا يبنوا جامع في ارض فاضية فبدا وقال الارض جميلة وتصلح للجامع علي بركة الله ثم امتعض احد الواقفين فقال له حسن ماذا بك ؟ قال له لان البيت اللي جنب الجامع بيت دعارة وفسوق .. فرد الجميع اه صحيح مش هينفع يا شيخ حسن .. فصمت حسن للحظة ثم قال مش بيت دعارة هو اللي هيخلينا نمشي وبيت ربنا مش يتبني هما اللي هيمشوا .. نظر الجمع لبعضهم البعض ثم اكدوا علي ذكاء حسن البنا وفكه وفطنته ..

المهم ان وحيد حامد حب يعمل مسلسل ضد الاخوان طلع مع الاخوان ودي النكتة اللي قلبت علي صاحبها.

.....................................................

وبعد مرور عشرين حلقة بقي عندي اسئلة

وبعد ما شفت الحلقات لغاية 20 بقي فيه حاجات غريبة بتحصل في المسلسل ده وبدور عليها .. هل الاخوان في بداية التنظيم كان ليهم علاقة بالسلاح ؟ كان ليهم جيش علني ممثل في شكل الكشافة وهناك جيش سري ؟ وهل العلاقة كانت قوية بالفعل مع علي ماهر والملك

اكتشفت النتيجة اه طبعا ده حقيقي ...

....................

بعد ان تجاوز المسلسل الحلقة الخامسة والعشرين قعدت افكر في خطة المسلسل الدرامية لقيت وحيد حامد عمل خطة في منتهي الصياعة ... كلنا كتبنا ان المسلسل بقي مع الجماعة وشكينا في قدرة وحيد حامد الدرامية هل هو ساذج لهذه الدرجة ان يتورط في كل هذه المشاكل السطحية ولكنه كان اخبث دراميا ...

يعلم وحيد حامد ان المجتمع المصري له بنيه دينية واي حد هيقرب من المساس باي شخصية دينية بيتم القضاء عليه بمنطق مش هنتفرج عليه دا سخيف ويبداو يتكلموا عليه في خطب الجمعة ويتبهدل .. خلاهم عادي حابين الشخصية وبعدين بدا في تعقيد الشخصية وخرجها من شكلها الديني ولبسها عباية سياسية وارهابية بمنتهي السلاسة .. وبقي المسلسل ضد الجماعة كليا وجزئيا

علي الرغم اني مقرتش في تاريخهم ارهاب بهذه الصورة الا اني لسة بدور علي حقائق معينة يمكن عشان انا مش بحب الاخوان لكن بحاول اقراهم بمنطقهم شوية ... بس مظنش ان الاخوان معنهموش ارهاب واسلحة وجيش بالشكل ده ... ده ممكن يكون عند جماعة اسلامية تانية الجهاد في سبيل الله

واكتشفت في الاخر ان مسلسل الجماعة احسن مسلسل في رمضان

..................................................

باسم شرف

قلق الاغنية السر

2010-08-05T16:18:00.001-07:00

قلق الاغنية السر

بين السما والارض حياة مخطوفة

قلقانة .. بتغني اغنية مش مسموعة عن الحب والعدم

والليل والنهار ..

البكا بيعلم النسيان

والخطوة بتعلم العجز

واذا كنت يوم قلقان .. امشي بعجزك وانسي البكا

هتنام .. وتعيش يوم بين السما والارض

وهتعرف الاغنية السر اللي عمرك ما سمعتها لكن سمعت عنها

..........................

باسم شرف

2005

لقيتني كاتبها من زمان وافتكرتها بالصدفة

قلت احطها هنا

شبر شبرين ... للشاعر سالم الشهباني

2010-08-01T02:21:00.000-07:00

انا كتير بحب اقرا الشعر سواء قديم او جديد عامودي او حر او قصيدة نثرية المهم ان القصيدة تعجبني لان الشعر يتحس ويتحب او يتكره ومن الناس اللي بحب شعرهم سالم الشهباني وهو صديق عزيز واعرف سالم من اول قصيدة كتبها ونشرها وشوفته وهو بيسعي ان يكمل مشروعه الكبير وبقي عنده دلوقتي خمس دوواين .. واقوله يتربوا في عزك يابوسالم وعشان كده انا هاحضر ندوته اللي فيها توقيع ديوانه الجديد ...... شبر شبرين ..... والعنوان يوم الخميس 5- 8 الساعة 7 في مقر حزب التجمع بميدان طلعت حرب وسط البلد

حتة من ديوانه الجديد اللي حسيت فيها محاكته للشارع واحساسه بيه

أسود

ضلى على الأسفلت
وبدلة العسكرى السودا
اجبرونى على الوقوف صف تانى
والكلام عن لون ماحبتهوش
لون يساوي
خوف من غيب مابعرفهوش
أو غياب بيساوى خوف من لون ماحبتهوش

لون يساوى طرحة أمى ودمع بيبلل هدومي
لون يساوي
موت غفير الدرك فى المستشفى الحكومى
لون يساوى ظلم ظابط لبياع مناديل فى الأشارة
بيهينه بالركل والضرب
لون يساوى قسوة الواقع من النظر عن قرب

لون مابيحليش غير للغلابة
واللي ساكنين الرصيف
واللي بيموتوا فى الطابور
بحثاً عن رغيف
لون يسيبنى كل مرة قدام سؤال
أيه اللى ممكن يعمله الشعر
لإنسان ضعيف؟
أيه اللى ممكن يعمله الشعر
لقصيدة ف الشارع بتعصي ع التصنيف؟
أسود

ضلى على الأسفلت
وبدلة العسكرى السودا
اجبرونى على الوقوف صف تانى
والكلام عن لون ماحبتهوش
لون يساوي
خوف من غيب مابعرفهوش
أو غياب بيساوى خوف من لون ماحبتهوش

لون يساوى طرحة أمى ودمع بيبلل هدومي
لون يساوي
موت غفير الدرك فى المستشفى الحكومى
لون يساوى ظلم ظابط لبياع مناديل فى الأشارة
بيهينه بالركل والضرب
لون يساوى قسوة الواقع من النظر عن قرب

لون مابيحليش غير للغلابة
واللي ساكنين الرصيف
واللي بيموتوا فى الطابور
بحثاً عن رغيف
لون يسيبنى كل مرة قدام سؤال
أيه اللى ممكن يعمله الشعر
لإنسان ضعيف؟
أيه اللى ممكن يعمله الشعر
لقصيدة ف الشارع بتعصي ع التصنيف؟
أسود

ضلى على الأسفلت
وبدلة العسكرى السودا
اجبرونى على الوقوف صف تانى
والكلام عن لون ماحبتهوش
لون يساوي
خوف من غيب مابعرفهوش
أو غياب بيساوى خوف من لون ماحبتهوش

لون يساوى طرحة أمى ودمع بيبلل هدومي
لون يساوي
موت غفير الدرك فى المستشفى الحكومى
لون يساوى ظلم ظابط لبياع مناديل فى الأشارة
بيهينه بالركل والضرب
لون يساوى قسوة الواقع من النظر عن قرب

لون مابيحليش غير للغلابة
واللي ساكنين الرصيف
واللي بيموتوا فى الطابور
بحثاً عن رغيف
لون يسيبنى كل مرة قدام سؤال
أيه اللى ممكن يعمله الشعر
لإنسان ضعيف؟
أيه اللى ممكن يعمله الشعر
لقصيدة ف الشارع بتعصي ع التصنيف؟

صحافة الادب من خلال متابعتي ليها

2010-07-27T21:30:00.000-07:00

بصراحة قريت موضوع اضايقت منه جدا وهو موضوع البيست سيلر اللي كان في اخبار الادب لقيت فيه حالة من الاستخفاف بالكتابة والكتاب ميصحش انها تحصل في جريدة مختصة بالادب .. انا قريت نفس الموضوع لما كان عامله وسيم المغربي في جروب علي الفيس بوك وكان عاملة بيسخر من الظاهرة بتاعة البيست سيلر وازاي كتابك يبيع
لكن هنا لما قريت في اخبار الادب ملقتش العناصر اللي تقول الخطوات ... يعني لما نكون عايزين نعمل موضوع البيست سيلر نجيب كتاب بيست سيلر ونشوف ناس من مكتبات مهمة بتبيع كويس ومديرين التسويق في دور النشر اذا كان فيه لو مفيش يبقي مدير الدار اللي فيها كتب حققت بيست سيلر وانا عارف ان صانع الموضوع الحاجات دي معدتش عليه عشان كده حسيت ان بيسخر من الكتاب ودا ضايقني ... يعني الناس اللي جابهم تقريبا ملهمش علاقة بالموضوع منهم واحد عمل اكونت علي الفيس بوك وبعت رسايل بقي فاهم في البيست سيلر .. طبعا كان فيهم ناس بحترمهم لكن مش تخصصهم ده .. اتمني ان الحاجات دي متحصلش في جريدة مختصة بالادب
.............................
مفتقد صفحة الادب بتاعة البديل جدا كانت صفحة محترمة ونشاط غير عادي
ويومية .. الله يمسيك بالخير يا سيد يا محمود انت وفريقك .. عارف انك بتعمل صفحة الاهرام المسائي بس مش بنفس قوة البديل اللي كان يومي وتعب ..
.................................

طبعا بحب صفحة الاخبار بتاعة الاستاذة عبلة الرويني .. يوم الخميس والحالة والتجديد اللي بتدور عليها هي وكاست العمل
وخصوصا صفحة الورشة دي جميلة ومحترمة وبتقدم اصوات جديدة الناس في حاجة ليها ومش مهينة زي بريد القراء بتتعامل معهم باحترام وبتجيب ناقد محترم يتكلم مع الشباب دي
..........................
يمكن اللي عوضني عن صفحة البديل المتابعة بتاعة اليوم السابع للاخبار والندوات اللي بيقوم بيها وائل السمري وفريق العمل وخصوصا ان معاه روائي من جوا الموضوع زي وجدي الكومي
بطل علي الموقع كل يوم عشان اعرف اللي بيدور في الدنيا بسبب ضغط العمل
بس يخفوا شوية من زاهي حواس لاني حسيت هيطلعلي من تحت الكنبه بتمثال ويقولي انت اصلك فرعوني
لكن ده ميمنعش انهم عاملين مجهود جبار في المتابعة

مش بحب اسماعيل يس ..... عشان الضحك طرق

2010-07-26T19:14:00.000-07:00

مش بحب اسماعيل يس وبحب فؤاد المهندس ومدبولي والضيف احمد والقصري بيضحكوني جدا بحترم اسماعيل يس لكن مش بحب اتفرج عليه لانه مش بيضحكني عنده طريقة للضحك مش بقبلها لكن فؤاد المهندس او الضيف احمد او مدبولي بيموتوني من الضحك طريقتهم بتتغير كتير الحس الفني كان اعلي .. دا مش بيقلل من اسماعيل يس لكن عادي من حقي احب ناس ومحبش ناس عشان دي ازواق
زي ما انا مثلا بيضحكني جدا محمد هنيدي اكتر واحد ودا يزعل مني ناس كتير ومنهم اصحابي لكن انا بحب هنيدي لانه شبه الناس قوي
اديني بفضفض هنا بمزاجي وعلي راحتي
يعني الضحك ازواق وطرق وكل واحد يختار طريقته في الضحك المهم نضحك وننبسط

انا والسواك وقفاك

2010-07-26T19:05:00.000-07:00

قاعد في امان الله بحكي مع اصحابي عن الاسنان وتعبها وكل واحد مر بتجربة مؤلمة في اسنانه وهي اصعب تعب .... قعد معانا واحد وقعد يقنعنا باننا لازم نستخدم السواك زي الرسول - ص - وهيحل كل المشاكل اللي في الاسنان واحول اقنعه اني استخدمته بوظلي بوقي مش عايز يقتنع يقولي اصل الرسول -ص - كان بيستخدمه واحاول اقنعه ان الرسول بشر وكان قاعد في الجزيرة العربية وليه طبيعة غير طبيعتنا .. يقولي لا برضه انت مش عايز تعمل زيه .. واقوله واعمل ايه؟ يا معلم وانا جربت ومنفعش وكل واحد ليه طبيعة جسدية مختلفة واقوله يابني انا بتكلم كلام تجربة يقولي العلم ايه جنب فعل الرسول .. عصبني جدا وحلفت ما ادخل بيتنا سواك وبقيت اغيظ فيه كل ما اشوفه اقوله كل ما هلاقي سواك هضربك علي قفاك .. لحد ما زهق و اقتنع ان العلم مفيد وبدا يستخدم فرشة اسنان طبية مش ام 2 جنيه ونص من العتبة راح لدكتور

اخر رسالة كتبها خالد سعيد قبل ما يموت

2010-06-15T05:35:00.001-07:00

اخر رسالة كتبها خالد قبل ما يموت

انا بكتب اخر رسالة وعارف اني مش راجع تاني عشان ابعتها علي ايملات اصحابي ولا حتي هالحق اعملها جروب للفيس بوك بس اكيد الناس هتعرف توصل للرسالة دي .. وصوري هيلاقوها وينشروها ..
يا ماما انا نازل السايبر هابعت ايمل الشغل عشان النت عندي واقع وهرجع علي طول .. امه بصت وقالتله بلاش يابني الشغل يتعوض بلاش دلوقتي الجو حر والشمس صعبة جدا دلوقتي .. قالها لازم الاميل يتبعت دلوقتي .. نزل خالد وفي وشه ابتسامة متوترة مش عارف يكملها لانه عرف ينزل عشان يكلم ليلي اللي من سوريا اللي حبها عن طريق الشات ودايما بيقولها كل اللي عايز يقوله لنفسه... تقريبا هي بقت نفسه .. بيطمنلها وبيسمعو مع بعض الاغاني اللي بيحبوها .. خالد وحيد ولما لقي ليلي كمان وحيدة حس انهم لبعض.. علي الاقل الشوية دول ... خالد كان بيحب الحياة وكان كمان بيحلم انه يكون احسن واحد بيلعب جيتار ... اشتري جيتار وخد وعد علي نفسه انه لو احترف لعبة الجيتار هيسيب شغلانة المحاسبة اللي بيكرها جدا ومرتبها الزبالة اللي بياخده اللي يدوب بيفضل منه تمن اشتراك النت عشان يكلم ليلي كل يوم بالليل قبل ما ينام يحكليها كل اللي حصل النهاردة .. واتعلم ايه علي الجيتار الجديد ..

في اخر مرة نزل فيها خالد وكان متوتر كان نازل يبعت الرسالة الاخيرة لليلي اللي بيقول فيها نفسه في ايه ومش هيعرف يحققه

انا زهقت قوي يا ليلي وبقيت مش عارف اعمل ايه في حياتي دي .. مش عارف احقق حاجة خالص وخايف اموت من غير ما العب جملة واحدة بتاعتي علي الجيتار.. وخايف اموت وانا مش مبسوط .. خايف اموت زعلان من حد .. انا ساعات كنت بحس اني وحش وساعات بحس اني غلبان قوي .. بس اغلب الوقت بحس اني غلبان .. اه والله غلبان مش شكرانية في نفسي ولكن العبد لله واثق في نفسه حبتين وعارف انه بيحب ربنا قوي .. اخر مرة وقفت قولتله انا بحبك قوي يا ربنا ومهما حصلي انا مش زعلان منك .. انا طيب وعارف انك عارف اني طيب .. وكنت خايف اني اموت واروح الجنة الاقي شيخ يقولي الجيتار حرام .. بس ربنا قاللي ان الجنة فيها كل حاجة يا خالد بتحبها فاكيد فيها جيتار واكيد كمان جيتارات الجنة غالية قوي .. ومش هدفع حاجة عشان كل حاجة ببلاش وكمان اقولك حاجة انا عايز اشوفك هناك .. انا متاكد انك طيبة قوي بس كان نفسي اشوفك واتكلم معاكي بجد ..
وكل شوية كنت بقول لنفسي الجملة بتاعتك الحياة حلوة
وعلامة الابتسامة اللي بتعمليها دي .. هو انتي بتعمليها ازاي علي الشات بتاع الفيس بوك ؟ اصلي معرفش حاجات كتيرة في الفيس بوك ... تعرفي اني خايف اموت وفيه حاجات معرفهاش .. عايز اعرف كل حاجة .. عايز اطلب منك طلب ..ممكن ؟ متزعليش مني مهما حصل .. لو امين شرطة سحلني قدامه علي الارض لحد ما اموت ومعرفتش اكلمك تاني .. هو اكيد شايفني غلط .. والناس اللي شافتني وانا بموت قدامهم مش زعلان منهم .. الناس غلابة .. بس اكيد المخبرين مش هيموتوني لاني زي ابنهم ممكن يشدلي وداني يزعقلي زي ابويا لما كنت بعمل حاجة غلط كان بيزعقلي .. اكيد مش هيموتوني .. لو موتوني يبقي غصب عنهم .. وقوللهم اني زعلان منهم قوي عشان مش سابوني اعيش شوية كمان بس يمكن اكون حققت حاجة .. نسيت اقولك الطلب اللي عايز اطلبه منك .. ابقي جمعيلي الحاجات اللي هتتكتب عني والفيديو بتاع الوقفات الاحتجاجية اللي هيحطوها علي اليوتيوب والجروبات .. واشكرلي الناس اللي حطت صوري عندهم .. وقوليلهم اني كنت عايز ابقي علي صفحتهم باغنية ليا لكن مش مشكلة الاغنية بيخليهم بيحسوا بحاجة عايز اوصلها ..وموتي برضه هيخليهم يحسوا بحاجة عايز اوصللهم .. وخليها معاكي عشان ممكن لو ربنا زعلان مني شوية افرجه عليها واقوله اني غلبان وطيب وانا عارف اني مش هحتاجها .. وابقي قولي لامي الجو
مش حر قوي علي فكرة والشمس حلوة .. واخيرا هقولك جملتلك اللي بحبها قوي .. الحياة حلوة
.... سلام

كتبها
باسم شرف
11 - 6

مقال جديد عن كتابي كفيف لثلاثة ايام

2010-05-06T08:37:00.001-07:00

التبرع بكوب ماء من اجل الأعداء
هشام الصباحي

لقد ظلم باسم شرف قصة مصاحبة رجل كفيف لثلاثة أيام..وظلمنا أيضا.. بهذا الاختصار القاسى الذي تناول به القصة.. الاختصار الذي منعنا من الاستمتاع بعم محمد الأعمى الذي يُبصر كل شئ والذي يحدد على الرغم من توقف احد أعضاءه عن العمل ..في ص 58 عندما يقول للقاص أو بطل القصة أو لنا " عارف يا ابني,كل شئ اتغير,ريحة الأيام,ريحة غدر الناس,وطعم الهوا في بقك" ..هذا الاختصار الذي لابد أن يُعاقب عليه الكاتب باسم شرف وعلى جريمة عدم الاسترسال..و الحكى عن هذا الرجل وعن أبطال القصة التي تصلح لان تكون رواية ..ماكل هذا الظلم الأدبي!!.
كانت العناوين الطويلة سمة أساسية ومهمة داخل المجموعة وتعطى للمجموعة ملمح بَهي وأيضا تجعله مدخلا جيدا لقراءة القصة ومن هذه العناوين ,ممكن يكون الكيبورد معلق,بعد أن شاهد علاء الدين قناة الناس,مقابلة خاصة مع السيد ياهو,الحذاء الذي أحب غلاف كتاب الوليد بن طلال,الايميل الرابع لفتاة مجهولة,رسائل تافهة لرجل كاذب,جزء من قصيدة الله.
أيضا كانت المُدخلات أو النص المقدم لكل مجموعة من القصص تكشف عمق التفكير والمشاعر التي يتحدث بها باسم عبر شخوصه حيث لابد أن تخرج من المجموعة بصديق يشبهك في وحدتك وفى تجوالك عبر الفن وخلال الشوارع ,أو تجد على أقل تقدير عدوا لك على الرغم انك لابد أن تكرهه إلا انك مع هذه المجموعة لابد أن تتعلم أن تتعاطف حتى مع أعداءك وتصبح مثل البطل في ص99 الذي يؤرخ لحالته"صاحب العمارة التي أسكن بها,هذا الرجل الذي ظل يقطع الماء عن سكان العمارة إلى أن حانت ساعته ومات,يومها قُطع الماء من المنطقة كلها وتأخر غسل جثته إلى أن جمعوا له من كل منزل كوبا",...أنا أيضا كنت سأتبرع بكوب من الماء لغسله ودفنه,سوف تتعرف على شهاب الذي لن يدخل النار -إن تقبل ربى وربه دعائي له- الذي يتمنى أن يحاسبه الله على انه مجرد عيل..وليس شرير ورجل كبير,أو الفتاة المجهولة التي يرسل إليها البطل الايميل الرابع الذي يحمل أجمل سرد طفولى عن حكاية أمنا الغولة,وأبو رجل مسلوخة,والعيال اللي .."سابو المدرسة وعملوا مدرسة لوحدهم علشان يبقوا صحاب أبو رجل مسلوخة ويتعلموا مع بعض من غير ناظر ولامدرسين",أنا شخصيا وجدت نفسي مع بطل قصة ممكن يكون الكيبورد معلق وكُنت ومازلت مثله" لا أنام وفى خزينتي الإلكترونية رسالة واحدة لم تقرأ"..على الرغم أنى استلمت أكثر من 500 رسالة يوميا بين ماهو ثقافي وأدبي من الفيس بوك والصحف المختلفة,وماهو تقنى من سيرفرات الشغل التي اعمل بها من اجل حل مشاكل التليفون المحمول حول العالم وخاصة الوطن العربي.وأيضا ربما تجد باسم شرف نفسه و تجد محمد هاشم بشحمه ولحمه ودار ميريت كاملة ص 107 في قصة "وجئت مرة.."وأيضا سوف تكتشف مثلي أن الفلسفة بوصفها حكمة وبمفهومها الإنساني متوفر جدا في هذه المجموعة الصادرة في القاهرة عام2010 عن دار العين بعنوان كفيف لثلاثة أيام للقاص والإنسان الجميل باسم شرف
إننا أمام كتابة حقيقة لاتهمها ..ولا يشغلها إلا أن تكتشف نفسها على حقيقتها وتشارك الآخرين نفسها عبر لغة تعبر عن كل ما يحدث بيننا من خلال لغة وجمل قصيرة تشبه الشعر وتقدم تشكيل لغوى عفوي غير مقصود لذا هو طازج من عينة"رصيدها من الزمن سبعة وعشرون عاما"ص18 "تحب رياضة الضحك وفتح الفكين لامتصاص النكتة ومضغها"
"هي دائما ما تخبرني عن الأسماء وكأني أعرفهم","شكرا للسيد ياهو على ما يصنعه من أجلنا"

إن مرحلة العمر السن ورصدها من الملامح التي يهتم بها باسم في مجموعته ليست كتقنية أدبية ولكنها حالة فوبيا يعيشها حيث يخاف من تقدم السن به"أطال الله عمره" ولذا فهو يعالجها في العديد من القصص حتى يقول في ص115" لم يكن بباله أن يصل للثلاثين من عمره يوما,كان يشعر بأن الثلاثين هي بداية الشيخوخة "

التفاصيل اليومية والحياتية كونت ملمح آخر في كل القصص .. كل التفاصيل بلا استثناء
من المقهى والشارع والشيشة,بائع الجرائد,أطفال الشوارع,الشاي,المطواه,المي

كروباص,السينما,
السيد وزير الداخلية والسيدة العجوز وأبناؤها المعتقلين .
من يريد أن يصاحب باسم شرف ليس فقط لثلاثة أيام بل طول العمر ..وطول الموت.. لابد أن يصاحب هذه المجموعة القصصية الجميلة التي تنبض حياة لكاتب نبيل يسأل ونحن معه "لماذا لم يجعل الله للكاتب قداسة..تظهر من ملابسه وملامحه حتى ليوقفه أمناء الشرطة في الطرقات يفتشون عن بطاقته.

هشام الصباحي
المنصورة

5 ابريل 2010
المقال نشر فى جريدة صوت البلد القاهرية

اللي بيكدب وشه بيسود ؟ ولا ملوش رجلين ؟ عشان افهم

2010-04-02T22:01:00.000-07:00

اللي بيكدب وشه بيسود ؟ ولا ملوش رجلين ؟ عشان افهم

زمان وانا صغير كنت بخاف اكدب ... مع اني كنت بحب الكدب.. لاني بحس فيه متعة الذكاء والاقناع وبعد ما بقنعهم بالكدبة بتحس انك انتصرت .. لكن وانا صغير كانوا مفهميني ان اللي بيكدب وشه بيسود .. فكنت كل ما اكدب الكدبة اجري علي المراية ابص واشوفه وهو بيسود طازة قدام عيني.. كانه لسة طالع من الفرن .. وبسرعة اروح اغسل وشي بمية من الحنفية عشان السواد اللي في وشي ميثبتش ويعرفه اني كدبت .. اكيد يبقي لسة جديد وممكن بالمية هيروح زي البوية قبل ما تثبت .. فبقيت اكدب واجري اغسل وشي بالمية...
لحد ما روحت المدرسة وقعد جنبي طفل برئ جدا بس كان بشرته سمرا او نقول سودا ( مش عنصرية ) هي البشرة كده هاعمله ايه .. فكنت متصور انه كدب كتير لحد ما اسود وكنت كل ما اشوفه عايز اقوله علي موضوع المية دي فخفت يعرف اني بكدب زيه .. وقولت سيبه واشوف هو الكدب بيخرج من الوش بعد عمر ولا بيفضل كده لازق في الوش زي الوحمة ؟ .. وكنت طول الوقت بساله عن افريقيا بيكدبوا كتير ليه علي بعض ياااااااااه كلهم عارفين امال فين متعة الكدب بتروح كده هدر ؟ ومكنش فاهم انا بكلمه في ايه وبقوله والله انا بفكر كده وخايف عليهم .. المهم صاحبي ده راح معايا اعدادي وحصل الزلزال المعهود ووقع بيوت وكان عندي امتحان انجليزي ومكنتش مذاكر اي حاجة يعني تقريبا معتبر نفسي ساقط ساقط غير ان المدرس عايز يسقطني عشان مش باخد درس فكده كده ساقط ولما حصل الزلزال رحمني ربنا من السقوط لكن اللي جه في بالي ان صاحبي من كتر الكدب ربنا عمل فينا كده .. ومش بعيد يخسف بينا الارض . وفضلت اضرب فيه كتير واقوله ارحم نفسك شوف ربنا عمل فينا ايه الله يخربيتك .. كله من كتر كدبك .. لحد ما عرفت ان الكدب بيبيض الوش لانك كل ما بتكدب بتغسل وشك فبتنضف ووشك بيبرق وبيلمع وقاطعت صاحبي الاسمر بسبب كدبه

......................
بمناسبة ابريل
ابريل اكثر الشهور صدقا لان الكل يحذر الكذب

.................
علي الرغم اني وانا صغير كنت بسال الكدب اللي ملوش رجلين طب بيمشي ازاي ؟ ولا بيعيش فين ؟ طب ما انا بكدب وبمشي علي رجلين ولا قصدهم علي بتوع افريقيا ؟

....................

مشكلة الجنة ان مفهاش كدب .. يا تري هعمل ايه هناك وانا مش بكدب وبستمتع بالحيل الكتير اللي بثبت لنفسي فيها اني اكثرهم ذكاء ( الكلام ده وانا طفل ) ولا ايه ؟
....................
باسم شرف

حفل توقيع كفيف لثلاثة ايام بمعرض الكتاب

2010-02-01T10:37:00.000-08:00

حفل توقيع المجموعة القصصية ( كفيف لثلاثة ايام ) للكاتب باسم شرف يوم الجمعة القادمة الموافق 5 - 2 بمعرض الكتاب الساعة 5 بسرايا 6 .. بجناح دار العين

كلمة الغلاف :المحرر العام

تشعر وأنت تقرأ هذه المجموعة القصصية أنك تراها ، وتسمع أصواتها ، وتشم روائحها ، وتحيا بداخلها" .كفيف لثلاثة أيام" " لعبة جديدة يقدمها " باسم شرف " ليشاركه القراء فيها بعد مجموعته المسرحية السابقة " جزمة واحدة مليئة بالأحداث " والتي وضعته بجانب أقرانه من شباب المبدعين في صدارة المشهد الأدبى الجديد

في هذه المجموعة يرسم" شرف" عالمًا هو مزيج من السخرية المريرة والحزن القادر على توليد المفارقة، من الهمس الشاعري والضجيج الفني النزق .. يتنقل بخفة وسلاسة بين الفصحى وعامية الحياة اليومية.. يقفز من حدوتة متخيلة عن " أم رجل مسلوخة " لحدوتة واقعية نعيشها يوميًا في عربات الميكروباص ، على المقاهي ، بامتداد الشوارع .. يكتب " شرف " عن أمناء الشرطة، والأطفال المنسيين ، عن العشاق المحبطين وقصص الحب غير المكتملة.. عن البيوت المغلقة على أسرارها وأساطيرها.
مجموعة تشبه أشخاصًا يبحثون عن وجوههم على صفحات الفيس بوك وبين سطور الإيميلات وعلى مقاعد كافيتريات الوجبات السريعة .. وتصنع منها أساطيرها الخاصة وخيالها غير المسبوق. وبقدر ما هي نصوص تشبه حياتنا اليومية وحكاياتنا الصغيرة وآلامنا المشتركة .. بقدر ما تطرح أسئلتنا الكبيرة عن الوجود والمصير.. عن الزمن الذي يصنع تجاعيدنا والمكان الذي يشكل أجسادنا والأشخاص الذين يصنعون أرواحنا

صدر عن دار العين

الغلاف للفنان : أحمد اللباد

الفهرس

1 - لست الوحيد
2 – ممكن يكون الكيبورد معلق
3 – علاء الدين يشاهد قناة الناس
4 – رامي
5 – فلاش الكاميرا بيكشفك
6 – شحاذ بيد واحدة
7 – جارسون مختبئ
8 – حوار مع امين شرطة
9 – لعنة الشتاء الجميلة
10 – هقولك سر ؟
11 – مقابلة خاصة مع السيد ياهو
12 – عادات تحتاج لرجل موجود
13 – الحذاء الذي احب غلاف كتاب الوليد بن طلال
14 – وكانت عارية
15 – مصاحبة رجل كفيف لثلاثة ايام
16 – تعريف لشخص ما
17 – امرأة مفاجئة
18 – مقطوعة موسيقية لمايسترو نائم
19 – لعبة ساذجة
20 – انه ربع اله
21 – رسائل تافهة لرجل كاذب
22 – جدي السوبرمان
23 – صفعة تائهة لا تؤلم
24 – أراد ان يفعل كل شئ ففعل
25 – فراغ
26 – الإيميل الرابع لفتاة مجهولة
27 – صاحب السكن
28 – شهاب هيخش النار
29 – وجئت مرة
30 – ربما افهم شيئا
31 – رحلة بعد الستين
32 – عجز اللحظة
33 – السيد وزير الداخلية
34 – غواية الخفاء
35 – جزء من قصيدة الله

كفيف لثلاثة ايام ..باسم شرف

2010-01-15T03:28:00.000-08:00

كفيف لثلاثة أيام

قصص قصيرة

باسم شرف

دار العين

قريباااااااااااااا

أفضل ما يُمكِن أَنْ يحدُثَ لي .. لمحمود خيرالله

2010-01-01T21:15:00.000-08:00

أعترفُ اليومَ أنني سعيد، رسمتُ سحابةً لأمّي ، لكنها لم تصل،زرعت شجراً في قلبي، لم يُثمِر بَعَد،اليوم، فعلتُ ما يحلو لي،فبرغم أنني أعيشُ بلا عمل ـ وربما بسبِبِ ذلك ـ قتَلتُ جيشاً من النّملِ بماء البرّاد المغلي ، فجأةً، بدأ النملُ هجومه ، رفعتُ البرّاد لأعلى ثم أملته قليلاً، ليخرجَ خيطُ من ماء وبخار وقليل جداً من غضبي..

ساعتها تكوّرتْ كل نملةٍ على نفسها، قبل أن تستسلمَ تماماً وتموت، وهكذا اعتبرتُ الموتَ أفضل ما يُمكن أن يحدثَ لي..
ذكّرني النمل المتكوّر على نفسه ببشرٍ كثيرين تكوَّروا هم أيضاً قبل أن يموتوا، و بأن أغلبَ من عرفتهم ماتوا بعدما تتقوّست ظهورهم، وقد كان من المؤسف حقاً أن ماءً يغلي لم ينزل فوقهم ، بل صخورتتدحرج ،كل عدة أعوام ، فيموتون فجأةً مقوّسين، رأيتُ ناساً يعلّقون صخورا فوق شفاههم، كأنَّها سلاسل من كلام.
عن نفسي ، وقفت بانتظار مصائبي ،دون أن أعرف لماذا أنتظرها دائما في السماء ، معلّقة مثل غيمة في السماء، رأيتُ صديقاً يسقط بجواري ويسيل منه الدمُ، لأن صخرةً تركَتْ مقعدَها فجأةً، وقررت ـ لسببٍ ما ـ أن ترسلَ رسالة إلىِّ، وصرتُ كلما رأيته أقرأ الرسالة التي حملها على وجههِ للأبد..
أعترف اليومَ أنني سعيد، لأننّي أحكي الحكايات البائسة، وأنا صغير ، كنتُ أظن أن العالم خُلق للأطفالِ ـ أصلاً ـ لكنهم سرعان ما حطمّوا كل شئ حينما كبروا، وحينما كبروا عادوا من حيث أتوا مُقوّسين تماماً وخائفين.
كم من نساء و شيوخ كوّرتهم سياراتٌ مُسرِعة وكّفنتْهم،عرفتُ أناساً انكسرتْ ظهورهم بسبب نظرة، وحين أرادوا أن يقيموها تمزَّقتْ منهم، نهرني أبي كثيراً لأن ظهري يتقوّس دائما من دون سبب، أبي مات منذ عشرة أعوام، تاركاً وخذةً في قلبي، كتلك التي أشعرُ بها الآن،وأنا أقتلُ نملاً لم يفعل لي شيئا، وأنا أقرأ هذه الصحيفة، عن صغار احترقت ملابسُهم الداخلية في شرفات القطار، كانوا كثيرين جدا وذاهبين إلى الموت في قطار العاشرة، ملابسُهم الداخلية احترقتْ قبل أن يسيل لحمُ الأصابع، لا شك أنهم لم يستعدّوا للموت حتّى ولو بانحناءة ظَهْر، لا أعرف مَنْ الذي وضع جثّةَ طفلٍ مقوّس في شرفة القطار، هكذا في رأسي، كل هذه السنوات، وأنا أُسْقِط ماءً يغلي فوق جيوشِ النَّمل، ربّما لأنّ جثةً في شرفة القطار كانت صغيرةً كنملة، وربّما لأنّهما احترَقا معاً وتقوَّسا نتيجة ارتفاعٍ هائلٍ في درجة الحرارة...
حين كنتُ صغيرًا عشتُ في بيتٍ يهتزّ مثل مؤخّرات العجائز، كلما مرّ أمامه القطار، مع كلّ رجفةٍ كانت قطعةُ من البيت تترك مكانهاعلى الجدران لتسقطَ فوق أحلامِنا ،كأنَّها تُدرّبنا على الألمِ.
هَزَمْتُ جيوشَ النملِ لكن في الجولة الأولى،عادَ بعدها من حيث لا أحتسب ، سَادَ وانْتشر، وَمَلأ المقاعِد والسجاجيد، و صارَ النملُ معركتي الأخيرة.

.....................................

للشاعر محمود خيرالله

من ديوان (كل ما صنع الحداد)

دار صفصافة

موجود دلوقتي بالمكتبات

من الدواوين اللي قرتها وحبتها جدا

كفيف لثلاثة ايام ..باسم شرف

2009-11-07T04:32:00.000-08:00

قريبا

كفيف لثلاثة أيام

مجموعة قصصية

باسم شرف

عن دار العين

حدوتة ابو رجل مسلوخة وامنا الغولة اللي محدش يعرفها .. باسم شرف

2009-09-16T07:43:00.000-07:00

ابو رجل مسلوخة وامنا الغولة

كان فيه بلد فيها ناس كتيرة قوي ... يعني زحمة جدا .. مفهاش غير مدرسة واحدة وكانت حكومية يعني تعليم مجاني .. وكانوا بيخوفوا العيال اللي معملوش الواجب بانهم هيودوهم لابو رجل مسلوخة والبنات هيودوهم لامنا الغولة ....وكان كل يوم في الطابور الناظر يقولهم .. ابو رجل مسلوخة ده بياكل العيال اللي مبيعملوش الواجب وامنا الغولة بتخطف البنات وتدويهم لجزيرة مسحورة فيها وحوش بتاكل البنات دي.. وكان بيحكي حكايات كتيرة عن ناس هو يعرفهم حصلهم ده ..

فبقي كل الاطفال يعملوا الواجب عشان ميروحوش لابو رجل مسلوخة او امنا الغولة

وفي مرة قرر طفل كان اسمه حمادة بيحب يطير طيارة ورق في وسط الميدان .. حمادة ده قرر انه ميعملش الواجب عشان يشوف ابو رجل مسلوخة اللي موجود في اخر البلد دي .. وقبل ما ياخد القرار بقي يهرب من المدرسة ويروح هو والعيال جنب بيته فيشوفوه ويصرخوا ويجروا ..
وفي اليوم اللي قرر حمادة ميعملش الواجب استعدت المدرسة وكنست الشوارع وبعتوا عربيات امن كبيرة تامن الطريق لحد باب ابو رجل مسلوخة .. واكتشف حمادة انه اول واحد هيروح لابو رجل مسلوخة وكل الحكايات اللي حكاها الناظر كانت كدب .. واعترفله الناظر بده بينه وبينه
لبس حمادة ابيض في ابيض استعداد لمقابلة الوحش اللي اسمه ابو رجل مسلوخة .. وبما انه معملش الواجب فكان لازم يروح عشان ده النظام .. البلد دي مفهماش حاجة غير النظام

وقفت العربية اللي هتوصل حمادة قبل بيت ابو رجل مسلوخة بعشرة كيلو وقالوله كمل انت بقي الطريق .. نزل حمادة لحد ما وصل الباب .. مش عارف يعمل ايه .. يخبط ؟ يزق الباب ؟ يهرب ؟ مش هينفع يهرب ..

رن الجرس بتاع البيت .. خرج له راجل برجل واحدة وقاله اتفضل .. دخل حمادة وهو في الطريق للاوضة لقي حمادة شجرة كبيرة قوي بتطرح كل انواع الخضروات والفواكه..وجنبها بير شكله مبيخلص ابدا .. والغريبة ان حمادة مخفش منه لما شافه .. وقعد حمادة لواحده في اوضة وبعدها دخل عليه الراجل ده بصنيه عليها اكل كتير وطلب منه انه ياكل .. وقاله تعرف ان انت اول واحد تزرني من تسعين سنة من ساعة ما انولدت .. لاني اتولدت برجل واحدة مكنتش امي بتخرجني عشان محدش يعيرني برجل واحدة وفي مرة خرجت خافوا مني الناس وسموني ابو رجل مسلوخة ورجعت تاني ومن ساعتها مخرجتش وبقيت بخاف منهم وكل ما حد يقرب واشوفه بيصرخ بخاف وبصرخ .. ويجروا ..

ساله حمادة طب ايه حكاية امنا الغولة انت بتخاف منها زينا .؟ . قاله ..دي بقي كانت ست جميلة قوي مخلفتش غير ولد واحد وجوزها مات وابنها صغير .. فبقت تخاف تخرج من البيت وكانت واحدة صحبتها اللي بتجبيلها الطلبات بتاعة البيت .. لحد ما ماتت وفي اليوم اللي ماتت فيه الست دي طلعت شجرة كبيرة وسط البيت تاكل منها الست الجميلة .. وجنب الشجرة لقت بير مليان مية كتيرة عمرها ما خلصت وابنها بقي قاعد معاها لحد ما ماتت .. حمادة عيط وبدا يمسح دموعه بايده .. لانه فهم ان ابنها هو ابو رجل مسلوخة .. وخرج حمادة وحكي كل اللي حصل وطلع ابو رجل مسلوخة تاني يمشي في الشوارع ويتعلم ويروح مدرسة وبقت العيال مبتعملش الواجب .. وسابو المدرسة وعملو مدرسة لوحدهم عشان يبقوا صحاب ابو رجل مسلوخة ويتعلموا مع بعض من غير ناظر ولا مدرسين ..

............................................
;كتبها
باسم شرف

ساعات بكونك

2009-08-19T04:11:00.000-07:00

ساعات بكونك

ساعات بنكون شبه بعض قوي

لما بتكلم مع حد غريب

وساعات بكون غيرك خالص

لما بتكلم معاكي

عارفة !

ان اول مرة أضحك كانت امبارح ؟

عارفة ليه ؟

لان اول مرة أحس بانك خلاص بعدتي ..

وبقيتي مش شبهي

واسكتي بقي

ما خلاص عرفت اني منفعش اكون بحب

باسم شرف

محمود درويش يرثي نفسه

2009-07-13T08:18:00.000-07:00

وهذا الاسم لي
ولاصدقائي,
أينما كانوا,
ولي جسدي المؤقت
حاضرا أم غائبا
متران من هذا التراب
سيكفيان الأن...

لي متر
و 75 سنتيمترا...
والباقي لزهر
فوضوي اللون,
يشربني على مهل
ولي ما كان لي:
أمسي,وما سيكون لي,

غدي البعيد,
و عودة الروح الشريد
كأن شيئالم يكن
...أما أنا
وقد امتلأت
بكل أسباب الرحيل
فلست لي,

أنا لست لي...
أنا لست لي

محمود درويش

محمود درويش

..................
يشعرك محمود درويش حين يكتب عن نفسه انه يكتب عن نفسي
لذلك اقرأ اشعاره ..
والسؤال هو هل مطلوب من الاديب ان يشعرك بذاتك حين تقرأه ؟

ممكن ما نتكلمش تاني ؟

2009-06-18T18:20:00.000-07:00

ممكن مانتكلمش تاني ؟

ممكن مانتكلمش تاني ...؟

ممكن وانتي ماشية تطفي النور ؟

وتسيبي القصيدة اللي كتبتها عنك تحت عقب الباب

عشان ممكن اديها لواحدة تانية

عارف ان ده ممكن يضايقك وانتي ماشية

ويمكن تسرحي في البنت اللي ممكن اقولها نفس القصيدة

وتسمعيني وانا بهمسلها بكلمة حب

وتشوفيني وانا بكتب اسمها علي ازاز العربية اللي غرقان في الضباب

فترجعي تخبطي .. واعند شوية

ومافتحش ..

فترني الجرس

وافضل في مكاني متعذب بالقلق بين اني اقوم وانقذ عقلك من الانتحار

وبين انك تنامي في ماضي تفتكري منه حكايتين عني

علي فكرة انا هاسيبك لخيالك اللي ممكن يرجعك ليا

وترجعي تصدقيني وتخافي مني وتقلقي

ممكن اقولك حاجة تضحكك ؟

ماتصورش اكون لحد تاني غيرك

تقدري تمشي وتطمني

اني ممكن اصحي تاني من النوم واكلمك ..

وصدقيني ان الدنيا زي ولد وبنت متخاصمين ... لكن بيحبوا بعض ..

..........................................

باسم شرف

.......................................

اوباما علي ناصية شارع الهرم مستني توك توك

2009-06-05T09:08:00.000-07:00

لو يعرف اوباما ايه اللي اتقال عليه بين سواقين توك توك علي اول الهرم هيحلف ليسيب امريكا ويعيش في ليبيا .. اتنين واقفين بيقولوا لبعض.. والله لو الرئيس نوباما ده جه وقالي هركب هقوله والله ماهركبك .. قالو التاني ليه ؟ فرد عليه صاحبه فقاله عشان رئيس اسرائيل وانا مبركبش اسرائلين توك توكي

عشان كده شاور وقال هتولي الاتنين دول.. ..

لماذا يحدث هذا مع محي الدين اللباد ؟

2009-04-27T20:42:00.001-07:00

رسالة الاستاذ محي الدين اللباد التي نشرت باخبار الادب ...

يحكي فيها ما حدث معه وهو رمز ورائد من رواد الفن التشكيلي ..

سقطتُّ في امتحان لم أتقدم له !

الدكتور عماد أبو غازي رجل مهذب، وأستاذ جامعي، ومن عائلة مثقفين. يُرسل لي رسالة قصيرة علي المحمول في كل عيد، وأرد عليه بمثلها، خاصة بعد أن أصبحت ماهرًا في هذه اللعبة.
والدكتور عماد اتصل بي تليفونيًا منذ أكثر من شهرين، وطلب مني تصميم ملصق موجّه للطليان ليُعرض في المعرض الدولي للكتاب بمدينة تورينو، بمناسبة اختيار مصر ضيف شرف علي المعرض في دورته القادمة. أجبته بالموافقة، وطلبت منه ردودًا علي بعض الأسئلة المهنية وبعض البيانات الضرورية والترجمات إلي الطليانية.
جعلت العنصر الرئيس للملصق رسمًا لبنت من بنات عروض موالد الأولياء في مدن الريف والأحياء الشعبية في المدن الكبري. وكنّ بنات يظهرن علي منصّات خارج الأكشاك الخشبية والسرادقات الفقيرة التي تقام داخلها تلك العروض، بغرض الدعاية وحث الجمهور لقطع التذاكر والدخول لمشاهدة العرض.
أخذتُ رسم البِنت من لوحات الرسم الشعبي علي الزجاج التي استخدمها فنان الوشم ليلفت بها أنظار الزباين في السوق الريفي المزدحم.
كررت رسم البنت 3 مرات في الملصق، أحدها في قياس مكبر، وجعلت في يمناها كتابًا مفتوحًا. وفوق رأس البنت كان هناك «بالون» مستعرض مثل »البالونات« التي يُكتَب داخلها الحوار في القصص المرسومة. وبداخله -بدلاً من الكلمات المكتوبة- كان هناك سطر من الرسوم كما لو كان حديث البنت المفترض الموجّه إلي الطلياني زائر المعرض: بلبل ملون. سمكة . يدان تتصافحان . نخلة طرحت بلحًا أحمر . شمس خضراء . زهرة . وكلها صور تحيل بسهولة إلي معانٍ غير بعيدة، وتذكرك بالكتابة الهيروغليفية المصرية القديمة.
أعتذر عن هذا الشرح التفصيلي الذي يكاد أن يكون شرحًا أدبيًا لا أفضّله لعمل بصري، بل كنت أفضّل أن يتسلم المشاهد الرسالة بعينيه من مجموع عناصره ودفعة واحدة.
سجلت الملصق علي اسطوانة »سي-دي« وأرسلتها إلي الدكتور عماد أبو غازي، وأرفقتها بطلب أن يطبعوا لي نسخة تجريبية رقمية بالألوان لأطمئن علي العمل.
لثلاثة أو أربعة أيام لم يرد أحد علي طلبي. فاتصلت بالدكتور عماد لأسأله عن التجربة المطبوعة التي لم تصل بعد. ودار الحوار »التاريخي« التالي:
- صباح الخير يا دكتور عماد. عرفت أنك كنت مسافر. حمدالله ع السلامة !
- الله يسلمك. شكرًا !
- أنا بعتّ لك الملصق علي اسطوانة »سي-دي«. وطلبت تجربة مطبوعة ولم يتصل بي أحد من هيئة الكتاب.
- (بصوته المهذب الخالي من الانفعالات) - أصل لجنة معرض تورينو في هيئة الكتاب رفضت الملصق !
- ...... !
(بنفس الصوت الخالي من الانفعال ومن أي شعور بالمسئولية أيضًا) -
أصل لا الست المرسومة مصرية (!)،
ولا التصميم مصري (!!)، ولا أي حاجة مصرية (!!!).
خلو الصوت من أي مشاعر أو ارتباك اجتماعي لم يوضح لي إن كانت هذه الآراء هي آراء أعضاء اللجنة وحدهم ينقلها لي الدكتور عماد بحياد وبرود، أم أنه يشاركهم تلك الآراء.
كانت الصدمة جليلة، بحيث منعتني من إظهار رد الفعل الطبيعي في مثل تلك الظروف. فحاكيت الدكتور أبو غازي في تبلد المشاعر وخرجت مني كلمة واحدة بنبرة سليمة وكأنها حقيقية:
- شكرًا !
- لأ .. العفو ! (كما لو فهم أني أشكره بجدّ !).
!!!!!!!!!!
هكذا ببساطة. مثل »سلامو عليكو«- : »عليكو السلام« !
بعد فترة من السكون والجمود، قلت لنفسي: لا يا ولد. لابد أن الدكتور عماد بعد أن يضع السماعة، سيدرك أي إهانة وجهها إلي رجل عمل في هذا المجال لخمسين عامًا، رسامًا، ومصممًا، وكاتبًا، ومسئولاً، ومديرًا فنيًا، ومشرفًا علي مشاريع فنية كبري، لكن الدكتور أبو غازي تصرف معه كرجل سيء الحظ جاءه يطلب عملاً. لابد أنه سيتصل للاعتذار بعد قليل.
فات النهار وخيّم الليل؛ فقلت لنفسي: لابد أن الدكتور عماد سيأوي إلي فراشه الآن بعد يوم عمل مزدحم ومرهق وطويل. ولعله حين يستلقي، ويسحب »الكوفرته« علي جسمه (كانت موجة الحر قد بدأت) سيتذكر كارثة المكالمة التليفونية، ويهبّ للاتصال ــ حتي في ذلك الوقت المتأخر- ليهدئ من خاطر رجل عمل مديرًا فنيًا مسئولاً عند عدة مشاريع ثقافية وفنية كبري، في بلده وفي منطقته وفي أنحاء العالم ومع مؤسسات دولية.
قصر الكلام: لم يتصل الدكتور عماد أبو غازي حتي اليوم ولم يعتذر لرجل في أواخر عمره عمل طويلاً محكمًا لاختيار الأعمال الفنية في مجال الاتصالات البصرية علي المستوي المحلي والإقليمي والدولي.
ويبدو أن الدكتور عماد لم يسأل نفسه بعض الأسئلة البسيطة:
- هل أبلغني حين طلب مني الملصق أني سوف أتقدم به إلي امتحان يصدر الحكم بقبول العمل أو رفضه بواسطة لجنة؟ وهل وافقته علي ذلك؟
- ما هي مسئولية الدكتور عماد أمامي (مقابل مسئوليتي أمامه التي جعلتني أعمل لشهرين)؟ هل هي مجرد إبلاغي بنتيجة »الامتحان« دونما أي انفعال وبصوت خال من الشعور بالمسئولية ومن الذوق السليم؟
- هل يشارك الدكتور اللجنة رأيها في مسألة جنسية البنت وجنسية عناصر الملصق (لا مصرية ولا هم يحزنون). كيف عرف الدكتور ذلك؟ وهل هو متأكد من أهليته للحكم؟ وإذا حققنا في »الجريمة« واتضح أن البنت وعناصر الملصق من التابعية المصرية، هل سيستقيل الدكتور من مسئولياته الثقافية؟ أم سينكر حديثه في التليفون؟
لقد اطلعت علي الملصق الذي أنجز لمعرض جنيف الدولي للكتاب في العام الماضي، ولابد أن اللجنة (بما فيها الدكتور عماد) قد وافقت علي تصميم ذلك الملصق الذي كان من حافته إلي حافته صورة رديئة مكبرة لحائط أثري حُفرت عليه سطور من الكتابة الهيروغليفية المصرية القديمة. ولا ريب، فالكتابة المحفورة جنسيتها المصرية واضحة. و نستخدمها منذ أكثر من 100 عام كرمز واضح، المصرية، ولذا -غالبًا- ما تمت الموافقة علي ذلك الملصق بسهولة وبلا مناقشة.
ونحن غالبًا ما نفضّل الطعام الذي سبق أن مضغه غيرنا من قبل، ونختار الأعمال الفنية التي سبق لغيرنا أن اعتمدها من قبل، ولا نغامر بالبحث -بحريّة- عن الجديد. ولهذا السبب هذا هو حالنا.

عصافير جنه بمسرح روابط

2009-04-12T06:39:00.000-07:00

تدعوكم "فرقة حالة" لحضور عرضها

عصافير جنة

تمثيل
محمد عبد الفتاح

هبة عبد الغني/ نسمة
عمرو
الأغاني كلمات : محمد خير
الحان : أيمن حلمي
غناء : احمد مصطفي
صياغة درامية: باسم شرف - محمد عبد الفتاح

إخراج : محمد عبد الفتاح

على مسرح روابط
3 ش حسين المعمار، من محمود بسيوني، وسط البلد

من يوم الخميس 9 إبريل
إلي الأربعاء 15 إبريل

الساعة الثامنة مساءً

تذكرة الدخول: 10 جنيه

Hala Theatre Group

Invites you for its performance

Asafeer Jannah
(Swallows)

Starring:
Mohamed Abdel Fattah
Heba Abdel Ghani/ Nesma
Amr

Lyrics by: Mohamed Kheir
Music by: Ayman Helmy
Vocal: Ahmed Moustafa

Dramaturge: Basem Sharaf
& Mohamed Abdel Fattah

Directed by Mohamed Abdel Fattah

From Thursday, April 9
To Wednesday, April 15
At 08:30 pm
Admission: 10LE

On Rawabet Theatre
(3 Hussein El Me'mar, Off Mahmoud Basyouni, Downtown)

شرفة ليلي مراد .. للشاعر الكبير حلمي سالم

2009-04-07T17:23:00.000-07:00

القصيدة التي تسببت في ايقاف مجلة ابداع كما يدعون
انا لا اري اي مساس بالذات الالهية في القصيدة ولكنه يري الله بطريقته
وانا ضد اي واصي علي اي ابداع
حلمي سالم شاعر كبير دعوه يكتب هو وغيره حتي يكون لدينا ما نفخر به فيما بعد
ليس لديكم ما تتحدثون عنه ايها المانعون والقابعون تحت لغة المنع والقمع
قرار بوقف مجلة ابداع من اجل قصيدة انتم لا تفهومنها مشكلتكم انتم وليست مشكلة الشاعر ولا المبدعون
ليس لدي ما اقوله الا ان انشر نص القصيدة تضامنا مع الشاعر الكبير حلمي سالم

شرفة ليلى مراد

حلمي سالم

أسمهان

صادفوها
وهى تحمى بأسودها
أبيضها
الذى يجر عليها قذى الشوارع
مأزقها:
أن الانطباعات الأولي
تدوم
كيف إذن ستغني
أسقيه بيدى قهوة؟

نظرية

البكارة
ملك الأبكار
وحدهم
حتى لو كرهوا
نظرية التملك

رومانسية

نقاوم الشجن بعصر ما بعد الصناعة
لكن مشهد عبد الحليم وأخيه
فى حكاية حب،
ينتقم للقتلي

البلياتشو

تعبنا من توالى الامتحانات،
فلماذا لا يصدق الناسُ
أن الأرض واسعة؟
لنعط أنفسنا للمفاجأة،
راضين
مرضيين
البلياتشو جاهز للوظيفة،
حتى لو شك الجميعُ
فى إجادته العمل

الأزبكية

يقسو على نفسه موبخاً: يالطخ، الجميلات لا يصح أن يصعدن السلالم وهن معلقات على ذكرى الأب الذى يظهر خفيفا فى القصص.
ظلت دعوة الشاى مؤجلة حتى ماتت التى فى مقام الأم أثناء حمى الطوائف. وقبل موتها بربع قرن اعتزلت ذمية تياترو الأزبكية ليصير لديها وقت لتناول الينسون كطيف من زمان السلطنة.
لعلنى أنا الذى فى الحديقة، أمزج الشحاذة بالغرام، مصطنعا الاعرجاج فى ساقى، والعكاز تحت الإبط، فهل أنت الواقفة فى شرفة ليلى مراد؟

طائرات

البيوت تأكلها الرطوبة،
لذلك يطلقون الطائرات الورقية
على السطوح،
ليثبَّتوا بها المنازل على الأرض
حراسة
ليس من حل أمامي
سوى أن استدعى اللهَ والأنبياءَ
ليشاركونى فى حراسة الجثة
فقد تخوننى شهوتي
أو يخذلنى النقص

طاغور

تنام متخففة من شدادة الصدر،
وعندما تصحو فى مواجهة السقف،
تلوذ بغوايش طاغور
فرقة الإنشاد،
تشنجات حلقة الذكر
تقبيل يد القطب،
هذا هو تأصيل الرغبة
تهكم الجراحون على أهل العواطف،
وعيناك ترفضان النصيحة
بسبب المنام رأتا فيه
البلطة تتدلى مكان الفلورسنت

الأندلس

أنت خائفة،
وعماد أبو صالح خائف،
والطفلة التى اتخذها النذل
ذريعة للنجاج
خائفة
يارب أعطهم الأمان
لم يتحدث أحد عن الأندلس
كل ما جري
أنك نظرتِ فى المرآة
فوق:
رمزية الترمس،
وسماء تحتَكُّ برهة بنهدين،
ثم تلتف حول نفسها مسطولة
فوق:
ونحن معلقان فى الفراغ
كان لابد أن تقال كلمة مشبوهة
قبل أن تضمحل الدول

الأحرار

الرب ليس شرطيا
حتى يمسك الجناة من قفاهم،
إنما هو قروى يزغط البط،
ويجس ضرع البقرة بأصابعه صائحا:
وافر هذا اللبن
الجناة أحرار لأنهم امتحاننا
الذى يضعه الرب آخر كلّ فصلٍ
قبل أن يؤلف سورة البقرة

الطائر

الرب ليس عسكرى مرور
ان هو إلا طائر،
وعلى كل واحد منا تجهيز العنق
لماذا تعتبين عليه رفرفته فوق الرءوس؟
هل تريدين منه
أن يمشى بعصاه
فى شارع زكريا أحمد
ينظم السير
ويعذب المرسيدس؟

محاكمة مجدي الشافعي بسبب ابداعه

2009-04-01T03:16:00.000-07:00

نعيش في قهر طالما نبدع
يخافوننا فيحكمون علينا
مجدي الشافعي امام المحكمة بسبب ابداعه
يطلبون مننا ان نكون في اول صف علي مستوي العالم ليكون اسم البلد في الامام .. ومن الباب الاخر يسجنون الفكرة قبل ان تختمر

حزنت جدا لما يحدث لمجدي الشافعي

واليكم كلمة مجدي وهو في غاية الاندهاش والتوتر والظلم

فى وقت تتحرك فيه كل الاجهزة لقمع الكلمة و ضرب الحرية فى جميع منافذها ( صحافة - محطات - اذاعه - انترنت- دور نشر)

مسؤليتنا جميعا اننا نبث روح الحرية

احنا قدام تيارين ضاريين:

- الوهابيين اللى مش مستحملين يعايشوا مع اى حد و لا مستحملين روحهم

- و التيار البوليسى المهووس بالقوة و القمع

الاثنين يترعبوا من شئ واحد: النور

نور الحرية

سيستخدموا هتافات اخلاقية

و سيستخدموا كل الفرص ليبرروا كل الاغلال التى سيقيدوا بها افواهنا و ادمغتنا

لكن

اذا لم نهزم حدودنا

لن يكون هناك بطلا اوليمبيا

لن يكون هناك فى مكتشفا

و لا مخترعا

ولا عملا فنياً

مازلت ارى نورا و أملا فى فطرتنا السليمه التى تنتصر للفن و العقل و الحرية

حتى و رجال البوليس و محامو الحسبة يبلغون ضدنا

حتى و نحن نساق للمحكمة بلا داع

يوم السبت القادم الساعة 9 صباحا

سيكون يوما لنا

نتقدم فيه خطوة فى مواجهة جيوش الظلام

بدعمكم

اكتبوا على الوول بتاعة فاروق حسنى

احضروا المحاكمة

اكتبوا على مدوناتكم

فالامر يستحق ان نثبت لكل المتربصين انهم لم يفتتونا لان كل واحد فينا

كان مشغولا بنفسه فقط

كليك شمال للشاعر عادل سلامة

2009-03-12T09:45:00.000-07:00

مصر أجمل مطربة

مصر اجمل مطربة

صوتها كان مالى الرداوى

فى القهاوى وفى الحارات

كل حتة بتمشى فيها بتلاقيلها بوسترات

نجمة جامده مافيش كلام

ع المسارح .. واقفه وقفه فيها عزة وانسجام

كل كل المطربين كورس وراها

تفتن العشاق بأهه

تاخد الاحساس معاها

واما تسكت لحظة بتقوم القيامة

تبتسم نص ابتسامه

تبتسم كل الاماكن

تندمج وعنيها تلمع

تلقى كل الدنيا تدمع

هى جاية الدنيا بس عشان تقول والباقى يسمع

هى فين راحت صحيح

ماتت .؟. ماظنش مستحيل

قررت فجأة اعتزالها؟

برضه لأة .. مش ده حالها

طب وفين جمهورها راح

من زمان ماسألش عنها

اختفاءها فجأة بيخليها عرضه للإشاعة

والخبر مالى الجرايد والمواقع والشاشات

من ييجى ساعة

ليه ماجتش بنفسها علشان تكدب كل ده

حد عنها يقول كده؟

ايه شعورك لما كل الدنيا دى تقراه معانا

اقرا شوف

مصر حصريا توقع مع روتانا" "

....................................................

من ديوان كليك شمال
للشاعر الموهوب عادل سلامة
دار ملامح

انا يوسف يا ابي .. محمود درويش

2009-02-27T18:35:00.000-08:00

أنا يوسف يا أبي
محمود درويش

أَنا يوسفٌ يا أَبي.
يا أَبي، إخوتي لا يحبُّونني،
لا يريدونني بينهم يا أَبي.

يَعتدُون عليَّ ويرمُونني بالحصى والكلامِ
يرِيدونني أَن أَموت لكي يمدحُوني
وهم أَوصدُوا باب بيتك دوني
وهم طردوني من الحقلِ
هم سمَّمُوا عنبي يا أَبي
وهم حطَّمُوا لُعبي يا أَبي

حين مرَّ النَّسيمُ ولاعب شعرِي
غاروا وثارُوا عليَّ وثاروا عليك،
فماذا صنعتُ لهم يا أَبي?
الفراشات حطَّتْ على كتفيَّ،
ومالت عليَّ السَّنابلُ،
والطَّيْرُ حطَّتْ على راحتيَّ
فماذا فعَلْتُ أَنا يا أَبي،
ولماذا أَنا?

أَنتَ سمَّيتني يُوسُفًا،
وهُمُو أَوقعُونيَ في الجُبِّ، واتَّهموا الذِّئب;
والذِّئبُ أَرحمُ من إخوتي..
أبتي! هل جنَيْتُ على أَحد عندما قُلْتُ إنِّي:
رأَيتُ أَحدَ عشرَ كوكبًا، والشَّمس والقمرَ، رأيتُهُم لي ساجدين؟

قصيدة المدخل لبابلو نيرودا

2009-02-06T04:43:00.002-08:00

المدخل

قصيدة طويلة للشاعر التشيلي بابلو نيرودا
ترجمة: سركون بولص

( القيتها باحتفالية الجيزويت بادب امريكا اللاتنية)

يا له من قرن طويل!
تساءلنا: متى ينتهي؟
متى يسقط رأسياً
في الكثافة، في المتاهة؟
في الثورة التي عبدناها؟
لكن ما هو أكيدٌ
هو أننا لم نعشه أبداً
كما كنا نريد.

*
كان يتعذب دائماُ.
كان دائما يُحتضر.
يبزغُ في الفجر ويدمى بعد الظهيرة.
يمطر في الصباح، وعند المساء يبكي.
اكتشفت الحبيبات
أن لكعكعة الزفاف جراحاً
كما بعد استئصال الزائدة الدوديّة.

*
تسلق الرجال الكونيّون
سلّماً من نار
وعندما لمسنا أقدام الحقيقة
كانت قد انتقلت الى كوكب آخر.

*
تطلعنا الى بعضنا كارهين:
أشدُّ الرأسماليين دناءة لم يعرفوا
ما العمل:
كانوا قد تعبوا من المال
لأن المال كان قد تعب
والطائرات من دون ركاب
وما من علامة على الركاب الجدد.
كنّا جميعاً ننتظر
كما في محطات القطار، في ليالي الشتاء:
كنا ننتظر السلام
فجاءت الحرب.

*
لا أحدٌ كان يريد
أن يقول شيئاً.
الكلُ كان يخاف التورّط:
بين الشخص والآخر كبرت المسافات
وصار التنافرُ بين الاصطلاحات من الحدّة
بحيث كفّ الجميع عن الكلام
أو أخذوا جميعاً يتكلمون دفعة واحدة.

*
عندما سقطت القنبلة
(البشرُ، الحشراتُ، الأسماك
أبيدت كلّها) فكّرنا بالرحيل
حاملين صرّةً صغيرة،
باستبدال كوكبنا وجنسنا.
أردنا أن نكون خيولاً، خيولاً بريئة.
أردنا أن نغادر هذا المكان.
بعيدا، بعيدا من هنا.

*
لم تكن الإبادةُ وحسب
لم يكن الموت وحده
(رغم أن الخوف كان خبزنا اليومي)
بل أن لا نقدر على الحركة
بقدمين اثنتين.
لقد كان ثقيلاً،
هذا العار
في أن نكون بشرا
كالذين دمّروا ومن أبادوا.

*
ومرة أخرى، مرة أخرى
كم من المرات، الى متى؟

*
الكلابُ وحدها بقيت تنبح
في العلوّ الريفي للبلدان الفقيرة.
هكذا كان نصف القرن صمتاً
والنصف الآخر، كلابا تنبح
في ليل الأرياف.

*
مع ذلك، لم يسقط النابُ المرير
وظلّ يصلبنا.

*
فتح لنا باباً، تبعناهُ الى الداخل
وهو يشعلُ ثقاباً مثل مذنب،
وعندما أغلق الباب
ضربنا في البطن بعقب بندقية.
أطلقوا سراح سجين
وعندما رفعناه على الأكتاف
ابتلع السجنُ مليون سجين آخر
وخرج مليون آخر من المنفيين،
ثم دخل مليونٌ الى الأفران
وأحيلوا الى رماد

*

أنا في مدخل الباب، أغادر
وأستقبلُ القادمين الجدد.

*

كان الفجر ما زال يبدو نظيفاً
بفضل النسيان الذي نتملاه به
بينما استمرّت الأمم، منشغلة،
تقتلُ البعض هنا والبعض هناك،
تصنع فظائع أكثر وتخزنها
في ترسانة الموت.

*
أجل، حالنا لا بأس بها، شكراًً لكم:
ما زال لدينا أمل.

*
لهذا السبب أنتظرُ في مدخل الباب
أولئك الذين يقاربون نهاية هذا العيد:
نهايةُ هذا العالم.
*

أدخلُ معهم مهما كلف الأمر.

أغادرُ مع من يغادرون.

*
واجبي هو أن أحيا، أن أموت، أن أحيا.

***

الارملة تكتب الخطابات سرا

2009-01-31T23:03:00.000-08:00

صدرت اخيرا رواية

الارملة تكتب الخطابات سرا

للروائي طارق امام

عن دار العين

الحاصل علي جائزة ساويرس عن روايته السابقة هدوء القتلة
الصادرة عن دار ميريت
مبروك لصديقي طارق امام

غزة - توأم - بنتر - الزمالك

2008-12-30T04:29:00.000-08:00

علي هامش غزة والدعاء لهم

في ظل دعائنا لأخوانا في غزة سمعت خطبة الارجوز المدعي حسن نصرالله وبدلا من سماحة الشيخ والتي اعطيناه إياها سنردها ونسميه سفالة الشيخ .. لسانك طول يا برنس علي مصر وبدلا ما انت قاعد تنظر وتطالب مصر بفتح معبر رفح ما تفتح المعبر الاقرب ليك اللي هو معبر كرم ابو سالم اشمعني معبر رفح فقط اللي عمال تنادي بيه واتهامات وشتائم انت بالتأكيد ستعتذر عنها .. ( احنا مع غزة ونصرتهم ايا كان الموقف ولكن مسالة فتح المعبر ليست بالسهولة عشان مش قاعدين في قهوة افتح فيفتح .. الموضوع سياسي ومعبر يتفتح يعني دخول ومين عارف ايه اللي ممكن يحصل مش اخواتنا الفلسطنين ولكن اكيد معبر زي ده مش سهل يتفتح ولكن احنا بنستقبل الجرحي ودا حاصل لكن سفالة الشيخ نصرالله الذي يقف في سيرك لابد ان يكف عن طولة اللسان ولا نسي سفالته الخطبة المخزية اللي اعتذر فيها عن معركة راح ضحيتها الاف اللبنانين وتشريد وهدم بيوت عام 2006.. لو راجل بحق كان اعتصم وقال خطبة اكثر شجاعة من هذه .. ثم جالي اميل بيقول ان واحد شيخ من قناة الناس عايز يعمل انتفاضة ضد مبارك .. ايه يا سيادة البرنس ؟ ما تفكر تعمل حاجة افيد وهو هيعملك ايه .؟ يا عم ادعي ربنا يوفقهم .. عشان معركة بره الحدود نعمل معركة داخل الحدود .. وعايز تفكر وتحل بالعقل يا برنس الليالي .. واخيرا ندعو لهم بنصرتهم وابادة شعب زي إسرائيل دا شئ بنتمناه كلنا ..

....................................................

حسام وابراهيم

انا بصراحة ضد الحكم قبل التحقيق ودا طبعا جزء من فساد عام عايشين فيه .. كون الجمهور الجزائري غلط فيه عايزينه يعمل ايه ؟ ... واحد واقف بيشتمك باهلك وبيضرب فيك وانت واقف تقوله انا هقول لابوك .. اكيد كل واحد عنده طاقة وهما بصراحة زودوها وحسام وابراهيم كنتم شوفتو اللي حصل واحكموا لان المخرج بتاع الماتش والمصور جزائري فمش هيجيب اللي حصل كله وطبعا ده حقيقي كتير .... ومدير البعثة اللي تم استضافته امبارح اتلجلج في الكلام عايز يقول انه مع ابراهيم حسن وحسام حسن لكن من طريقة حواره تعرف ان فيه ضغوط عليه .. وفريق زي المصري مكنش هيكون فريق في الفترة الاخيرة الا بحسام وابراهيم .. يا نادي المصري تراجع عن قرارك واستني التحقيق .. عيب

...........................................

بنتر .. رحل .
نعي كاتب مسرحي كبير زي هارولد بنتر شئ مش سهل .. انا من الناس اللي عاشت علي كتابة بنتر وعملت كذا مسرحية ليه .. رحل امس تاركا ثروة ادبية ومسرحية وجائزة كبيرة زي نوبل وهاخصص ليه مقال كبير عنه ومواقفه السياسية والادبية ....

.......................

الزمالك

كل الناس عارفة اني زملكاوي ومش حابب فكرة اننا اتعودنا نتغلب وعادي مفيش أي حركة .. وعشان كده هسال سؤال مهم لكل مشجعين الكورة واللي مش مشجعين كمان

... اخر فريق غلب الزمالك هو ..

مكرم عبيد – نبيلة عبيد – بني عبيد

اتصل علي رئيس النادي والجهاز اللي في التراوة واخواتنا اللعيبة المحترمين عشان ربنا يوفقهم ويتغلبوا اكتر

..................................................

تعديل

تم تغير جملة بسبب غلطة عندي وصلحتها شكرا لاصدقائي اللي نبهوني ليها لاني كتبتها بانفعال

صباحك قشطة

جزمة وايد واغنية

2008-12-16T06:56:00.000-08:00

ايده في ايده

لما جيت اكتب تعليقي علي اللي حصل من شيخ الازهر يوم ما طلع قرار بجلد الصحفي اللي هيمس السلطة بشئ وخصوصا الرئاسة منعه الكوميكية اللي عملتها انا والرسام العبقري مجدي الشافعي بدعوي الحبس تلت سنين وفعلا اتمنعت .. و( طبعا اللي حصل في السعودية تجاه جلد الاطباء مش غريب لان شيخ بلده امر بجلد اللي يتكلم امال لو غلط هيبقي عقابه فعشان كده الحكومة السعودية حكمت وبقلب جامد كمان ) .. .. طيب ولما شيخ الازهر المسؤل عن اكبر مؤسسة دينية في العالم يصافح بيريز رئيس اسرائيل في مؤتمر حوار الأديان بأمريكا .. هو سيادته ميعرفش ان اسرائيل دي سياسة صهوينية ملهاش علاقة باليهودية والدين ؟ وبعدها سيادته اعترف بانه ميعرفش شكل بيريز وسلم عليه كده من قبيل الصدفة وعذر اقبح من ذنب .. لما مسئول ديني ميعرفش شكل رئيس بلد عدو دا يبقي ايه ... علي العموم انا هاتكلم علي كليب هيفاء الجديد افضل وعلي فكرة جامدة . وحلوة ومثيرة .علي فكرة انا بتلكلم عن هيفاء مش فكرة الكليب . .. دعواتي القلبيه لكليب هيفاء ..

.............................................

جزمة بوش

وكانت جزمة منتظر الزايدي في وجه بوش جزمة واحدة مليئة بالاحداث

وكاني تنبأت بحدوث تغير العالم عقب حذاء طائر يعني العالم اتغير بعد طائرة دخلت في برج التجارة العالمي .. وبعدها العالم هيتغير بعد الحذاء في وجه بوش الرئيس العالمي .. ودلوقتي الناس عرفت ليه سميت كتابي بجزمة واحدة مليئة بالأحداث ( طبعا بهرج )

...................................................

وأخيرا أحب أن أشير إلي أغنية الريس المفضلة هي ... احلب في سماها وترابها ...
باسم شرف

ربما لم افهم شيئا

2008-11-13T19:42:00.000-08:00

ربما لم افهم شيئا
................................

لماذا لم يخبر الابن اباه
بأنه دخل الغرفة
ليرقد ويموت
عل الاب يفترش الحزن
ملاءة يكفنه بها ؟
..............................
لماذا لم يجعل الله للكاتب قدسية
تظهر من ملابسه وملامحه
حتي لا يوقفه أمناء الشرطة في الطرقات
يفتشون عن بطاقته ؟

.............................

لماذا لم يتم تصوير

الرسائل السماوية قبل أن تنزل علي الارض

فيديو أو سينما وتوزع علي المؤمنين في cd .

وبعض المنافقين يسرقونها من النت عن طريق برنامج تحميل سريع

..............................

لماذا لا نغني قبل أن ننام

اغنية هادئة علي جيتار

فنار الانارة الليلية تتراقص

والصبح يكسل وينام كثيرا

لأنه مصاب بمرض البرد

( ان المضاد الحيوي يجعل الليل يطول لكي نغني )

......................

لماذا لم يجب الله علي كل

هذه الأسئلة علني أنام

دون القراءة علي الاضاءة

الخافتة التي ترهق العين ؟

احمد عز

2008-11-02T17:34:00.000-08:00

المهندس احمد عز مضايق جدا عشان سعر الحديد نزل وناوي يفكر في خطة جديدة

2008-10-24T04:50:00.000-07:00

صدرت الطبعة التانية من كتابي
جزمة واحدة مليئة بالاحداث
عن دار ميريت للنشر
تطلب الان من المكتبات ومن المقر
6شارع قصر النيل بجوار مسرح قصر النيل
الدور الاول

بعض النصوص من الكتاب

إهداء

ـ إلي كل من خرج من تحت البطانية في عز البرد
ويبص من الشباك عشان يقول حاجة .....

ـ إلي ملامح وش عمي اللي شفتها ممددة علي سرير الموت.

..................................................

الكرسي الفاضي

المهدي المنتظر : علي فكرة أنا مش جاي .

إظلام مفاجئ

.....................................

تحت الأرض

فتاة فى سن الشباب تجلس على مقدمة المسرح من ناحية اليمين

وفى الجانب الآخر يجلس ولد , يزدحم المارة من خلفهما ,

فجأة الكل يثبت نظرته تجاه الفتاة ويقول الولد :

الولد :- جوا المترو الناس بتمارس العادة السرية بملامح

وشوشهم لما يشوفوا بنت واقفة وساندة ظهرها على الباب .

إظلام

.......................................................

كراكيب

( شاشات عرض على المسرح وراديو معلق في الفضاء المسرحي )

القناة الأولي : ما تقولش حاجة ساقعة قول كوكاكولا . هذا المشروب

هو الراعي الرسمي لمسابقة ( miss Egypt ) لهذا العام,

نتمني لكم صوما مقبولا , وإفطارا شهيا .

القناة الثانية : ماكنتش ناوي أغني لكن لقيت الفرصة قدامي ,

قلت أغني ولما غنيت لقيت نفسي ممثل معروف
ربنا يسهل وعايز أوصل للعالمية .

القناة الثالثة : والله حكاية الربا والكلام ده اتكلمنا فيه كتير , لكن

علي ما أذكر كنت قلت انه حلال من أجل

المصلحة العامة والله أعلي وأعلم .

صوت الراديو : مات الشيخ أحمد ياسين قائد حركة حماس اليوم .

رجل : ( يدخل ويمر أمام هذه الوسائل الإعلامية ثم يقف أمام الجمهور)

أنا عايز أعلق علي الحدث ده ، لإني حزين جدا

ازاي الأهلي انسحب وأنا شايف إن ده مشكلة كبيرة لكن ربنا يوفقه في البطولة اللي جاية.

إظلام
...................................................................

مشهد رومانسي عادي جدا

الشخصيات :

شاب 23 سنة

فتاة 20 سنة

شاعر 23 سنة ( يشبه الولد إلي حد كبير )

( 1 )

( يقف كل منهم في مكان لكن على مستوى واحد فليكن في عمق المسرح )

الولد : نفسي أحب بجد .

البنت : نفسي أحب بجد .

الولد : نفسي أبطل كدب عليهم واختار واحدة بس .

البنت : نفسي أبطل أصدقهم كلهم واختار واحد بس .

( 2 )

( يقف الولد أمام البنت وكأنهما في وسط الحديث )

الولد : إحساسي بالضعف نفسي أعيشه مع حد .

البنت : ( تصمت باستغراب )

الولد : من زمان نفسي أصاحب بنت تحس بيا بجد ،
أحكيلها عن كل اللي بيحصلي ، ولما أرجع مرة وأحس اني وحيد
في يوم من الأيام أجري علي التليفون وأحكيلها عن كل اللي جرالي،
وخصوصا بعد ما صاحبي سافر، مبقاش فيه حد أحكيله.

البنت : انت عنيك بتدمع .

الولد : ( يهم بمسحها بسرعة وكأنه قد خجل منها )

البنت : سيبها متمسحاش .

( صمت طويل )

الولد : حاسس إني ضعيف قوي .

البنت : ( تنظر له بإعجاب ) ياه ، ( وتضحك ) .

الولد : هو ده اللي بدور عليه، إني أحكي ضعفي قدام حد ،
ساعتها تبقي هي دي البنت اللي نفسي أحبها بجد .

( يثبت المشهد وكأنهم في لوحة قد رسمها فنان يعشق الملامح الجميلة
المليئة بالمشاعر لكي توضع بجانب قصيدة رومانسية )

الشاعر : يعني إيه بنت حلوة ؟

ـ يعني صوت نغمة طالعة من طبلة .

ـ صوت الشاب خالد اللي طالع من عربية وانت واقف

في الدورالرابع بتبص علي النيل .

ـ صوت المطربة لما يسكت جوا أغنية بتحبها .

ـ الكرافتة المربوطة كويس .

ـ كوباية شاي تقيلة سكر مظبوط .

ـ رقصة التنورة في المولد .

ـ القناة الخامسة المصرية لما تجيب برنامج حلو .

ـ أغنية بيغنيها صاحبك اللي بتحبه .

ـ تأثرك بقراءة (مقتل ثلاثة فلسطينيين وخمسة عراقيبن)
اسفل الشاشة وهي عارضة أغنية بورنو .

ـ البنت الحلوة اللي ممكن تتكلم معاها في كل حاجة

ماعدا الحب .

( 3 )

الولد : فاكرة أول مرة كلمتك فيها ؟

البنت : أكيد .

الولد : كان تعارف عجيب بالنسبة لي .

البنت : إنت اللي كنت عجيب .

الولد : جيت وقولتلك ازيك وانت واقفة في المترو ،
مع إني ماكنتش أعرفك ،وكنت لابسة ساعتها قميص أبيض وبنطلون جينز أزرق.

البنت : وانت كنت لابس تي شيرت أحمر وبنطلون أسود .

الولد : علي فكرة أنا مش بحب اللون الأحمر .

البنت : آمال كنت لبسه ليه ؟.

الولد : مش دايما اللي بحبه أعمله .

البنت : وانت حبيت تكلمني ؟

الولد : ( يصمت ) لأ .

البنت : ( تنظر له بغيظ ) .

الولد : لأني أول مرة أعملها ، حسيت إني عايز أكلمك ، وانا

عمري ما رحت واتعرفت علي حد ، فعملت عكس ما أنا مفروض أعمل .

البنت : والمفروض كنت تعمل إيه ؟

الولد : أبصلك وأضحكلك بس .

البنت : بس ؟

الولد : آه بس .

الشاعر : البنت الحلوة هي الصورة المحتفظ بيها في جيب المحفظة .

( إظلام تدريجي علي الثلاثة )

....................................................................

باسم شرف

محمد محي مظلوم .. اخيرا يا معلم بقي

2008-10-18T19:01:00.001-07:00

محمد محي بقي في السوق اخيرا اااااااا
بعد اربع سنين اختفاء
محمد محي ... مظلوووووم
محمد محي من المطربين المفضلين ليا جدا

رامي .............. قصة قصيرة

2008-09-18T07:56:00.000-07:00

رامي

قرارته لم تكن بيده .. ولاول مرة يتخذ قرارا .. وكانه تذكرة مترو مرت من الماكينة الي الناحية الاخري واخذها صاحبها ثم ضاعت منه .. طارت الي مكان لا علم لها به واستقرت بين قضبان المترو .. عاشت سنتين ثم تفتت الي قطع صغيرة يصعب ان تلم نفسها مرة اخري .. فقررت الموت .. وكان قرارها الوحيد

يسكن رامي مدينة بولاق الدكرور التي لا تفضله لانه كما يقال عنه تنك ولا يلقي السلام علي اهلها فكانوا يهيؤون الجو لصنع مشاجرة معه .. رامي سمين .. تسطيع ان تضربه بسهولة بشرط ان تجري فور ضربك له لانه لو لحق بك سيأكلك مثل دجاجة بيعت لتوها لشحاذ في شارع ناهية ..
هو لا يفهم لماذا يتصيدون له وجوده ويضربونه .. هو لا يلقي عليهم السلام لانه لايعرفهم .. طرده والده لانه تمني امامه ان يربي شعره ويجمعه في توكة صغيرة مثل فنانين وسط المدينة .. قال له ابوه انت خول ياض لو عملت كده انا هاحرقهولك.. دافع رامي عن وجهة نظره امام والده قاله تروح تعمل ده بعيد عني ..

خرج رامي من بيته في العمرانية لا يعرف الي اين يذهب .. دله صديقه علي مدينة بولاق الدكرور لان السكن بها رخيص .. ودبر قرشين من الاصدقاء القريبين بشرط ان يردهم زيادة علي المبلغ نصفه .. وافق .. لم يكن سمينا .. هروموناته تجمعت لتشبع رغبتها في الوجود والاعتراض علي مايفعله والده به فاخذت بثاره منه بالتزايد لياكل كثيرا ..

في نفس اليوم الذي طرده فيه والده قرر ان يخس ويقلل من وزنه لان شكله بدا في التقزز وابتعاد سماح عنه كان الدافع لهذا ..
ماتت والدة صديقه وذهبوا لدفنها وحملوها الي القبلة للصلاة عليها .. انها ثقيلة .. لماذا لم تخس قبل موتها لكي يسهل حملها .. جاء موعد حملها من مسجد السيدة نفيسة الي ترب المجاورة له وفضل اهلها ان يحملوها علي اكتافهم طول الطريق ورفضوا ان يتم توصيلها بسيارة الموتي البيضاء المتسخة دائما ..

من الممكن ان يكون الصندوق الخشبي هو السبب في الثقل .. فكر رامي انهم حين يرفوعونها من الصندوق يحمله لكي يعرف لماذا هي ثقيلة ..بالفعل صنع رامي هذا خلسة منهم ولم يكن الصندوق بهذا الثقل ابدا .. تاكد من وزنها الكبير .. وهل كانت تقصد هذا لتعذيبهم ام انها بطيبة قلب تركت نفسها للحياة حتي تجاوزت المئة والخمسين من الكيلوات .. كان هذا دافعا كافيا لتراجع رامي عن مشروع التخسيس بل وسيحاول ان يزيد من وزنه ليعذب كل من يعرفه في نهايته وسيكون هذا اول مرة يحصل علي حقه منهم وسينتزع منهم رعبهم في حمله وتخويف هؤلاء المقرؤون الذين يلتفون حول اهل الميت لللحصول علي أي نفحة لانه يكرهم كثيرا .. في وقت دفن والدة صديقه وجد منهم من يشارك في حمل الصندوق او البكاء كذبا وتخيل لو بيده مسدس لفرغه في رأسهم وبهذا لا يحملهم احد هؤلاء الجبناء وندفنهم في مكانهم او نتركهم وهم يقرأون القران خطأ داخل المدفن ويغلق الابواب عليهم ليموتوا بخطأهم ..

رامي سافر الي باريس بشعره الطويل هربا بجواز سفر مضروب وقتل علي الرصيف ولم يعرف احد من اهله أي شئ عنه بعد موته ..

..........................................

باسم شرف

قصة قصيرة

المشي بمحاذاة رجل يشبهني ... لهشام الصباحي

2008-08-25T07:34:00.000-07:00

نشرات الاخبار لم تعد صالحة لاصلاح مابيننا

لابد ان انسجم بشكل او باخر

مع قرفي المعلن

وارتب اشيائي

بطريقة تتماثل مع فتاة اعلانات

تتدلي ملابسها المغسولة من شرفات المدينة كلها كدليل اخير

علي انتاج البشر

............................................

قاسيون

ايها الملائكة

لماذا لا تعصون

الله مرة واحدة

وتسمحون

ان أتمشي قليلا

خارج الموت

تذكرت موعدا مؤجل

............................................

الوقت مناسب تماما

للموت

عليك فقط

ان تحب امراة

وتبحث عن صديق

..................................................

رائع

ان تثار حولك اشياء

بسيطة

وخارقة

تجعل منك - دون ان تدري - نبي
..........................................

بعض من ديوان المشي بمحاذاة رجل يشبهني
للشاعر هشام الصباحي
عن دار ميريت للنشر

درويش الان في وطنه

2008-08-10T06:05:00.000-07:00

رأي رجلا جاءه من خلف الحضور

يحمل الحقائب ليقيم بوطن جديد ...

اندهش للحظة ثم ابتسم

وهو يمر وسط الحضور رافعا يده ببطاقة الهوية

مؤكدالابيه انه كان يوسف ..

ثم خرج من القاعة علي صوت تصفيق الجميع

المخلوط بنشيجهم

متمنيا لنا السكينة في النوم

يوسف شاهين وصلاح جاهين

2008-07-28T07:08:00.000-07:00

يرحل يوسف شاهين

تاركا شجرة صلاح جاهين وحدها

مش انيس منصور 2 ...

2008-06-27T23:14:00.000-07:00

مش انيس منصور2

أنا قلبي حوض سمك .. مليان عصافير تايهة

لو الوحدة ليها مقاس كنت فصلت مقاس اكبر من جسمي .. عشان الوحدة تستريح في القاعدة

ارتفاع سعر البنزين مؤشر خطير علي ارتفاع سعر البطيخ واحنا داخلين علي صيف ؟

نفسي أتكلم إنجليزي زى ابوتريكة في حوار بقناة النايل تي في المصرية

يردد اغاني عبد الباسط حمودة

بفضل الجلوس مع الغير حتى الغير يكرهونه

العام عام البنزين والهبل الجماعي

الجنة علي بعد لترين بنزين من الأرض

ذاكرة الملائكة محتشدة باسمينا وبأفكارنا

مزيل العرق بقي يشتغل مكان البرفان ؟ فسااااااااااااااااااد

النكسة ميزتها انها زانية ... وسببها ان الثورة كانت شغالة في شبكة دعارة

فخلفت أبناء غير شرعيين

بحب العب مع اللغة .. لاني أنا وهي في الضلمة دايما لوحدنا .. والشيطان صايع .. فلازم ينتج جمل بنت حرام .. زي دي

لو كانت سكتك علي موتي ...فامشي براحتك وزي ما انت عايز

ميكي وبطوط يبحثان القضية الفلسطنية بعد فشل ابوتريكة في لم الشمل

لكل انسان غشاء بكارة اخلاقية لابد من فضه

عزيزتي .. لم اقصد يوما ان يكون اسمي باسم شرف ..انتي هبلة ؟

الان .. فضي بكارة احلامك حتي تستمتعي بالحياة ..

مساء الخير يا امي .. لقد حضرت من يومي مثخنا بالطعنات ..

الان اخلع عنك نفسي وابغض فراقي عنك .. لكن النصيب اراد .. فليستمتع النصيب بارداته

بعد البعد كنت خايف اقوم الصبح اتصل زي ما اتعودت بالغلط .. واهو حصل واتصلت .. وقلبي اتوجع

.........................................

باسم شرف

فيلم ناس من الايام بدار ميريت

2008-06-10T08:01:00.000-07:00

سوف يعرض بدار ميريت يوم الخميس القادم 12 من شهر بونية فيلم ناس من الايام
وهذا ضمن نشاط ميريت ( الاستاذ العبقري محمد هاشم ) في دعم التجارب الجديدة
من كتابة وسينما وفن تشكيلي وكل الفنون
الفيلم يعرض الساعة 8 مساء بالظبط
وسيحضره كتاب وفنانون
سوف يحضر العرض الاستاذ ابراهيم اصلان

الفيلم
( ناس من الايام )

عن قصة الرجل والاشياء للكاتب ابراهيم اصلان

سيناريو وحوار .... باسم شرف

اخراج .... العجمي السيد

انتاج المركز القومي للسينما

العنوان
6 شارع قصر النيل ( التحرير ) فوق مسرح قصر النيل الدور الاول شمال السلم

صباحكم قشطة

بوساء مصر ينافسون بوساء فرنسا علي مسرح القومي

2008-05-20T23:21:00.000-07:00

بوساء مصر ينافسون بوساء فرنسا علي مسرح القومي .. فقرا في بعض يعني

مش عايز تشوف مسرحية ؟

او حتي تعدي كده من جنب المسرح القومي بالعتبة ؟

ولا يهمك يا عم .. عادي .

. انا بقي رحت المسرحية .. مسرحية اسمها البوساء للكاتب الفرنسي فيكتور هوجو وبصراحة كان عندي يقين ثابت اني هاشوف عرض دمه تقيل علي قلبي ... لأني بكره تقل الدم ... وكمان زهقت مسرحيات كلاسيكية ومعرفش الناس اللي بتقدمها مزهقتش من كتر تقديمها ؟ لكن والحق اتفاجات بالمسرحية .. من اول ما دخلت طبعا استقبلني رجل رخم عليا ومرضيش يديني القائمة باسماء العاملين بالعرض وقالي كل مجموعة بياخدوا بنفلت احنا هنصرف علي كل واحد عايز بنفلت ؟ طبعا بداية غير مشرفة علي دخولي للمسرحية .. توجهت للداخل وشاهدت جمهورا لا بأس به يشاهد العرض ... بصراحة فرحت وقلت بداخلي معقولة عندنا جمهور مسرح بيتفرج كأني بافنيون في فرنسا ؟ وانتظرت بداية العرض .. وبدأ العرض .. لن احكي العرض تفصيلا .. لان العرض طويل الي حد ما .. مسرحية البوساء هي للكاتب الفرنسي فيكتور هوجو وهي مأخوذة عن رواية بنفس الاسم وقدمت في جميع انحاء العالم بجميع اللغات وقدمت ايضا بالسينما والمسرح والتليفزيون .. فقد قدمها المخرج كمال سليم للسينما المصرية عام 1944 واسند البطولة لأمينة رزق وعباس فارس وزكي رستم وايضا قدمت أكثر من مرة علي مسارح الدولة في مصر ومسرح الشباب المستقل .. فهي رواية ذائعة الصيت .. ففي لندن قدمت واستمر عرضها حوالي 22 عاما وانتهت في مارس الفائت... والان تقدم في مصر علي المسرح القومي وهي من انتاج مسرح الطليعة ترجمها واعدها اسامة نور الدين واخرجها هشام عطوة .. تعتبر البوساء انعكاسا لحياة هوجو .. وانعكاسا لحياة فرنسا وانعكاسا لحياة أي مجتمع تربي علي ظلم وقهر.. فقد كان هوجو منحازا لطبقة الفقراء والمظلومين .. ضد القادة الذين افسدوا فرنسا بفسادهم.. فهذه الرواية تتحدث عما يحدث في فرنسا من ظلم إجتماعي ما بين سقوط نابليون في 1815 والثورة الفاشلة ضد الملك لويس فيليب في 1832 . وكأن هوجو يعيش بيننا الان ..ويشعر بحالات الاضراب المصرية وهذا ما حاول تقديمه هشام عطوة في هذا العرض .. قدم البطل جان فالجان الذي سجن بسبب سرقته لرغيف العيش وتم حبسه 19 عاما ثم خرج للحياة .. وجدها لم تتغير كثيرا .. وطارده القائد جافير بقية حياته لهروبه اثناء فترة مراقبته .. حركة الممثلين شيك جدا وتكوينات حلوة قوي علي الخشبة .. لم اشعر بملل طوال العرض الا في الجزء الاول فقط وهذا بسبب تطويل في النص كان من الممكن حذف مشاهد قد تغير ايقاع العرض

ولكن الاخراج بسيط وجميل وعمري ما هانسي المشهد الرومانسي بين ماريوس وكوزيت وابونين .. بصراحة اعتبره من اهم المشاهد الرومانسية التي تم اخراجها علي خشبة المسرح المصري .. ايقاع المشهد وحركة الممثلين .. الولد الذي ارتبط بالبنت التي رآها أول مرة والفتاة الاخري التي تحبه ولم تخبره ... وطبعا اشيد بالتمثيل .... وعجبني قوي التمثيل لانه مكنش اوفر وكان طبيعي والممثلين كلهم عجبوني وطبعا دي غريبة اني اخش مسرحية متأكد إن الممثلين اوفر جدا طبعا لانه نص كلاسيكي ..كمال سليمان ممثل قوي أدي دوره بلياقة الأمير الذي كان فقيرا .. ويحي احمد القائد الذي ظلم البطل فقدم دوره بحساسية الحفاظ علي القانون وكره من يتعدى عليه وشعوره بالقهر عندما اكتشف ان من يبحث عنه طوال العمر كان مظلوما .. أماني البحطيطي أجادت دور الفتاة التي تربت بين اسرة تسعي لجمع المال حتي وان كان علي حساب أشخاص اخرين وبين ان تضحي بحياتها من اجل حبيبها .. وولاء فريد التي قدمت دور أمها ... وأبوها كان خالد النجدي فقدا اجادا الاثنين دورهما وببراعة وهذا الاخير الذي اضحك صالة العرض وسط البؤس والكابه فقد كانت مهمة خالد صعبة واندهش كيف لم ينتبه له احد من رجالات السينما في دوركوميدي كبير وايضا الممثلة نرمين زعزع عجبني أداؤها كتير وكانت تتحرك علي المسرح بنشاط وحماس .. وبصراحة كل الممثلين كان عندهم الحماس ده مثل الفنان مصطفي طلبة ولا انسي الشباب جميعهم كان يؤدون دورهم ببراعه مثل تامر الكاشف وهاني سعد ومحمد علام وريهام درويش .. الديكور لصبحي السيد فقد كان متناسق جدا لطبيعة العرض والإضاءة كانت متماشية مع الصورة التي صنعها هشام عطوة مخرج العرض اما بالنسبة للموسيقي كانت جملة واحدة تتكرر فلم تعجبني لانها تشبه موسيقي مسلسلات الساعة 7 وربع كيف نختار عرضا بأسماء فرنسية وإيقاع فرنسي وموسيقي شرقية جدا ؟ فهذا لم يعجبني .. وهناك النص الذي أعده أسامة نور الدين عجبني فيه التنوع بين اللغة الفصحي والعامية وكان ظريف جدا محستش بانه بينقل بين الفصحي والعامية خالص .. لكن هناك مشكلة في النص وهي سذاجة بعض المشاهد مثل الأبطال الذي يشاهدون بعضهم بعد عشر سنوات ولا يعرفون بعضهم .. الفتاة ابونين التي عاشت مع ابيها وامها في ماخور وفجاة تحولت مضحية.. اين عرفت هي هذا الشعور ؟ .. ولكن في النهاية العرض عجبني وطلعت مبسوط منه .. علي فكرة هوجو مات وعنده 83 سنة ومشي في جنازته 3 مليون مواطن اعتبروه قائدا قوميا بسبب الرواية دي

باسم شرف

ادباء بلا مقهي .....كمبيوتر بلا مرأة

2008-05-05T20:54:00.000-07:00

في ليلة الاحتفال بمولد الرئيس ارتفع سعر البنزين ..
وعرض فيلم عنترة بن شداد ( بتاع فريد شوقي )علي النيل للدراما ..
حد يعرف ايه العلاقة بين التلات حاجات دول ؟
.............................................................

العمال لما اضايقوا وحسوا بالقهر عملوا اضراب قدام مصانعهم وعرفوا ياخدوا جزء من حقوقهم
دلوقتي لو حب الشعب يعلن رفضه لارتفاع سعر البنزين يعمل ايه ؟
.. طب يقف فين عشان الاضراب ؟

........................................................

هناك ادباء اذا فقدوا المقهي سقطت عنهم صفة الاديب
اين يجلسون ليمارسوا عادات النميمة اليومية ؟
واذا تضايقت منهم كيف اعلن رفضي لذلك ..؟
هل اعمل اضراب ؟ بس هاقف فين برضه

..........................................................

تامل جميع العلاقات لتكتشف المفاجأة
وعندما تصل لنتيجة لا تتردد في المراسلة علي اي ايميل يعجبك

عيب .. والله عيب

2008-05-02T11:19:00.000-07:00

نو كومنت ..

بس عيب والله ..يعني الحمار مقراش اليافطة قبل ما يقف ؟ دا حمار غبي ..
مصر عظيمة طبعا بس يشيلوا الحمير اللي فيها اللي مبوظين سمعتها
ومن غير اضراب وهباب
قشطااااااات

فيلم ناس من الأيام

2008-04-23T06:13:00.000-07:00

ناس من الأيام .. يدعوكم لحضور فيلمهم والتعرف حياتهم الخاصة جدا
هم ناس ضاعوا بسبب الثورة .. وضاع الجمال معهم
وذلك يوم 26 ابريل .. السبت القادم من الساعة الخامسة عصرا
بمسرح الاوبرا الصغير
ضمن فعاليات المهرجان القومي للسينما
الفيلم انتاج المركز القومي للسينما
الفيلم عن قصة الرجل والاشياء للكاتب ابراهيم اصلان
سيناريو وحوار : باسم شرف
اخراج : العجمي السيد