وداعا للقشرة

وداعا للقشرة وداعا للدين الشعبي الذي يمارسه هؤلاء من اجل الكسب المادي رجاء تبلغوا اخونا الوسيم ايه علاقتة بوصلات الدش سواء اذا كانت حلال ولا حرام واخيرا الناس بتوع قناة الناس ( شفت مرة واحد مذيع بيتكلم مع رجل فاضل ومحترم انا احترمه والله ... لكن المذيع كان مستفذ لابعد حد ويبالغ في الحالة الايمانية التي ركبته فجأة ... وذلك عندما بدأ الرجل الفاضل الحديث عن ان الشخص عندما يذهب للقبر لا يأخد معه اي شئ .. وجدت المذيع في اداء مبالغ فيه يقول .. الله ... سبحان الله ... يا الله ... وعندما جاءت سيرة سيدنا محمد صلي الله عليه وسلم وجدته يقول باداء اعلي من المتحدث يا حبيبي يا رسول الله ... ما هذا الاداء المبالغ فيه ... ما الجديد في هذا الكلام الرجل يذكرنا مش نقعد نفت حواليه ونشربه ونهلل للمقرئين في المآتم ... انا اقول لم يعد وقت لهذه المبالغات .... انا اصبحت اشاهد التلفزيون كحلقات كوميكس في مجلة اطفال ... وصل هذا الي موضوع ( التليفون الاسلامي ) لا اعرف سوي انه يأذن... ليه بقي كلمة اسلامي ... هي تجارة وخلاص ... وهل معني اسلامي استغفر قبل ما ارد ولا اتوضأ .. مش عارف انا عايش في مجتمع شبه المجتمع ودين شبه الدين وقيم شبه قيم انا شبه انسان هأ هأ هأ هأ نصيحة عشان نحل المشكلة دي نستعمل صابون الغسيل بينضف اكتر وعلي رأي العالمة الشهيرة ابلة نظيرة القطنة مبتكدبش

حاليا في مكان

فلسطين العراق لبنان مصر هأ هأ هأ هأ شكرا اقابلكم هناك عنده

بهاء سلطان علي اله الكمنجة

النهاردة بالصدفة ومش بالقصد والله ... وربنا يكفينا شر الصدفة ... شفت اخونا العزيز المطرب بهاء سلطان في اعلان عن اغاني شريطه الجديد اللي نزلت نغمات علي الموبايلات وكان عبارة عن مجموعة صور وهو حاضن الة الكمنجة نفسي اعرف ازاي يمسك العصاية تحت والاله فوق لاني اصلا مش مصدقه وهو بيقول الواد قلبه بيوجعه وماسك الة الكمنجة .... انا طبعا بنصحه عشان حاجة تانية وهي مشكلة ستؤرقه فيما بعد وهي عصاية الكمنجة ممكن تشبط او تتعلق في شنبه وتجرحه ... والله يعفينا من شدة شعر الشنب -- وهو عارف طبعا بتوجع قد ايه -- عشان كده بنصحه يمسك الة بيانو ويلفعها علي كتفه ويعزف ويغني الواد شنبه بيحرقه خايف حد يحلقه